पथरी - पथरी शनिश्चरे नगरपालिका-१ जाँते मोडस्थित खेलमैदानमा प्याराफिट निर्माणसम्बन्धी सर्वपक्षीय भेला सम्पन्न भएको छ। नगर प्रमुख मोहन प्रसाद तुम्वापोको अध्यक्षतामा सम्पन्न भेलाले खेलमैदान स्तरोन्नति आवश्यक रहेको निष्कर्ष निकाल्दै वन तथा वातावरणीय क्षेत्रमा असर नपर्ने गरी योजना कार्यान्वयन अघि बढाउने सहमति जुटाएको छ। नगरपालिकाले आ.व. २०८१/८२ मा प्याराफिट निर्माणका लागि ५० लाख रुपैयाँ बजेट विनियोजन गरिसकेको छ। भेलामा उपप्रमुख देविमाया काफ्ले, पूर्वनगर प्रमुख दिलीपकुमार राई, विभिन्न दलका प्रतिनिधि, खेलाडी, सञ्चारकर्मी तथा स्थानीय व्यक्तित्वहरूको उपस्थिति रहेको थियो।
काठमाडौ - सीवाईसी अत्तरियासँग ७८ रनले पराजित भए पनि न्यु होराइजन बुटवल अर्जुन ट्रफी राष्ट्रिय टी–२० क्रिकेटको सेमिफाइनलमा प्रवेश गरेको छ। बुधबार सम्पन्न खेलमा अत्तरियाले २० ओभरमा ५ विकेट गुमाउँदै १८८ रनको बलियो योगफल खडा गर्यो। जवाफमा बुटवलले ८ विकेट गुमाएर ११० रन मात्र बनाउन सक्यो। अब पहिलो सेमिफाइनलमा बुटवलले फ्रेन्ड्स युथ क्लब डडेल्धुरासँग प्रतिस्पर्धा गर्नेछ, भने दोस्रो सेमिफाइनलमा अत्तरिया र डीसीए धनगढी भिड्नेछन्। प्रतियोगिताको फाइनल माघ २८ गते हुनेछ। विजेताले १० लाख रुपैयाँ प्राप्त गर्नेछ भने उपविजेताले ५ लाख रुपैयाँ हात पार्नेछ।
काठमाडौं – नेपाल क्रिकेट संघ (क्यान) ले मुख्य प्रशिक्षक मोन्टी देसाईको सम्झौता नवीकरण नगर्ने निर्णय गरेको छ। दुई वर्षे कार्यकाल पूरा गरेका देसाईलाई क्यानले टिमको सफलतामा पुर्याएको योगदानका लागि धन्यवाद दिएको छ।
इटहरी- सुनसरीको इटहरीमा दोस्रो एसीयन सुटिङबल च्याम्पियनसिप २०२५ भव्य रूपमा सुरु भएको छ। नेपाल, भारत, बांगलादेश, र पाकिस्तानका खेलाडीहरू पदकका लागि प्रतिस्पर्धा गरिरहेका छन्। कोशी प्रदेशका मन्त्री रेवतीरमण भण्डारीले उद्घाटन गर्दै यस्ता प्रतियोगिताले खेलकुद प्रवर्द्धन र अन्तर्राष्ट्रिय सम्बन्ध सुदृढ गर्ने बताए। नेपालका ४५ खेलाडीले उत्कृष्ट प्रदर्शन गर्ने लक्ष्य राखेका छन्। प्रतियोगिताले नेपालमा सुटिङबलको विकास र खेल पर्यटन प्रवर्द्धनमा महत्त्वपूर्ण भूमिका खेल्ने अपेक्षा गरिएको छ।
एजेन्सी -युरोपेली च्याम्पियन्स लिगमा आज राति १८ खेल हुँदैछन्।लिभरपुल २१ अङ्कसहित शीर्षस्थानमा छ, जबकि बार्सिलोना, आर्सनल, रियल मड्रिड, पीएसजीजस्ता टोली नकआउट चरणका लागि संघर्षरत छन्। सबै खेल नेपाली समयअनुसार राति १:४५ बजे सुरू हुनेछन्।
