पाख्रीबासः धनकुटाको पाख्रीबासमा कौडा खेलिरहेको अवस्थामा प्रहरीले १५ जनालाई पक्राउ गरेको छ । उनीहरूको साथबाट तीन लाख १३ हजार तीन सय रुपैयाँ नगद र १६ वटा कौडा बरामद भएको छ ।पाख्रीबास नगरपालिका–४ स्थित गणेश गुरुङको घरमा जुवा खेलिरहेको सूचनाका आधारमा आइतबार बिहान करिब २ बजे जिल्ला प्रहरी कार्यालय धनकुटाबाट खटिएको प्रहरी टोलीले उनीहरूलाई पक्राउ गरेको हो ।प्रहरी निरीक्षक मयंक मिश्रको कमाण्डमा खटिएको टोलीले जुवा खेलिरहेको स्थानबाट १६ वटा कौडा र १६ हजार पाँच सय रुपैयाँ बरामद गरेको थियो । पक्राउ परेका १५ जनाको साथबाट थप दुई लाख ९६ हजार आठ सय रुपैयाँ बरामद भएको जिल्ला प्रहरी कार्यालय धनकुटाले जनाएको छ ।
विराटनगर । मोरङमा रड प्रहारबाट एक व्यक्तिको मृत्यु भएको छ । मृत्यु हुनेमा जहदा गाउँपालिका-२ मोहनपुरका ४० वर्षीय बुधराम सोरेन रहेका छन् ।गएराति करिब १० बजेको समयमा उनकै श्रीमती ३५ वर्षीय कमली मास्के र भारतीय नागरिक २७ वर्षीय सुनील मिश्रले उनीमाथि रड प्रहार गरेको जिल्ला प्रहरी कार्यालय मोरङका प्रहरी निरीक्षक लेखनाथ दाहालले जानकारी दिए । रड प्रहार गर्ने मध्ये मिश्र पक्राउ परेको र श्रीमती कमलीको खोजी भइरहेको प्रहरीले जनाएको छ ।
काठमाडौं । चितवनको इच्छाकामना गाउँपालिका-४ घोप्टे भिरमा सुक्खा पहिरो खस्दा पृथ्वी राजमार्ग पूर्ण रूपमा अवरुद्ध बनेको छ ।सडकमाथिबाट खसेको सुक्खा पहिरोका कारण राजमार्ग दुईतर्फी अवरुद्ध बनेको चितवन प्रहरीले जनाएको छ ।चितवन प्रहरीका अनुसार आज बिहान ५ बजेको समयमा सडकमाथिबाट सुक्खा पहिरो खसेको हो । सडकमा खसेको पहिरो हटाउनका लागि पहल भइरहेको छ ।आइतबार पनि यही ठाउँमा सुक्खा पहिरो खस्दा राजमार्ग अवरुद्ध बनेको थियो ।
इटहरीः इटहरी–७ को सुमङ्गल टोलमा शनिबार साँझ केहीबेरको अन्तरमा ५७ वर्षीय रामु चौधरी र उनकी ५१ वर्षीया श्रीमती कञ्चन चौधरीको मृत्यु भएपछि भोलिपल्ट अर्थात् हिजो लक्ष्मीपूजाको साँझ एकै चितामा दुवै जनाको दाहसंस्कार गरिएको छ ।मिस्त्री काम गर्ने रामुले शनिबार बिहान जीउ दुखेको भन्दै ठेकेदारलाई काममा आउन नसक्ने खबर गरेका थिए । त्यस दिन घरमै बसेका उनले जीउमा सन्चो नभए पनि घरको सरसफाइ गरेका थिए । काम गर्दागर्दै बान्ता भएपछि उनी सुतेका थिए । श्रीमती कञ्चन भने बिहानैदेखि बान्ता र पखालाले थलिएर दिनभरजसो सुतेकी थिइन् । उनीहरुकी छोरी सुमिनालाई पनि शुक्रबारदेखि नै ज्वरो आएको थियो । शनिबार साँझ रामुको ओछ्यानमै
इटहरी । नेपालीहरूको महान् चाड तिहारको तेस्रो दिन आज गाई पूजा गरिँदैछ । घरमा गाई पाल्नेहरुले घरमै र नहुनेहरुले गौशालामा वा छिमेकीको घरमा गई गाईको पूजाआजा गर्ने परम्परा छ ।गाईको पूजाआजा गरी मीठो खानेकुरा खान दिइन्छ । गाईको पूजा गरी आजका दिन मीठामीठा परिकार खान दिएमा गाईबाट पाइने शुद्धता सधैँ प्राप्त हुने धार्मिक विश्वास छ । नेपालका कतिपय भाग र केही समुदायमा कात्तिक कृष्ण औँसीकै दिनमा गाई पूजा गर्ने परम्परा रहे पनि औँसीको अन्त्य र प्रतिपदाको शुरुमा गाईपूजा गर्नुपर्ने शास्त्रीय मान्यता छ ।आज गाईपूजा गरी साउन शुक्ल पूर्णिमाका दिनमा दायाँ हातमा बाँधिएको रक्षाबन्धन गाईको पुच्छरमा बाँधिदिएमा मृत्
