इटहरी । नेपाल स्टक एक्सचेञ्ज (नेप्से) मा हिमालयन पावर पाटर्नरको हकप्रद शेयर सूचीकृत भएको छ । नेप्सेमा सो कम्पनीको जारी पूँजीको ५० प्रतिशत अर्थात ५३ लाख २७ हजार ८५ कित्ता हकप्रद शेयर सूचीकृत भएको हो ।सो कम्पनीले गत वैशाख १७ गतेदेखि जेठ ६ गतेसम्म चुक्तापूँजीको ५० प्रतिशत अनुपातमा प्रतिकित्ता १०० रुपैयाँ अंकित दरका ५३ लाख २७ हजार ८५ कित्ता हकप्रद शेयर निष्काशन गरेको थियो । सोही हकप्रद नेप्सेमा सूचीकृत भएको हो ।सोमबारदेखि अब ती शेयर किनबेच गर्न मिल्नेछ ।
इटहरी - टीभीएस मोटर कम्पनीले नेपालमा नयाँ टीभीएस अपाचे आरटीआर १६० फोर भी मोटरसाइकल सार्वजनिक गरेको छ। इटहरीस्थित होटल रोयल रिसोर्टमा आयोजित कार्यक्रममा उक्त मोटरसाइकल सार्वजनिक गरिएको हो।एक सय उनन्साठी दशमलव सात घन सेन्टिमिटर क्षमताको इन्जिन रहेको यस मोटरसाइकलमा प्रोजेक्टर हेडलाइट, अपसाइड–डाउन अगाडिको सस्पेन्सन, पाँच इन्चको डिजिटल प्रदर्शन पर्दा, दोहोरो च्यानल लक–प्रतिरोधी ब्रेक प्रणाली तथा खेल, सहरी र वर्षा गरी तीनवटा सवारी सञ्चालन मोड समावेश गरिएको छ।यो मोटरसाइकल म्याट कालो, रेसिङ रातो र मरिन निलो रङमा उपलब्ध छ। यसको शोरुम मूल्य चार लाख उनन्तीस हजार नौ सय रुपैयाँ तोकिएको कम्पनीले जनाएक
विराटनगरः गत वर्ष जेनजी आन्दोलनमा जलेको विराटनगरस्थित भाटभटेनी सुपर स्टोर आजदेखि औपचारिक रूपमा पुनः सञ्चालनमा आउने भएको छ ।भाटभटेनी सुपर मार्केटका प्रमुख सञ्चालन अधिकृत पानु पौडेलका अनुसार स्टोरले पुनः सञ्चालनसँगै दैनिक रूपमा नियमित सेवा प्रदान गर्नेछ ।ग्राहकहरूको सहजता र सुविधालाई ध्यानमा राख्दै स्टोरमा आधुनिक सुविधा, गुणस्तरीय सेवा तथा व्यवस्थित किनमेलको वातावरण उपलब्ध गराइने जनाइएको छ ।भाटभटेनी सुपर मार्केटले ग्राहकहरूको विश्वास, साथ र सहयोगलाई उच्च प्राथमिकतामा राख्दै आगामी दिनमा अझ प्रभावकारी सेवा प्रदान गर्ने प्रतिबद्धता व्यक्त गरेको छ ।पुनः सञ्चालनको अवसरमा कम्पनीले सम्पूर्ण ग्राहकवर्ग,
इटहरीः उद्योग वाणिज्य संघ इटहरीको नयाँ नेतृत्व चयनका लागि आज निर्वाचन हुँदैछ । नेतृत्व हात पार्न गायत्री कटुवाल भण्डारी र नवराज काफ्लेबीच प्रतिष्पर्धा हुने भएको हो ।दुवै उम्मेद्वार प्यानल बनाएर नेतृत्व हात पार्ने दाउमा छन् । नवराज काफ्ले नेकपा एमाले र नेपाली कांग्रेस समर्थित व्यवसायीको प्यानल बनाएर मैदानमा खडा हुनुभएको छ । नेपाली कम्युनिस्ट पार्टी (नेकपा) र राष्ट्रिय स्वतन्त्र पार्टी (रास्वपा) को समर्थनमा गायत्री कटुवाल भण्डारी चुनावी मैदानमा हुनुहुन्छ ।भण्डारी यसअघि नेपाली कांग्रेसको आधिकारिक उम्मेद्वार हुनुहुन्थ्यो । यस पटक पनि कांग्रेसबाटै उम्मेद्वार बन्ने तयारीमा रहे पनि कांग्रेसले गायत्री
इटहरी । शुक्रबारदेखि पोखरा फाइनान्स लिमिटेड र समृद्धि फाइनान्स कम्पनी लिमिटेडको एकीकृत कारोबार शुरु भएको छ ।ती दुई फाइनान्सबीचको मर्जर प्रक्रिया सम्पन्न भई शुक्रबारदेखि एकीकृत कारोबार सञ्चालन भएको हो । मर्जरपछि दुवै संस्थाको संयुक्त कारोबार ‘पोखरा फाइनान्स लिमिटेड’को नामबाट सञ्चालन भएको छ ।समृद्धि फाइनान्स कम्पनी लिमिटेडको सम्पूर्ण सम्पत्ति, दायित्व, ऋण तथा अन्य वित्तीय दायित्वहरू अब पोखरा फाइनान्स लिमिटेडले वहन गर्ने भएको छ ।मर्जरपश्चात् संस्थाको केन्द्रीय कार्यालय काठमाडौं–२८, पुतलीसडकमा रहेको छ । त्यहाँ पहिले समृद्धि फाइनान्सको कार्यालय रहेको थियो ।यसअघि नेपाल राष्ट्र बैंकले पोखरा फाइन
