इटहरीः राष्ट्रिय निजी तथा आवासीय विद्यालय एसोसिएसन नेपाल (नेशनल प्याब्सन) सुनसरीको आयोजनामा प्राथमिक तथा माध्यमिक तहका विद्यार्थीबीच भएको हस्तलेखन तथा चित्रकला प्रतियोगितामा सरस्वती ज्ञानकुञ्जले विभिन्न विधामा पहिलो स्थान हासिल गरेको छ ।
प्राथमिक तहको अंग्रेजी हस्तलेखनतर्फ सरस्वती ज्ञानकुञ्ज प्रथम भएको थियो । एभर मोमेन्ट इङ्लिस स्कुल दोस्रो र पर्वत विद्या मन्दिर तेस्रो भएका छन् ।
त्यसैगरी माध्यमिक तहको अंग्रेजी हस्तलेखनतर्फ पनि सरस्वती ज्ञानकुञ्ज नै पहिलो एभर मोमेन्ट इङ्लिस स्कुल नै दोस्रो भएका थिए । लिटल वर्ड एकेडेमी तेस्रो भएका थियो ।
प्राथमिक तहको नेपाली हस्तलेखनतर्फ एभर मोमेन्ट इङ्लिस स्कुल पहिलो पर्वत विद्या मन्दिर दोस्रो भएका थिए । माध्यमिक तहको नेपाली हस्तलेखनतर्फ पनि सरस्वती ज्ञानकुञ्ज पहिलो र एभर मोमेन्ट इङ्लिस स्कुल दोस्रो भएका थिए ।
प्राथमिक तहको चित्रकला प्रतियोगितातर्फ एभर मोमेन्ट इङ्लिस स्कुल पहिलो, पर्वत विद्या मन्दिर दोस्रो र ज्ञानज्योति इङ्लिस स्कुल तेस्रो भएका थिए ।
माध्यमिक तहको चित्रकलातर्फ सरस्वती ज्ञानकुञ्ज पहिलो, एभर मोमेन्ट इङ्लिस स्कुल दोस्रो र लिटल वर्ड एकेडेमी तेस्रो भएका छन् ।
प्रतियोगितामा उत्कृष्ट हुने विद्यार्थी तथा विद्यालयलाई मेडल, ट्रफी तथा प्रमाणपत्र प्रदान गरिएको थियो ।
विद्यार्थीहरूमा सिर्जनशीलता, कलात्मक क्षमता तथा सुन्दर हस्तलेखनको विकास गर्ने उद्देश्यले प्रतियोगिता आयोजना गरिएको आयोजकले जनाएको छ ।
