ठडियाः लायन्स क्लब अफ गोठगाउँ रोयल सिटीले बिहीबार ठडिया आधारभूत विद्यालय सुन्दरहरैंचा–७ को प्राङ्गणमा फलफूलका साथै अन्य विभिन्न जातका बिरुवा रोपेको छ ।
सो अवसरमा चिउरी, अमला, म्याङ्गो क्याटस, मोरिङ्गा (शीतल चिनी), अनार, जामुन, फणिर, कागती, नीम र धुपीका बिरुवा रोपिएको हो ।
विद्यालयको प्राङ्गणमा आयोजित वृक्षरोपण तथा डस्बिन हस्तान्तरण कार्यक्रमको प्रमुख अतिथि ३२५ सी का डिस्ट्रिक्ट गर्भनर लीला चिमरिया हुनुहुन्थ्यो । कार्यक्रममा लायन पीएमसीसी राजन खत्रीलगायत लायन्सका विभिन्न पदका पदाधिकारी, लायन्स क्लब अफ गोठगाउँ रोयल सिटीका पदाधिकारी तथा विद्यालयका शिक्षक र विद्यार्थीको सहभागिता रहेको थियो ।
