खाँदबारीः संखुवासभाको खाँदबारीमा आजदेखि शुरु हुने भनिएको गोल्डकप वर्षाका कारण दुई दिन पछि सरेको छवर्षाका कारण खेलमैदान हिलाम्मे भएपछि आयोजकले प्रतियोगिता दुई दिनपछि सार्ने निर्णय गरेको हो ।खाँदबारीको मानेभञ्ज्याङमा आयोजना हुन लागेको पहिलो संस्करणको संखुवासभा गोल्डकप फुटबल प्रतियोगिता अब कात्तिक १६ देखि २० गतेसम्म सञ्चालन हुने भएको छ ।प्रतियोगितामा आयोजक अरुण उपत्यका सामुदायिक विकास क्लब (एड्भान्स), सुनसरीको न्यु स्टार क्लब, सिरहाको सलहेश युवा क्लब, लोहोरुङ क्लब पाङ्मा, काठमाडौंको प्लानिङ ब्वाइज युनाइटेड, खाँदबारी युथ क्लब, झापा (११) फुटबल क्लब र सेकाहा सामुदायिक विकास क्लबबीच प्रतिष्पर्धा हुने
इटहरीः सुनसरीको तरहरामा मंसिर २४ गतेदेखि तेस्रो तरहरा गोल्डकप फुटबल प्रतियोगिता आयोजना हुने भएको छ । प्रतियोगिताको आयोजक योङ्ग ब्वाइज फुटबल क्लबले पत्रकार सम्मेलन गर्दै प्रतियोगिताबारे जानकारी गराएको हो ।प्रतियोगितामा कोशी प्रदेशका पाँच जिल्लाका फुटबल क्लबहरूको सहभागिता रहने क्लबका अध्यक्ष मोहन लिम्बूले जानकारी दिनुभयो । झापा, मोरङ, सुनसरी, धनकुटा र उदयपुरका क्लबहरूले प्रतियोगितामा सहभागिता जनाउने उहाँले बताउनुभयो ।प्रतियोगिताको विजेता टोलीले २ लाख २ हजार २२२ रुपैयाँ र उपविजेता टोलीले १ लाख १ हजार १११ रुपैयाँ नगद पुरस्कार प्राप्त गर्ने खेल संयोजक मनोज तामाङले जानकारी दिनुभयो ।क्लबले प्रत्येक व
काठमाडौं । कर्णाली याक्सले तेस्रो संस्करणको नेपाल प्रिमियर लिग (एनपीएल) मा विराटनगर किंग्समाथि रोमाञ्चक जीत निकालेको छ । विराटनगरले दिएको १८७ रनको लक्ष्य पछ्याएको कर्णालीले एक बल बाँकी छँदा लक्ष्य पूरा गरी विजयी भएको हो ।कर्णालीका लागि कप्तान सोमपाल कामीले अर्धशतक पूरा गरेका थिए । उनी ३२ बलमा ६२ रन अविजित रहे । उनले ४ चौका र ३ छक्का प्रहार गरे । उनले सातौं विकेटका लागि गुल्सन झासँग ६४ रनको अविजित साझेदारी गरे । गुल्सन २१ बलमा २८ रन बनाएर नटआउट रहे ।अन्तिम ओभरमा कर्णालीलाई जीतको लागि ८ रन आवश्यक थियो । पहिलो बलमा सोमपालले एक रन लिए । गुल्सनले दोस्रो बलमा दुई र तेस्रो बलमा एक रन लिए । विराटनगरका
काठमाडौं । तेस्रो संस्करणको नेपाल प्रिमियर लिग (एनपीएल) अन्तर्गत आजको दोस्रो खेलमा कर्णाली याक्सले टस जितेर पहिले फिल्डिङको निर्णय गरेको छ ।कर्णालीका कप्तान सोमपाल कामीले टस जित्दै विराटनगर किंग्सलाई पहिले ब्याटिङ गर्न निम्ता दिएका हुन् । त्रिवि क्रिकेट मैदानमा छिटपुट वर्षा भइरहेकाले मैदानलाई त्रिपालले ढाकेर केही समय राखिएको थियो ।अहिले खेल शुरु भइसकेको छ ।
काठमाडौं । काठमाण्डु गोर्खाजले दिएको ११६ रनको लक्ष्य जनकपुरले १७ ओभर २ बलमा २ विकेट गुमाएर पूरा गर्दै जनकपुर बोल्ट्सले तेस्रो संस्करणको नेपाल प्रिमियर लिग (एनपीएल) मा पहिलो जीत दर्ता गरेको छ ।जीतका लागि जनकपुरका ओपनिङ ब्याटर मोइन अलीले अर्धशतक पूरा गरेका थिए । उनी ५१ बलमा ५८ रनमा अविजित रहे । उनले ३ चौका र ३ छक्का प्रहार गरेका थिए । मोइनले सैफ हसनसँग तेस्रो विकेटका लागि ७९ रनको अविजित साझेदारी गर्दै जनकपुरलाई जीत दिलाएका थिए । हसन ३९ बलमा ४० रन बनाएर अविजित रहेका थिए । ७ रनमा ओपनर तृतराज दासलाई गुमाएको जनकपुरले ३७ रन जोड्दा मयन यादवलाई गुमाएको थियो । तृत ५ र मयन ९ रनमा आउट भएका थिए । त्यसपछि ज