इटहरी । वित्तीय संस्थाको ऋणपत्रमा शुक्रबार पनि लगानीकर्ता झुम्मिएका छन् । साताको अन्तिम कारोबार दिन शुक्रबार शेयर बजार परिसूचक ०.०४ प्रतिशत अर्थात् १.१३ अंकले घटेर २६००.७८ अडिँदा कारोबार रकम भने बढेको छ ।नेप्सेमा सूचीकृत ३६७ स्टकको १ करोड ६ लाख ६० हजार ५३७ कित्ता शेयर ५३ हजार ४३२ पटक किनबेच हुँदा ६ अर्ब ८६ करोड ७ लाख १८ हजार ६५८ रुपैयाँको शेयर किनबेच भएको छ ।बिहीबार ४ अर्ब ६१ करोड १९ लाख रुपैयाँको शेयर किनबेच भएको थियो ।कारोबारमा आएका १३ वटा समूहमध्ये ६ वटामा हरियाली छाउँदा शुक्रबार व्यापार समूह सर्वाधिक १.२७ प्रतिशतले बढेको छ । विकास बैंक समूहमा सर
इटहरी । लगातार ५ दिनदेखि घटिरहेको सुनचाँदीको भाउ आज बढेको छ । आज सुनको भाउ तोलामा २ हजार ७०० रुपैयाँ र चाँदीको भाउ तोलामा १७० रुपैयाँ बढेको हो ।नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ८७ हजार ४०० रुपैयाँ निर्धारण भएको छ ।आज चाँदीको भाउ प्रतितोला ४ हजार ३४० रुपैयाँ निर्धारण भएको छ ।
जनकपुरः जनकपुरधामस्थित तिरहुतिया गाछी मैदानबाट आजदेखि मिटरब्याज पीडितहरूले काठमाडौंसम्म पैदल मार्च शुरु गरेका छन् ।देशका विभिन्न जिल्लाबाट आएका मिटरब्याज पीडितहरूले काठमाडौं लक्षित पैदल यात्रा सुरु गरेका हुन् । पैदल मार्च शुरु गर्नुअघि उनीहरूले फर्जी तमसुक जलाएका थिए ।त्यसपछि मशाल प्रज्वलन गर्दै आन्दोलनको औपचारिक शुभारम्भ गरिएको थियो । मार्च शुरु हुनुअघि आयोजित कार्यक्रममा लघुवित्त तथा वित्तीय शोषणविरुद्ध किसान–मजदुर आन्दोलनका केन्द्रीय अध्यक्ष रमेश सेन्चुरीले यसपटकको सङ्घर्ष अन्तिम हुने बताए ।प्रधानमन्त्री बन्नुअघि बालेन्द्र शाहले जनकपुरधामबाटै मिटरब्याज पीडितहरूको समस्या समाधान गर्ने प्रतिबद
इटहरी । आज शेयरबजार मापक नेप्से परिसूचक ०.७५ प्रतिशत अर्थात् १९.६७ अंकले घटेर २६०१.९२ बिन्दुमा अडिएको छ ।नेप्सेमा सूचीकृत ३६१ कम्पनीको ८७ लाख ५१ हजार ३८० कित्ता शेयर ५७ हजार ८६४ पटक किनबेच हुँदा ४ अर्ब ६१ करोड १९ लाख ५४ हजार ७८२ रुपैयाँको शेयर किनबेच भएको छ ।कारोबारमा आएका १३ वटै समूहमा रातो पोतिँदा व्यापार समूह सर्वाधिक अर्थात् २.३६ प्रतिशतले घटेको छ ।उच्च कारोबार गर्ने ५ कम्पनीमध्ये ४ वटा ऋणपत्रघटेको बजारमा उच्च कारोबार गर्ने ५ मध्ये ४ वटा स्टक विभिन्न बैंकका ऋणपत्र रहेका छन् । ग्लोबल आइएमई बैंक डिबेञ्चर २०८६\८७ को सर्वाधिक ३५ करोड ५८ लाख ९२ हजार ८२० रुपैयाँको शेयर किनबेच भएको छ ।
इटहरी । आज पनि सुन र चाँदी दुवैको मूल्य घटेको छ । आज सुनको मूल्य तोलामा २ हजार ४ सय रुपैयाँ र चाँदीको मूल्य तोलामा १६० रुपैयाँ घटेको हो ।नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ८४ हजार ७ सय रुपैयाँ निर्धारण भएको छ ।आज चाँदी प्रतितोला ४ हजार ३४० रुपैयाँमा कारोबार भइरहेको महासंघले जनाएको छ ।
