विराटचोकः सशस्त्र प्रहरी फुटबल क्लब एपीएफलाई हराउँदै धरान फुटबल क्लब मोरङको सुन्दरहरैंचा नगरपालिकामा हिजोदेखि शुरु भएको प्रथम अन्तर्राष्ट्रिय सुन्दरहरैंचा खोर्साने गोल्डकप फुटबल प्रतियोगिताको सेमीफाइनलमा पुगेको छ ।हिजोको उद्घाटन खेलमा एपीएफ फुटबल क्लबलाई २–० गोल अन्तरले धरानले पराजित गरेको हो ।प्रतियोगिताको उद्घाटन समारोहका सभापति संविधानसभा सदस्य चन्द्रबहादुर गुरुङले रेफ्रीलाई बल हस्तान्तरण गरेर खेलको उद्घाटन गर्नुभएको थियो ।उद्घाटन समारोहमा स्थानीय जनप्रतिनिधि, खेलप्रेमी तथा विभिन्न क्षेत्रका व्यक्तिहरूको उल्लेखनीय उपस्थिति रहेको थियो ।पराजयसँगै एपीएफ प्रतियोगिताबाट बाहिरिएको छ । विजयी धरान
विराटचोकः मोरङको सुन्दरहरैँचा–१२ स्थित सुकुना बहुमुखी क्याम्पस को सञ्चालक समितिमा सुरेन्द्रबहादुर थापा सर्वसम्मत चयन हुनुभएको छ ।समितिको सदस्यहरूमा उमेश वस्ती, टीका कट्टेल, रमेश खड्का, नवराज चापागाई, पुण्यप्रसाद आचार्य, तिलकप्रसाद ढकाल, लक्ष्मीप्रसाद फुयाल, योजना शर्मा, योगराज काफ्ले, नेत्रप्र
लेटाङः इलाका प्रहरी कार्यालय लेटाङका प्रमुख प्रहरी निरीक्षक सागर साह २०८३ साल वैशाख महिनाको “सर्वोत्कृष्ट प्रहरी” घोषित हुनुभएको छ । साहलाई कोशी प्रदेश प्रहरी कार्यालयले बैशाख महिनाको सर्वाेत्कृष्ट प्रहरी घोषित गरेको हो ।प्रहरी निरीक्षक साहले विभागीय मूल्य मान्यता, आदेशनिर्देशनको पालना गर्दै उच्च मनोबल र साहसका साथ पदीय जिम्मेवारी निर्वाह गर्नुका साथै फैसला कार्यान्वयनअन्तर्गत विभिन्न मितिमा फरार प्रतिवादी पक्राउ गरी सम्मानित अदालतमा उपस्थित गराउनुका साथै प्रविधिमैत्री प्रहरी सेवा प्रवाहका लागि ड्रोन क्यामेरामार्फत् अपराध रोकथाम तथा अनुसन्धान कार्यलाई प्रभावकारी बनाएको जनाइएको छ ।नागरिक सहायता
इटहरी । गत साता नेप्से परिसूचक करिब ०.५० प्रतिशत अर्थात् १३.७१ अंक घटेर २७३१.९४ विन्दुमा बन्द अडिएको छ । ५ दिन खुलेको शेयर बजार ३ दिन घटेको थियो ।कारोबार रकम भने सामान्य बढेको छ । अघिल्लो साता दैनिक औसतमा ३ अर्ब ४२ करोड रुपैयाँको शेयर किनबेच भएकोमा गत साता औसतमा ३ अर्ब ६९ करोड रुपैयाँको शेयर किनबेच भएको छ ।नेप्सेको कुल बजार पूँजीकरण पनि ०.५० प्रतिशत घटेको छ । अघिल्लो साताको अन्तिम कारोबार दिन ४६ खर्ब ८२ अर्ब रुपैयाँ रहेको नेप्सेको कुल बजार पूँजीकरण गत साता २३ अर्ब रुपैयाँ घटेर ४६ खर्ब ५९ अर्ब रुपैयाँ कायम भएको छ ।सातामा ३ उपसमूहको
इटहरी । मोरङको सुन्दरहरैँचा–१० खोर्साने स्थित सिद्धार्थ सेकेण्डरी स्कुलले शैक्षिक सत्र २०८२ को माध्यमिक शिक्षा परीक्षा (एसईई) मा उत्कृष्ट नतिजा ल्याउने विद्यार्थीहरूलाई सम्मान गर्दै पुरस्कार वितरण गरेको हो । परीक्षामा ४ जीपीए ल्याउने ६ जना विद्यार्थीलाई विद्यालयले जनही १ लाख रुपैयाँसहित सम्मान गरेको हो ।सो विद्यालयबाट यस वर्ष एसईई परीक्षामा सहभागी सबै १२१ जना विद्यार्थी उत्तीर्ण भएकामा तीमध्ये ६ जना विद्यार्थीले ४ जीपीए ल्याएको विद्यालयले जनाएको छ । विद्यालयले तिनै विद्यार्थीलाई अभिभावकको साथमा जनही १ लाख रुपैयाँको चेक प्रदान गरेको हो ।विद्यालयका प्रिन्सिपल अर्जुन बस्नेतका अनुसार सब
