गछियाः ‘एकताका लागि दौड’ भन्ने नाराका साथ खेलकुदमार्फत् सामाजिक एकता र स्वास्थ्यप्रति सन्देश दिने उद्देश्यले सिर्जनशील क्लबको आयोजनामा भएको सुन्दरहरैंचा सिर्जनशील रनमा ५०० जनाभन्दा बढी धावकले सहभागिता जनाएका छन् ।प्रतियोगिताको खुला १० किलोमिटर दौडमा महिलातर्फ दीपा बस्नेत, यदिका देवान र रुदिना महतारा क्रमशः पहिलो, दोस्रो र तेस्रो भए । पुरुषतर्फ प्रथम केन्याका जुलियाफ पहिलो भए । त्यस्तै, रमेश लिम्बू र तेन्जिन शेर्पा क्रमशः दोस्रो र तेस्रो भए । महिला र पुरुष दुवै तर्फका पहिलो, दोस्रो र तेस्रो हुने धावकले क्रमशः १७ हजार, ९ हजार र ५ हजार ५ सय रुपैयाँका साथमा मेडल प्राप्त गरे ।५ किलोमिटर भेक्ट्
इटहरी । आईसीसी टी २० विश्वकपअन्तर्गत समूह चरणको खेल खेल्नुअघि पहिलो वार्म अप खेलमा नेपालले आज यूएईसँग खेल्दै छ । नेपाल र यूएईबीचको वार्म अप खेल साँझ सवा ५ बजेदेखि चेन्नईको एमए चिदाबरम स्टेडियममा सुरु हुनेछ ।यसअघि नेपालले मुम्बईमा एमसीए प्रेसिडेन्ट ११ सँग र श्रीलंकामा श्रीलंका ‘ए’ सँग अभ्यास खेल खेलेको थियो । श्रीलंका ‘ए’ सँग ३ खेल खेल्दा १ खेल मात्र जितेको नेपालले एमसीएलाई दुवै खेलमा हराएको थियो ।नेपालले यसपछि अर्को वार्म अप खेलमा क्यानडासँग बिहीबार खेल्नेछ । टी २० विश्वकप फेब्रुअरी ७ ९माघ २४० देखि भारत र श्रीलंकामा संयुक्त रूपमा सुरु हुँदैछ । नेपालले पहिलो खेल माघ २५ मा इंग्ल्यान्डसँग खेल्नेछ
दिल्ली । भारतको राजधानी नयाँ दिल्लीस्थित जे.एल.एन. स्टेडियममा दोस्रो सुटिङ बल विश्वकप प्रतियोगिता सुरु भएको छ। माघ १८ देखी २१ गते सम्म सञ्चालन हुने उक्त प्रतियोगितामा नेपालसहित विभिन्न देशका खेलाडीहरूको सहभागिता रहेको छ। विश्वकपमा भारत, क्यानडा, नेपाल, श्रीलंका, सुडान, म्यानमार, न्यूजिल्याण्ड लगायतका देशहरूको सहभागिता रहेको छ।यसअघि सम्पन्न पहिलो सुटिङ बल विश्वकपमा नेपाली टिमले ऐतिहासिक सफलता हासिल गरेको थियो। पहिलो विश्वकपमा नेपाली महिला टोली उपविजेता (दोस्रो स्थान) बन्न सफल भएको थियो भने पुरुष टोली तेस्रो स्थान हासिल गर्दै अन्तर्राष्ट्रिय स्तरमा नेपालको सुटिङ बल खेलको पहिचान स्थापित गरेको थिय
इटहरी । साताको अन्तिम कारोबार दिन बिहीबार नेपाली शेयर बजार १७.५३ अङ्कले घटेर २ हजार ७१४.०५ अडिएको छ ।नेप्सेमा सूचीकृतमध्ये ३२० कम्पनीको ३ करोड ५४ लाख ७७ हजार ९३९ कित्ता शेयर १ लाख ३८ हजार ८८३ पटक किनबेच हुँदा १४ अर्ब ५६ करोड ३१ लाख ३८ हजा ८६५ रुपैयाँको शेयर कारोबार भएको छ । बुधबार ११ अर्ब ४९ करोड ३९ लाख रुपैयाँको शेयर कारोबार भएको थियो ।नेप्सेमा सूचीकृत १३ वटा समूहमध्ये जलविद्युत, लगानी र सामुहिक लगानी कोषबाहेकका सबै समूह राताम्य भए । यी समूहहरु क्रमशः ०.३८, ०.०५ र ०.३६ प्रतिशतले विकास बैंक समूह सर्वाधिक २.२२ प्रतिशतले घटेको छ ।कारोबार बढेको बिहीबारको बजारमा ङादी ग्रुप पावरको सर्वाध
इटहरीः उच्च शिक्षालय तथा माध्यमिक विद्यालय संघ हिसान सुनसरीले प्रत्येक वर्ष आयोजना गर्दै आएको खेल महोत्सव ‘हिसान स्पोर्टस् मिट’ आजदेखि शुरु हुने भएको छ ।इटहरीमा आयोजित पत्रकार सम्मेलनमा संघले १२ औँ संस्करणको स्पोट्र्स मिट माघ १५ देखि २८ गतेसम्म सञ्चालन हुने जानकारी दिएको हो । सो स्पोट्र्स मिटमा फुटबल, भलिबल, बास्केटबल, क्रिकेट र एथलेटिक्सका विभिन्न इभेन्टहरूमा प्रतिस्पर्धा गराइने हिसान सुनसरीका अध्यक्ष सागरप्रसाद भट्टराईले जानकारी दिनुभयो ।विगत तीन वर्षदेखि आयोजना हुँदै आएको ‘हिसान इटहरी रन’ यस पटक व्यवस्थापनका कारण स्थगित गरिएको कार्यक्रम संयोजक सुभाष लुइँटेलले जानकारी दिनुभयो ।स्पोर्टस्
