विराटनगरः मोरङको कटहरी गाउँपालिका–१ स्थित श्याम सिमरन मेटल इन्डस्ट्रिजमा तेलको टिन बनाउने प्रयोजनका लागि राखिएको कच्चा क्वायल तामाको तार प्रहरीले पोखरीमा फेला पारेको छ ।
करिब आठ लाख रुपैयाँ मूल्य बराबरको ३११ केजी तामाको तार सो उद्योगको मेन सेटरको ताला फुटाएर चोरी भएको भन्दै उद्योगले प्रहरीमा जानकारी गराएको थियो । त्यसपछि प्रहरीले खोजी गर्ने क्रममा कटहरी–२ स्थित दिलीप श्रेष्ठको पोखरीभित्र सो तामाको तार फेला परेको थियो ।
प्रहरीले तार बरामद गरी प्रहरी चौकी कटहरीमा ल्याएको जनाएको छ । प्रहरीले बरामद सामान आवश्यक प्रक्रिया पूरा गरी उद्योगको जिम्मा लगाउने तयारी गरेको छ ।
प्रहरी चौकी कटहरीका अनुसार चोरीमा संलग्न व्यक्तिको पहिचान तथा खोजीका लागि थप अनुसन्धान भइरहेको छ ।
