केराबारीः मोरङको केराबारी गाउँपालिकाले आज पालिकाका विभिन्न वडाका किसानलाई ७५ प्रतिशत अनुदानमा प्रविधि हस्तान्तरण गरेको छ ।
गाउँपालिका उपाध्यक्ष मनमाया मगरको अध्यक्षता, प्रमुख प्रशासकीय अधिकृत जयराम श्रेष्ठको प्रमुख आतिथ्यता तथा प्रवक्ता नारायणप्रसाद भुजेलको आतिथ्यतामा भएको कार्यक्रममा प्रविधि प्रदान गरिएको हो ।
केराबारी गाउँपालिकाको रेमी परियोजना अन्तर्गत वैदेशिक रोजगारीबाट फर्किएका व्यक्तिहरुलाई स्वदेशमै उद्यमशील बनाउन माग तथा मुल्याङ्कनमा आधारित रहेर विभिन्न वडाका किसानलाई विभिन्न कृषि, लघुउद्यम तथा पशुपालन सम्बन्धि प्रविधि वितरण गरिएको हो ।
यसरी वितरण गरिएको सामग्रीमा च्यापकटर १४ थान, हाते ट्याक्टर– ३ थान, साधारण टनेल १५ थान, युभि टनेल ३० थान, मल्चिङ प्लास्टिक २५ थान, ग्रिन नेट जाली १० थान रहेका छन् ।
त्यस्तै, इलेक्ट्रिक स्प्रेयर २० थान, कम्बाइन मिल– १ थान, तौल मापक यन्त्र– २ थान, इलेक्ट्रिक मेज सेलर– १ थान र सिङ्गल मिल्किङ मेसिन – १ थान प्रदान गरिएको थियो ।
