मोरङ, सुन्दरहरैचा — भदौ १९ गते सुन्दरहरैँचा नगरपालिका–७ स्थित एक केराघारीमा मृत अवस्थामा भेटिएका दुई बालिकाकी आमा अन्जना पौडेल बिर्तामोडबाट पक्राउ परेकी छन्। उनीलाई आज बिहान बिर्तामोडको सिटीसेन्टरबाट इलाका प्रहरी कार्यालय बेलबारीको टोलीले पक्राउ गरेको हो।
धनकुटाका अर्जुन कार्कीका छोरीहरू, ३ वर्षीया आयिका कार्की र १ वर्षीया अर्पणा कार्की, भदौ १५ गते नारायण न्यौपानेको केराघारीभित्र मृत अवस्थामा फेला परेका थिए। घटनापछि आमा अन्जना पौडेल फरार भएकी थिइन्।
पक्राउ गर्ने क्रममा अन्जनाले हिजो साँझ सिटीसेन्टरस्थित एक घरमा बास मागेकी थिइन्, तर घरधनीले बास नदिएपछि प्रहरीको खोजी सुरू भएको थियो। उनी रातभर सम्पर्कमा नआए पनि, आज बिहान करिब ५ बजे प्रहरी टोलीले उनलाई सिटीसेन्टरमै फेला पारी मोरङतर्फ लगेका छन्।
प्रहरीले प्रारम्भिक अनुसन्धानमा ती दुई बालिकालाई विष खुवाएर हत्या गरिएको आशंका गरेको छ। थप अनुसन्धान जारी रहेको जनाइएको छ।
