विराटचोकः लायन्स क्लब अफ इन्द्रपुरको १४ औँ वार्षिक साधारण सभा अध्यक्ष प्रमिला दुलालको अध्यक्षतामा नेपालीरिका होटलमा सम्पन्न भएको छ ।
सभाले क्लब वर्ष २०२६\०२७ का लागि योजना शर्माको नेतृत्वमा नयाँ कार्यसमिति चयन गरेको छ । प्रथम उपाध्यक्षमा रेवन्त कार्की, द्वितीय उपाध्यक्षमा कल्पना दाहाल, तृतीय उपाध्यक्षमा सुनिता पोखरेल ढकाल, सचिवमा डम्बर कार्की तथा कोषाध्यक्षमा जानुका थापा चयन हुनुभएको छ ।
कार्यक्रममा अध्यक्ष प्रमिला दुलालले आफ्नो कार्यकालका गतिविधिहरू प्रस्तुत गर्नुभएको थियो । चार्टर्ड प्रेसिडेन्ट भोलेश्वर दुलाल, पूर्व अध्यक्षहरू तथा विभिन्न सामाजिक व्यक्तित्वहरूले शुभकामना मन्तव्य राख्नुभएको थियो ।
