कैलालीः दार्चुलाको अपिहिमाल गाउँपालिका भट्टार क्षेत्रमा पहिरोले चौलानी नदी थुनेपछि बस्ती उच्च जोखिममा परेपछि १० परिवारलाई सुरक्षित स्थानमा सारिएको छ ।
गाउँपालिका अध्यक्ष भक्तसिंह ठेकरे बोहराका अनुसार जिल्ला प्रशासन कार्यालय दार्चुलाले नदीमा बाढीको जोखिम रहेकाले तटीय क्षेत्रमा नजान र सतर्क रहन सार्वजनिक सूचना जारी गरेको हो ।
पहिरोका कारण सडक तथा पदमार्गमा ठूलो क्षति पुगेको छ भने चौलानी नदीको बहावसमेत प्रभावित भएको छ । पहिरोपछि नदी केहीबेर थुनिएको र अहिले खुलेको बताइएको छ ।
१० परिवारलाई आफन्तको घरमा सारिएको छ । आवश्यक टेण्टलगायतका सामाग्री उपलब्ध गराइएको । पर्यटकीय पदमार्गमा ठूलो क्षति पुगेको छ । पहिरो झरिरहेकाले बस्ती जोखिममा रहेको समेत अध्यक्ष बोहराले बताउनुभयो ।
