काठमाडौं । पछिल्लो २४ घण्टामा देशभर थप ८४८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २ हजार ७२२ पीसीआर परीक्षणमा ३९९ र २ हजार ८९७ एन्टीजेन परीक्षणमा ४४९ जनामा संक्रमण पुष्टि भएको हो ।
उक्त अवधिमा जम्मा ५ हजार ६१९ नमुना परीक्षण भएको थियो । यस्तै, पछिल्लो २४ घण्टामा निको हुनेको संख्या ५२६ रहेको छ भने एक जनाले ज्यान गुमाएका छन् ।
मंगलबारसम्म सक्रिय संक्रमितको संख्या ५ हजार २५९ पुगेको छ । २४ घण्टामा ९० हजार ४४७ जनाले खोप लगाएका छन् ।
