विराटचोकः नेपाल पब्लिक क्याम्पस संघको ३६ औँ वार्षिकोत्सवका अवसरमा आयोजित कार्यक्रममा मोरङको सुन्दरहरैंचास्थित सुकुना बहुमुखी क्याम्पस सम्मानित भएको छ । कार्यक्रममा स्नातक तहमा पब्लिक क्याम्पसतर्फ शिक्षा शास्त्र सङ्कायमा उत्कृष्ट नतिजा ल्याउने सुकुनाकी जीविका सापकोटालाई पनि सम्मान गरिएको थियो ।
सुकुना बहुमुखी क्याम्पसकी छात्रा जीविका सापकोटाले सन् २०२४ को स्नातक तह शिक्षा शास्त्र सङ्कायअन्तर्गत सामुदायिक क्याम्पसमध्ये सर्वोत्कृष्ट अंकसहित प्रथम स्थान हासिल गर्नुभएको थियो । सापकोटालाई वार्षिकोत्सव कार्यक्रमका प्रमुख अतिथि त्रिभुवन विश्वविद्यालयका उपकुलपति प्रा.डा. भोला थापालगायतले सम्मान गर्नुभएको हो ।
प्रा.डा. थापाको प्रमुख आतिथ्यता तथा नेपाल पब्लिक क्याम्पस सङ्घका अध्यक्ष शत्रुघ्नप्रसाद गुप्ताको अध्यक्षतामा सम्पन्न भएको कार्यक्रममा सापकोटालाई र क्याम्पसलाई सम्मान गरिएको क्याम्पस प्रमुख अर्जुनराज अधिकारीले बताउनुभयो ।
