इटहरी । साताको अन्तिम कारोबार दिन शुक्रबार शेयर बजार सामान्य अङ्कले बढेको छ । नेपाल स्टक एक्सचेञ्ज (नेप्से) परिसूचक हिजो ०.१८ प्रतिशत अर्थात् ५.३६ अङ्कले बढेर २ हजार ८३८.४० बिन्दुमा अडिँदा कारोबार रकम ७ अर्ब ४६ करोड ६ लाख ९८ हजार ९८ रुपैयाँको शेयर किनबेच भएको छ ।नेप्सेमा सूचीकृत ३३५ कम्पनीको १ करोड ८० लाख ६३ हजार ७२८ कित्ता शेयर ९६ हजार ७२३ पटक किनबेच भएको थियो । कारोबारमा आएका १३ वटा समूहमध्ये ५ वटामा हरियाली छाउँदा उत्पादन तथा प्रशोधन समूह सर्वाधिक अर्थात १.४० प्रतिशतले बढेको छ ।होटल समूह १.३८ प्रतिशत, जलविद्युत समूह ०.६७ प्रतिशत, अन्य समूह ०.५६ प्रतिशत र व्यापार समूह ०.०३ प्रतिशत
विराटचोकः नेपाल धितोपत्र बोर्डका अध्यक्ष सन्तोषनारायण श्रेष्ठले राजीनामा दिएका छन् ।शुक्रबार बसेको सञ्चालक समितिको बैठकमा उनले राजीनामा घोषणा गरेका हुन् ।अध्यक्ष श्रेष्ठ विभिन्न विषयमा विवादित हुँदै आएका छन् । श्रेष्ठलाई सरकारले १० मंसिर २०८१ मा धितोपत्र बोर्डको अध्यक्ष नियुक्त गरेको थियो ।सम्पत्ति शुद्धीकरणसम्बन्धी दीपक भट्टको विवादमा श्रेष्ठ पनि तानिने भएपछि उनले राजीनामा दिएका हुन् ।
काठमाडौंः नेपाल स्टक एक्सचेन्ज (नेप्से)ले शेयर बजारको कारोबारलाई थप फराकिलो र चलायमान बनाउन ‘धितोपत्र कारोबार सञ्चालन विनियमावली, २०७५’ मा संशोधन गरेको छ ।अब कम्पनीहरूको शेयर मूल्यमा लाग्दै आएको सर्किट सीमा र प्रि–ओपन सेसनको मापदण्ड परिवर्तन गर्ने क्रममा रहेको बताइएको छ । नेपाल धितोपत्र बोर्ड (सेबोन) बाट स्वीकृत भई आएको संशोधित विनियमावलीमा कुनै कम्पनीको दैनिक शेयर मूल्य घटबढ हुन पाउने सीमालाई १० प्रतिशतबाट बढाएर १५ प्रतिशत पुर्याइएको बताइएको छ ।त्यस्तै, प्रि–ओपन सेसन अर्थात् नियमित कारोबार शुरु हुनुपूर्व बिहान १०ः३० बजेदेखि १०ः४५ बजेसम्म को मूल्य सीमामा पनि संशोधन गरी प्रतिशत पुर्याइने भ
इटहरी । आज सुन र चाँदी दुवैको भाउ घटेको छ । सुनको भाउ तोलामा ३००० रुपैयाँ र चाँदीको भाउ तोलामा १२० रुपैयाँ घटेको हो ।नेपाल सुनचाँदी व्यवसायी महासंघका अनुसार आज सुनको भाउ तोलाको २ लाख ९९ हजार ८०० रुपैयाँमा किनबेच भइरहेको छ ।चाँदीको भाउ प्रतितोला ५ हजार १३० रुपैयाँ निर्धारण भएको महासंघले जनाएको छ ।
इटहरी । पछिल्लो समय सुस्ताएको घरजग्गा कारोबारमा सुधार देखिएको छ । नेपाल राष्ट्र बैंकले आर्थिक वर्ष २०७९\८० लाई आधार मानेर सार्वजनिक गरेको घरजग्गा कारोबारसम्बन्धी प्रतिवेदनले बजारमा यस्तो प्रवृत्ति देखिएको उल्लेख गरेको छ । मधेस प्रदेश सबैभन्दा अगाडि छ ।आर्थिक वर्षको सुरुवाती तीन महिनामा कारोबार कम हुने प्रवृत्ति छ भने तेस्रो र चौथो त्रैमासमा कारोबार उल्लेखनीय रूपमा बढ्ने गरेको प्रतिवेदनले देखाउँछ ।मधेस प्रदेशपछि लुम्बिनी प्रदेशमा बढी कारोबार भएको देखिन्छ । कर्णाली र सुदूरपश्चिम प्रदेशमा भने कारोबार अपेक्षाकृत कम देखिएको छ ।जग्गाको क्षेत्रफलका आधारमा पनि मधेस प्रदेशकै हिस्सा बढी छ । महानगर