इटहरी । मोरङको सुन्दरहरैंचामा आज जेठ २ गतेदेखि प्रथम अन्तरराष्ट्रिय सुन्दर खोर्साने गोल्डकप हुने भएको छ । दिउँसो ३ बजे हुने उद्घाटन खेलमा धरान फुटबल क्लब र सशस्त्र प्रहरी बलबीच प्रतिष्पर्धा हुने भएको हो ।आयोजकका अनुसार आजको विजेता टिमले भोलिको विजेता टिमसँग जेठ ६ गते सेमीफाइनल खेल खेल्नेछ । भोलि दार्जिलिङको टिम र सलहेश फुटबल क्लबबीच प्रतिष्पर्धा हुने भएको छ ।आयोजकका अनुसार जेठ ४ गते सतिसाले स्पोर्टिङ क्लब र बिर्तामोड युनाइटेड झापाबीच खेल हुने भएको छ ।जेठ ५ गते आयोजक सुन्दर खोर्साने युवा क्लब र राष्ट्रिय जागृति क्लब सुनसरीबीच खेल हुने भएको छ ।खेलको विजेता टिमले नगद २ लाख र उपविजेताले
काठमाडौंः विश्वकप लिग २ अन्तर्गत आजको खेलमा अमेरिकाले टस जितेर पहिले ब्याटिङ गरिरहेको छ ।नेपालका डा. इशान पाण्डेले ओडीआई डेब्यु गर्दैछन् । उनलाई करण केसीले डेब्यु क्याप दिएका थिए ।खेल टियु क्रिकेट मैदानमा जारी छ । आजको खेलमा विनोद भण्डारी, अर्जुन कुमाल र करण केसी बेन्चमा रहेका छन् ।आजको खेल नेपालका लागि निकै महत्वपूर्ण छ । नेपाल अहिले २५ खेलपछि आठमा जीत, १५ मा हार र दुई खेलमा अनिर्णित हुँदै १८ अङ्कका साथ तालिकाको आठौँ स्थानमा छ ।अमेरिका २५ खेलबाट १८ मा जीत, सातमा हारसँगै ३६ अङ्कका साथ दोस्रो स्थानमा रहँदा स्कटल्याण्ड पहिलो स्थानमा छ ।स्कटल्याण्डले ३० खेलमध्ये १६ मा जीत, आठमा हार र ६ वटा खेल अन
इटहरी । जेठ महिनाको पहिलो दिन आज शेयर बजारमा सामान्य सुधार आएको छ । नेप्सेमा सूचीकृत १३ समूहमध्ये ७ समूहमा हरियाली छाउँदा नेप्से झिनो अंकले बढेको हो ।आज नेप्से परिसूचक १.७७ अंक बढेर २७३१.९४ बिन्दुमा अडिँदा कारोबार रकम भने सामान्य घटेको छ । हिजो ३ अर्ब २९ करोड रुपैयाँको शेयर किनबेच भएकोमा आज २० करोड कम रुपैयाँको शेयर किनबेच भएको हो ।आज ३३८ कम्पनीको ४३ हजार ६७४ पटकको कारोबारमा ३ अर्ब ९ करोड ७९ लाख ५३ हजार ४८६ रुपैयाँको ७९ लाख ३४ हजार ४४४ कित्ता शेयर किनबेच भएको छ ।बढेको बजार ७ प्रतिशत नबिल डिबेञ्चर २०८९ को मूल्य सर्वाधिक अर्थात् ७.७१ प्रतिशत बढेको छ । मोदी इनर्जीको शेयरमूल्य ५.२६ प्रतिशत बढ
इटहरी । आज सुन र चाँदी दुवैको भाउ घटेको छ । सुनको भाउ तोलामा ४ हजार रुपैयाँ र चाँदीको भाउ तोलामा ३५५ रुपैयाँ घटेको हो ।नेपाल सुनचाँदी व्यवसायी महासंघका अनुसार आज सुनको भाउ प्रतितोला २ लाख ९८ हजार ५०० रुपैयाँ निर्धारण भएको छ ।चाँदी प्रतितोला ५ हजार ३९० रुपैयाँ निर्धारण भएको छ ।
विराटचोकः सुकुना बहुमुखी क्याम्पसको सभाहलमा भुल्के युवा समाजको आयोजनामा तथा आरम्भ सुधार केन्द्रको समन्वयमा लागूपदार्थ दुर्व्यसनविरुद्ध युवाहरूका लागि चेतनामूलक कार्यक्रम सम्पन्न भएको छ ।युवाहरूलाई लागूपदार्थ दुव्र्यसनबाट टाढा राख्दै सचेतना अभिवृद्धि गर्ने उद्देश्य राखेर आयोजित कार्यक्रमले समाजलाई दुर्व्यसनमुक्त बनाउन सहयोग पुग्ने सुन्दरहरैंचा नगरपालिका वडा नम्बर १२ का अध्यक्ष तथा नगरपालिकाका प्रवक्ता रोशनप्रसाद ढकालले बताउनुभयो ।कार्यक्रममा सहजकर्ता टीकाराम सिग्देलले युवाहरूलाई लागूपदार्थको असर, जोखिम तथा त्यसबाट बच्ने उपायबारे प्रभावकारी परामर्श दिनुभएको थियो ।सहजकर्ता राजीव गिरीले युवाहरूलाई
