बिर्तामोडः झापाको बिर्तामोडमा जेनजी आन्दोलनका घाइतेले सरकारसमक्ष विभिन्न माग राख्दै आमरण अनशन सुरु गरेका छन् ।
आन्दोलनका क्रममा पेटमा गोली लागेका अर्जुनधारा नगरपालिका–६ का विवेक दनुवारले बिर्तामोडमा आमरण अनसन शुरु गरेका हुन् । उनको अनसनमा ऐक्यबद्धता जनाउँदै आन्दोलनका अन्य घाइतेहरू पनि सहभागी भएका छन् ।
जेन–जी आन्दोलन कुनै दललाई बहुमतको सरकार बनाउनका लागि मात्र उपयोग गरिएको जस्तो देखिएको भन्दै उनीहरूले तीव्र असन्तुष्टि व्यक्त गरेका थिए । झापामा जेनजी आन्दोलनका क्रममा १०० जनाभन्दा बढी घाइते भए पनि हालसम्म ४३ जनाले मात्र घाइते परिचयपत्र पाएका छन् ।
