इटहरी । नेदरल्याण्ड्सले स्वीडेनलाई ५–१ को फराकिलो अन्तरले पराजित गर्दै विश्वकपको नकआउट चरण (अन्तिम ३२) मा आफ्नो स्थान लगभग निश्चित गरेसँगै सो खेलले विश्वकप इतिहासमा धेरै दुर्लभ कीर्तिमानहरू बनाएको छ ।
खेलको सबैभन्दा रोचक पक्ष के रह्यो भने, खेलमा भएका सबै ६ गोल इंग्लिस प्रिमियर लिगमा खेल्ने खेलाडीहरूले गरे । नेदरल्याण्ड्सका लागि सन्डरल्याण्डका ब्रायन ब्रोबे र लिभरपुलका कोडी गाक्पोले दुई–दुई गोल गरे भने वेस्ट ह्यामका क्राइसेन्सियो समरभिलले पाँचौं गोल थपे । स्वीडेनका तर्फबाट गरिएको एक मात्र सान्त्वना गोल न्युक्यासलका एन्थोनी एलाङ्गाको नाममा रह्यो ।
खेलको ५४ औं मिनेटमा कोडी गाक्पोले गोल गरेसँगै यस विश्वकप २०२६ मा गोलको संख्या १०० पुगेको छ । मात्र ३३ खेलमा १०० गोल पूरा भएको यो सन् १९५८ पछिकै सबैभन्दा छिटो रेकर्ड हो ।
प्रतियोगितामा दोस्रो पटक सुरुवाती–११ मा नेदरल्याण्ड्सको आफ्नै घरेलु लिगको एक जना पनि खेलाडी परेका थिएनन् । यो आफैमा एउटा अनौठो तथ्याङ्क हो ।
