काठमाडौंः सरकारले निजामती कर्मचारीले अब लोक सेवा आयोग र सार्वजनिक निकायबाट हुने पदपूर्तिको लागि लिइने परीक्षाको तयारी कक्षा पढाउन नपाउने प्रस्तावसहितको विधेयकको मस्यौदा तयार पारेको छ ।
शुक्रबार संघीय मामिला तथा सामान्य प्रशासन मन्त्रालयले सार्वजनिक गरेको निजामती सेवा विधेयकको मस्यौदामा सो व्यवस्था गरिएको छ । मन्त्रालयले विधेयकको मस्यौदामा सात दिन म्याद राखेर संशोधन मागेको छ ।