सुनसरी - बार्सिलोनाले च्याम्पियन्स लिगको समूह चरणको रोमाञ्चक खेलमा बेनफिका विरुद्ध ५-४ को उत्कृष्ट जित दर्ता गरेको छ। पहिलो हाफमा बेनफिकाले ३-१ को अग्रता लिए पनि बार्सिलोनाले दोस्रो हाफमा शानदार प्रदर्शन गर्दै खेल आफ्नो पक्षमा पारेको हो।खेलको सुरुमा नै बेनफिकाले आक्रामक खेल देखाउँदै दुई गोल गर्दै बार्सिलोनालाई दबाबमा राखेको थियो। पहिलो हाफको अन्त्यतिर बार्सिलोनाले एक गोल फर्काए पनि बेनफिकाले अर्को गोल थप्दै ३-१ को अग्रता बनायो।दोस्रो हाफमा बार्सिलोनाले आफ्नो शैलीमा फर्किँदै लगातार दुई गोल गर्दै खेल बराबरीमा ल्यायो। खेलको अन्त्यतिर दुवै टोलीले थप गोल गर्दै स्कोरलाई ४-४ मा पुर्याए। तर ९०+४ मिने
इटहरी - जय ट्रफीका क्रममा अम्पायरबारे सामाजिक सञ्जालमा टिप्पणी गरेकाले नेपाली क्रिकेटर सन्दीप लामिछानेमाथि कारवाही गरिएको छ। क्यानले नियम उल्लंघन भएको भन्दै उनलाई एक खेलका लागि निलम्बित गरेको छ।सन्दीपले क्यानले आयोजना गर्ने आगामी प्रतियोगिताको कुनै एक खेल खेल्न पाउने छैनन्। साथै, उनले उक्त घटनाबारे स्पष्टिकरण दिनुपर्नेछ।
काठमाडौ - सातदोबाटोमा एपीएफले पुलिसलाई २–० ले हराउँदै लगातार ७ खेलमा जीत दर्ता गर्यो। तालिकाको शीर्ष स्थानमा रहेको एपीएफले २१ अङ्क जोडेको छ।अब प्लेअफमा क्वालिफायर–१ खेल शनिवार दशरथ रङ्गशालामा एपीएफ र आर्मीबीच हुनेछ। इलिमिनेटर खेल शुक्रवार पुलिस र बाग्मतीबीच एन्फा कम्प्लेक्समा हुनेछ। फाइनल माघ १६ गते दशरथमा हुनेछ।
एजेन्सी– इंग्लिस प्रिमियर लिग फुटबलमा लिभरपुलले ब्रेन्टफोर्डलाई २–० ले पराजित गर्दै शीर्ष स्थानमा ५० अङ्क बनाएको छ।दोस्रो स्थानको आर्सनलले एस्टनभिल्लासँग २–२ गोलको बराबरी खेल्दै ४४ अङ्कमा सीमित रह्यो। एस्टनभिल्ला समान २२ खेलमा ३६ अङ्कसहित सातौँ स्थानमा छ।अन्य खेलमा बर्नमाउथले न्युक्यासललाई ४–१ ले, क्रिस्टल प्यालेसले वेस्टह्याम युनाइटेडलाई २–० ले र फुलहमले लेस्टर सिटीलाई २–० ले हराए।
फिदिम । पाँचथरको फिदिममा जारी ११ औँ फाल्गुनन्द गोल्डकपको फाइनल खेल आज हुँदैछ । प्रतियोगितामा उपाधीका लागि चर्च ब्वाइज युनाइटेड र मच्छिन्द्र फुटबल क्लव प्रतिश्पर्धामा छन् ।सेमी फाइनलमा चर्च ब्वाइजले आयोजक फिदिम स्पोर्टिङ क्लव र मछिन्द्र फुटबल क्लवले ए डिभिजन न्यु रोड टिम (एनआरटि) लाई हराएको थियो । प्रतियोगिताको फाइनल खेल आज दिउँसो २ बजे सदरमुकाम फिदिमस्थित फिदिम माविको खेल मैदानमा हुने आयोजक फिदिम स्पोटिङ क्लवले जनाएको छ ।पुस ६ गते सुरु भएको प्रतियोगितामा नेपाल र भारतका १० टिमको सहभागिता थियो । प्रतियोगिताका विजेताले १० लाख ५ सय ५५ रुपियाँ र उप विजेताले ५ लाख ५ सय ५५ रुपियाँ प्राप्त गर्नेछ
