दुलारीः सुन्दरहरैंचा नगरपालिकाको आयोजना तथा सरोकारवाला निकायहरूको सहभागितामा स्थानीय तहको सेवा प्रवाहलाई थप प्रभावकारी, पारदर्शी तथा जनउत्तरदायी बनाउने उद्देश्यले सुन्दरहरैंचा नगरपालिकामा सार्वजनिक सुनुवाइ गरिएको छ । ।
सो सार्वजनिक सुनुवाइ कार्यक्रममा नगरवासीहरूले शिक्षा, स्वास्थ्य, पूर्वाधार विकास, खानेपानी, सरसफाइ, कृषि, सामाजिक सुरक्षा तथा अन्य सार्वजनिक सेवासम्बन्धी जिज्ञासा, सुझाव र गुनासाहरू राखेका थिए ।
सुनुवाइमा सहभागी नागरिकले उठाएका प्रश्नहरूको जवाफ जनप्रतिनिधि तथा कर्मचारीले दिएका थिए । उनीहरूले नगरपालिकाले सञ्चालन गरिरहेका विकास निर्माणका योजना, सेवा प्रवाहको अवस्था तथा आगामी कार्यक्रमबारे जानकारी समेत गराएका थिए ।
