काठमाडौंः आज तय भएको जेनजी पार्क उद्घाटनस्थलमा पुगेर पार्क उद्घाटन नगरी गृहमन्त्री सुधन गुरुङ फर्किएका छन् । ललितपुरको सातदोबाटोस्थित पौडी पोखरी परिसरमा निर्माण गरिएको ‘जेनजी स्मृति पार्क’ उद्घाटन नगरी मन्त्री गुरुङ फर्किएका हुन् ।
निर्माण गरिएका शालिकहरू आन्दोलनका क्रममा ज्यान गुमाएका शहीदहरूको अनुहारसँग मेल नखाएको भन्दै परिवारजनले आपत्ति जनाएपछि उनी पार्क उद्घाटन नगरी फर्किएका हुन् । शालिक बनाउन लापरबाही गरिएको शहीदका आफन्तको भनाइ छ ।
गत वर्षको भदौ २३ र २४ गते भएको जेनजी आन्दोलनका क्रममा शहादत प्राप्त गरेका ४५ जनाको शालिक सो पार्कमा निर्माण गरिएको छ ।
