धरानः आज सम्पन्न सातौँ अधिवेशनबाट नेपाल यातायात व्यवसायी राष्ट्रिय महासङ्घ कोशी प्रदेश समिति संयोजकमा पुनः सरोज श्रेष्ठ चयन हुनुभएको छ ।
धरानमा सम्पन्न अधिवेशनले श्रेष्ठको संयोजकत्वमा १८ सदस्यीय कार्यसमिति सर्वसम्मत चयन गरेको हो । नवगठित कार्यसमितिको सहसंयोजकमा टेकप्रसाद खनाल, सचिवमा नेत्रबहादुर थापा र कोषाध्यक्षमा हरि थापा चयन हुनुभएको छ । खुला सदस्यहरूमा कृष्णबहादुर कार्की, दुर्गाराम अर्याल, दिनेश निरौला, गोपाल बराल, कुशलराज दाहाल, रुद्रबहादुर बराल, भरत खतिवडा र ओमभक्त मैनाली चयन हुनुभएको छ ।
वरिष्ठ सदस्यहरूमा मिलन विश्वकर्मा, हिमाल पाण्डे, विष्णुप्रसाद दुलाल, इन्द्रबहादुर बस्नेत तथा महिला सदस्यमा मन्दिरा चौधरी चयन हुनुभएको छ ।