चक्रघट्टीः तिहारलाई लक्षित गर्दै वराहक्षेत्र नगरपालिका–६ का किसान अर्जुन विष्टले पाँच कठ्ठा जग्गामा सयपत्री फूलको व्यावसायिक खेती गरेका छन् । विगत पाँच वर्षदेखि तिहारका लागि फूलखेती गर्दै आएका विष्टले यस वर्ष ‘टेबल टेनिस’ जातको सयपत्री लगाएका छन् ।गत वर्ष काठमाडौँबाट ल्याएका बिरुवा अग्ला हुने तर फूल कम फुल्ने समस्या देखिएपछि यस पटक बुटवलस्थित एग्रो कम्पनीबाट बिरुवा ल्याएर खेती गरेको उनले बताए । बिरुवाको जात र खेती गर्ने तरिका परिवर्तन गरेकाले यस वर्ष उत्पादन राम्रो भएको उनको भनाइ छ ।गत वर्ष १० कट्ठाभन्दा बढी जग्गामा फूलखेती गरेका विष्टले वर्षाका कारण ठूलो नोक्सानी व्यहोर्नुपरेको बताए । थो
बिर्तामोडः धानका बाला झुल्ने खेतमा अहिले सयपत्रीका फूल ढकमक्क फुलेका छन् । वर्षभरि धानखेती गर्दा मुस्किलले ५० हजार रुपैयाँ आम्दानी हुने जमिनमा व्यावसायिक फूलखेती गरेर १० देखि १२ लाख रुपैयाँसम्मको कारोबार गर्ने लक्ष्यसहित झापाको बुद्धशान्तिका तीन किसान जुटेका छन् ।बुद्धशान्ति गाउँपालिका–३ दुइरिङ्गेका विनोद रिजाल, गुणराज न्यौपाने र वीरबल बानियाँले सामूहिक रूपमा १० कट्ठा जमिनमा सयपत्रीखेती गरेका हुन् । ‘कृषि कम्पास’ समूह गठन गरेर शुरु गरिएको उनीहरूको यो प्रयास परम्परागत खेतीको विकल्प खोजिरहेका किसानका लागि नयाँ सम्भावनाका रूपमा देखिएको छ ।समूहले १० कट्ठा जमिनमा सात हजारभन्दा बढी सयपत्रीका बिरुवा
काठमाडौं । दरबारमार्गस्थित होटल उडन्यान्डको हाताभित्र सञ्चालित लिक्विड लाउन्ज बारमा भएको आगलागीले बारका सम्पूर्ण सामान नष्ट भएका छन् ।लाउन्ज बारका सञ्चालक सञ्जीव लामाले बताएअनुसार आगलागी नियन्त्रणमा आए पनि भित्र छिर्न सक्ने अवस्था छैन । त्यहाँ रहेका सम्पूर्ण सामान नष्ट हुँदा कम्तिमा पाँच करोडभन्दा बढी मूल्यको क्षति भएको उनले बताए । बारमा मदिरा, खानपिनका अन्य सामान, नगदसहितका सम्पूर्ण भौतिक बस्तु आगलागीबाट नष्ट भएको छ ।विद्युत सर्ट हुँदा आगलागी भएको लामाले बताए । होटल उडल्यान्ड रहेको भवनमा विद्युत आपूर्तिमा पहिल्यैदेखि समस्या रहेको उनले बताए ।
काठमाडौं । पृथ्वी राजमार्ग अन्तर्गत चितवनको इच्छाकामना-४ स्थित घोप्टेभीरमा सुक्खा पहिरो खस्दा सडक दुईतर्फी अवरुद्ध भएको छ ।जिल्ला प्रहरी कार्यालय चितवनका अनुसार आज बिहान करिब सवा १० बजेतिर सुक्खा पहिरो खस्दा राजमार्ग पूर्ण रूपमा अवरुद्ध बनेको हो ।सडक खुलाउनका लागि उपकरण प्रयोग भइरहेको चितवन प्रहरीको भनाइ छ ।
काठमाडौं । काठमाडौंको दरबारमार्गस्थित महेन्द्र शालिक नजिकै रहेको लिक्विड लाउन्ज बारमा आगलागी भएको छ ।काठमाडौं उपत्यका कार्यालय रानीपोखरीका अनुसार आज बिहान करिब ९ बजेतिर आगलागी भएको हो ।बारमा लागेको आगो निभाउन दुई वटा दम्कल घटनास्थल पुगिसकेको प्रहरीले जनाएको छ ।बारमा कोही पनि नभएका कारण बारका मालिकलाई बोलाउने प्रयास भइरहेको प्रहरीको भनाइ छ ।