इटहरी । मोरङको सुन्दरहरैंचामा सञ्चालनमा रहेको पीएलओ (पूर्वाञ्चल ल्युब आयल) सहित विभिन्न पाँच कम्पनीले बुक बिल्डिङ प्रविधिमार्फत् आईपीओ जारी गर्ने भएका छन् ।आईपीओ जारी गर्न ती कम्पनी र नेपाल स्टक एक्सचेञ्ज (नेप्से) बीच बुक बिल्डिङ्ग निर्देशिका बमोजिम शेयर निष्कासनका लागि सम्झौता भएको नेप्सेले जनाएको छ ।नेप्सेका अनुसार नर्भिक हस्पिटल, जगदम्बा स्पिनिङ्ग मिल्स लिमिटेड, टाइम फर्मास्युटिकल्स लिमिटेड, लक्ष्मी स्टील्स लिमिटेड र पूर्वाञ्चल ल्युव आयल लिमिटेड बुक बिल्डिङमा सहभागी हुने भएका हुन् ।ती कम्पनीहरूले बुक बिल्डिङ्ग विधिमार्फत् योग्य संस्थागत लगानीकर्ताका लागि छुट्याइएको सेयरको शिलबन्द
सलकपुरः मोरङको सुन्दरहरैँचा–८ सलकपुरमा ‘यारोन यादिरा फुटवेयर कलेक्सन (सलकपुर जुत्ता घर)’ सञ्चालनमा आएको छ ।सो जुत्ताघरको उद्घाटन वडा नम्बर ८ का वडाध्यक्ष खेमप्रसाद न्यौपाने, उद्योग संगठन मोरङका वरिष्ठ उपाध्यक्ष भोलेश्वर दुलाल, सुन्दरहरैँचा उद्योग वाणिज्य संघका अध्यक्ष नारायण कार्की र सुन्दरहरैँचा उद्योग वाणिज्य संघका पूर्व अध्यक्ष कृष्णप्रसाद रिजालले संयुक्त रूपमा गर्नुभएको छ ।सलकपुर क्षेत्रमा भरपर्दो तथा गुणस्तरीय विभिन्न ब्राण्डका जुत्ता तथा फुटवेयर उपलब्ध गराउने उद्देश्यले पसल सञ्चालनमा ल्याइएको सञ्चालक विष्णुप्रसाद आचार्यले जानकारी दिनुभयो ।उद्घाटनको अवसरमा पसलमा उपलब्ध सम्पूर्ण सामानमा २०
इटहरी । आज सुन र चाँदी दुवैको भाउ सामान्य बढेको छ । सुनको भाउ तोलामा १०० रुपैयाँ बढेको छ भने चाँदीको भाउ तोलामा ३० रुपैयाँ बढेको छ ।नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ लाख २ हजार ८०० रुपैयाँमा कारोबार भइरहेको छ ।चाँदी प्रतितोला ५ हजार २५० रुपैयाँमा किनबेच भइरहेको महासंघले जनाएको छ ।
इटहरी । युनाइटेड मोदी हाइड्रोपावरको लाभांश सुरक्षित गर्ने आज बैशाख ३ गते अन्तिम दिन हो । कम्पनीले साधारण सभा तथा लाभांश वितरण प्रयोजनार्थ भोलि बैशाख ४ गते बुकक्लोज गर्ने भएको हुनाले आजसम्म शेयर किन्नेले लाभांश पाउने तथा साधारणसभामा सहभागी हुन पाउने भएका हुन् ।सो कम्पनीले यही बैशाख २७ गते काठमाडौंको कालीमाटी ब्यैङ्केट कालीमाटीमा बिहान ११ बजे बाह्रौँ वार्षिक साधारण सभा गर्ने भएको छ ।
इटहरी । आजदेखि सर्वसाधारण लगानीकर्ताका लागि सोपान फर्मास्युटिकल्स लिमिटेडले प्राथमिक शेयर (आईपीओ) बिक्री गर्ने भएको छ ।कम्पनीले जारी पूँजी १ अर्ब ७१ करोड ६० लाख रुपैयाँको २५ प्रतिशतले हुन आउने ४२ करोड ९० लाख रुपैयाँ बराबरको ४२ लाख ९० हजार कित्ता शेयर आईपीओ निष्काशन गर्ने अनुमति पाएको थियो । सोमध्ये १० प्रतिशतले हुन आउने ४ लाख २९ हजार कित्ता शेयर नेपाल सरकारको सम्बन्धित निकायको श्रम स्वीकृति लिई वैदेशिक रोजगारीमा रहेका नेपालीहरुका लागि निष्काशन गरी बाँडफाँट गरिसकेको छ ।कम्पनीले १ लाख ७१ हजार ६०० कित्ता शेयर कर्मचारीहरुका लागि र २ लाख १४ हजार ५०० कित्ता शेयर सामुहिक लगानी कोषहरुलाई बा
