काठमाडौं । नेपाली राष्ट्रिय फुटबल टोलीका कप्तान तथा गोलरक्षक किरण चेम्जोङ विवाह बन्धनमा बाँधिएका छन् । कप्तान किरणले बुधबार प्रेमिका कञ्चन निरौलासँग विवाह गरेका हुन् । किरण र एयर होस्टेज कञ्चन डेढ वर्षयता प्रेम सम्बन्धमा थिए ।
किरणको विवाहमा नजिकका आफन्त र फुटबल खेलाडी, पदाधिकारीलाई विवाहमा निम्तो दिइएको थियो । गत महिना माल्दिभ्सको शीर्ष डिभिजन लिग धिवेही प्रिमियर लिगको उपाधि जितेको अवसरमा किरणले कञ्चनलाई मैदानमै विवाहको प्रस्ताव राखेका थिए ।
किरण आबद्ध माजिया स्पोर्ट्स एण्ड रिक्रिएसनले माल्दिभ्सको शीर्ष लिगको उपाधि जित्दा उनी उत्कृष्ट गोलरक्षक चुनिए ।