इटहरी । आईसीसी महिला टी–२० विश्वकप ग्लोबल छनोटको सुपर सिक्स पुग्ने ६ वटै टोलीको टुङ्गो लागेको छ ।सुपर सिक्समा समूह ‘ए’ बाट अमेरिका, बंगलादेश र आयरल्याण्ड पुगेका छन् ।समूह ‘बी’ बाट स्कटल्यान्ड, नेदरल्यान्ड्स र थाइल्यान्ड सुपर सिक्समा पुगेका छन् ।सुपर सिक्सबाट शीर्ष चार टिमले आगामी जुनमा इंग्ल्याण्डमा हुने महिला टी २० विश्वकपमा प्रतिष्पर्धा गर्नेछन् ।
काठमाडौंः नेपाली महिला क्रिकेट टोली आईसीसी महिला टी–२० विश्वकप ग्लोबल छनोटको समूह चरणबाटै बाहिरिएको छ । आज भएको अन्तिम खेलमा स्कटल्यान्डसँग ७२ रनको फराकिलो अन्तरले पराजित भएसँगै नेपालको सुपर सिक्स पुग्ने सम्भावना सकिएको हो ।१४१ रनको लक्ष्य पछ्याएको नेपालले १३.५ ओभरमा ६८ रनमा ९ विकेट गुमाएको अवस्थामा इनिङ सकिएको हो । कप्तान इन्दू बर्माले चोटका कारण बीचमै खेल छाडेकी थिइन् । सातौं ओभरको चौथो बलमा उनलाई चोट लागेको थियो ।नेपालका लागि बिन्दु रावल र रोमा थापाले समान १४ रन बनाउँदा रुबिना क्षेत्रीले १० रन बनाइन् ।स्कटल्यान्डका लागि अब्ताहा मकसुदले ३ विकेट लिइन् । कप्तान क्याथरिन ब्राइस र क्याथरिन
इटहरी । आईसीसी महिला टी–२० विश्वकप ग्लोबल छनोटअन्तर्गत समूह चरणको अन्तिम खेलमा टस हारेर पहिले ब्याटिङको निम्तो पाएको स्कटल्यान्डले २० ओभरमा अलआउट हुँदै १४० रन बनाएर नेपाललाई १४१ रनको लक्ष्य दिएको छ ।जीतका लागि नेपालले बलियो लक्ष्य पाएको हो । पावरप्लेमै ३ विकेट लिएको नेपालले स्कटल्यान्डलाई ७९–६ को अवस्थामा पुर्याएको भए पनि स्कटल्यान्डले ब्याटिङमा पुनरागमन गर्याे । नेपालले बलिङमा शानदार सुरुवात गरेको भए पनि फिनिसिङ राम्रो भएन ।स्कटल्यान्डका लागि प्रियानाज चटर्जीले सर्वाधिक अविजित ४५ रन बनाइन् । अलिसा लिस्टरले २२ रन बनाइन् । सराह ब्राइसले १८ तथा मेगान मेकलले १७ रन बनाइन् ।नेपालका
इटहरी । आईसीसी महिला टी–२० विश्वकप ग्लोबल छनोट अन्तर्गत स्कटल्यान्डविरुद्ध नेपाली टोलीले उत्कृष्ट सुरुवात गरेको छ। नेपालकी मनीषा उपाध्यायले पहिलो ओभरमा नै ३ विकेट लिँदै नेपाललाई उत्कृष्ट सफलता दिलाएकी छिन्।ग्लोबल छनोटमा मनीषाले पहिलो खेल खेलिरहेकी हुन्। मनीषाले ओभरको दोस्रो बलमा ओपनर क्याथेरिन फ्रासर र चौथो बलमा डेर्सी कार्टरलाई पेभेलियनको बाटो देखाइन्। नेपालले पहिलो ओभरमा २ विकेट लिएर ६ रन दिएको छ। कीर्तिपुरस्थित त्रिवि क्रिकेट मैदानमा नेपालले टस जितेर फिल्डिङ रोजेपछि स्कटल्यान्डले ब्याटिङ गरिरहेको छ।
गछियाः भाेजपुरकाे आमचोक गाउँपालिकाले दोस्रो सुन्दरहरैँचा उपमेयर कप कोशी प्रदेश अन्तरपालिका महिला भलिबल प्रतियोगिताका उपाधी उचालेको छ ।आयोजक सुन्दरहरैँचा नगरपालिका उपविजेता बनेको छ । माघ ६ गतेदेखि सुरु भएको प्रतियोगितामा कोशी प्रदेशका १२ वटा पालिकाका टिम सहभागी थिए । विजेता तथा उपविजेता टिमलाई नगरप्रमुख केदारप्रसाद गुरागाईं, कार्यक्रमका अध्यक्ष उपप्रमुख अकली चौधरी, खेलकुद विकास समिति सदस्य–सचिव खड्ग श्रेष्ठलगायतले पुरस्कार वितरण गर्नुभएको थियो ।प्रतियोगितामा प्रथम हुने टिमले शिल्ड र मेडल सहित १ लाख ३३ हजार ३३३ रुपैयाँ र द्वितीय हुने टिमले ६६ हजार ६६६ रुपैयाँ नगद पुरस्कार प्राप्त गरेक
