धनकुटाः धनकुटा नगरपालिकाले आर्थिक वर्ष २०८२\०८३ मा सञ्चालन भएका योजना तथा कार्यक्रमको वार्षिक प्रगति समीक्षा गरेको छ ।
समीक्षामा नगरपालिकाअन्तर्गतका वडा, विषयगत शाखा तथा विभिन्न सामाजिक संघसंस्थाले अघिल्लो आर्थिक वर्षमा सञ्चालन गरेका योजना तथा कार्यक्रम, हासिल गरेको प्रगति र भएको खर्चको विवरण प्रस्तुत गरेका थिए । कार्यक्रममा स्वीकृत योजना तथा कार्यक्रममध्ये कति कार्यान्वयन भए, कति बजेट खर्च भयो र खर्चअनुसार अपेक्षित उपलब्धि हासिल भए–नभएको विषयमा छलफल गरिएको थियो ।
राजस्व सङ्कलनको अवस्था, योजना कार्यान्वयनका क्रममा देखिएका समस्या, जिम्मेवारी तथा जवाफदेहिता र कानुनी प्रक्रिया पालना भए–नभएको विषयमा समेत समीक्षा गरिएको जनाइएको छ । आगामी दिनमा बजेट तथा योजना निर्माण, बजेट विनियोजन तथा कार्यान्वयन, सेवाप्रवाह र सुशासन प्रवद्र्धनमा देखिएका कमीकमजोरी सुधार गर्न आवश्यक सुझावसमेत सङ्कलन गरिएको धनकुटा नगरपालिकाका प्रमुख प्रशासकीय अधिकृत दशरथ राईले जानकारी दिनुभयो ।
