विराटचोकः पूर्वाञ्चल ल्युब आयल (पीएलओ) आगामी नेपाल प्रिमियर लिग (एनपीएल) मा पनि विराटनगर किङ्सलाई प्रायोजन गर्ने भएको छ । एनपीएलको तेस्रो सिजनका लागि पीएलओ र विराटनगर किङ्सबीच प्रायोजनसम्बन्धी सम्झौतामा हस्ताक्षर भएको हो ।
प्रायोजक पीएलओद्वारा सञ्चालित मोरङको सुन्दरहरैंचा–९ स्थित विराटचोकमा रहेको नेपालीरिका होटलमा दुवै पक्षबीच सम्झौता भएको हो ।
सम्झौतापत्रमा विराटनगर किङ्सका तर्फबाट स्वामित्वकर्तामध्येका सुयस प्याकुरेल र पीएलओका तर्फबाट प्रबन्ध निर्देशक भोलेश्वर दुलालले हस्ताक्षर गर्नुभएको हो । हस्ताक्षर समारोहमा विराटनगर किङ्सका खेलाडी प्रतिस जीसी र नारायण जोशीको पनि उपस्थिति रहेको थियो ।