काठमाडौंः नेपाल प्रिमियर लिग (एनपीएल) को तेस्रो संस्करणको खेलमा काठमान्डु गोर्खाज आफ्नो पहिलो खेलमा जनकपुर बोल्ट्सविरुद्ध ११५ रनमा समेटिएको छ ।त्रिवि क्रिकेट मैदानमा टस जितेर ब्याटिङ थालेको काठमान्डु १९ ओभर ३ बलमा ११५ रनमा अलआउट भएको हो । काठमान्डुलाई सस्तोमै समेट्न बलिङमा जनकपुरका आइकोनिक प्लेयर राहुल यादवले ४ ओभरमा ३१ रन खर्चिएर महत्वपूर्ण ४ विकेट लिए । उनले दुवै ओपनर साम र पटेलसहित कप्तान करण र आदिल आलमको विकेट लिएका थिए । सैफ हसनले २, मोइन अली, कप्तान हर्मीत सिंह र ललित राजवंशीले एकएक विकेट लिए ।ब्याटिङमा काठमान्डुका लागि भीम सार्कीले सर्वाधिक ३३ रन बनाए । उनले २९ बलमा चार चौका प्रहार गरे
काठमाडौं । टिमका कप्तान दीपेन्द्रसिंह ऐरीको अर्धशतकमा साविक उपविजेता सुदूरपश्चिम रोयल्सले तेस्रो संस्करणको नेपाल प्रिमियर लिग (एनपीएल) मा पहिलो जीत निकालेको छ । साबिक विजेता लुम्बिनी लायन्ससँग भएको उद्घाटन खेलमा भने सुदूर पश्चिमले नतिजा आफ्नो पक्षमा पारेको थिएन ।पोखराले दिएको १४६ रनको लक्ष्य पछ्याएको सुदूरपश्चिमले १६ ओभर ५ बलमा ४ विकेट गुमाएर पूरा लक्ष्य पूरा गरेको हो । सुदूरपश्चिमको जीतमा कप्तान दीपेन्द्रले अर्धशतक प्रहार गरे । उनले ३६ बलमा ४ चौका र दुई छक्का प्रहार गरे ।सुदूरपश्चिमले सुरुवातमै पहिलो विकेट गुमाएको थियो । ओपनर विनोद भण्डारी व्यक्तिगत ४ रनमा आउट भए । त्यसपछि सैफ अली जैब र ब्रान
काठमाडौं । तेस्रो संस्करणको नेपाल प्रिमियर लिग (एनपीएल) मा पोखरा एभेन्जर्सले सुदूरपश्चिम रोयल्सलाई १४६ रनको लक्ष्य दिएको छ ।त्रिवि क्रिकेट मैदानमा टस हारेर पहिले ब्याटिङ गरेको पोखराले निर्धारित २० ओभरमा ७ विकेट गुमाएर १४५ रन बनाएको हो । पोखराका लागि अर्जुन घर्तीमगरले सर्वाधिक अविजित ४० रन बनाए । उनले २५ बलमा ४ चौका र एक छक्का प्रहार गरे । उनले अन्तिम ओभरमा १५ रन जोडे ।महेदी हसनले सर्वाधिक ३२ रन बनाए । उनले कप्तान कुशल भुर्तेलसँग दोस्रो विकेटका लागि ३५ रनको साझेदारी गरेका थिए ।त्यसअघि तेस्रो ओभरको दोस्रो बलमा ओपनर दिनेश खरेल ७ बलमा ४ रन बनाएर आउट भएका थिए । दिनेश हेमन्त धामीको बलमा आउट हुन पुगे
काठमाडौंः तेस्रो संस्करण नेपाल प्रिमियर लिग (एनपीएल) को तेस्रो दिनको खेलमा सुदूरपश्चिम रोयल्सले टस जितेर पोखरा एभेन्जर्सविरुद्ध फिल्डिङ रोजेको छ ।त्रिवि क्रिकेट मैदानमा पोखराविरुद्ध सुदूरपश्चिमका कप्तान दीपेन्द्रसिंह ऐरीले टस जितेर फिल्डिङ गर्ने निर्णय लिएका हुन् ।यसअघि अस्ति भएको उद्घाटन खेलमा साबिक उपविजेता सुदूरपश्चिम साबिक विजेता लुम्बिनी लायन्ससँग पराजित भएको थियो ।
विराटनगर । विराटनगर जेसीजले आयोजना गरेको मैत्रीपूर्ण फुटसल प्रतियोगितामा नेपाल पत्रकार महासंघ मोरङ शाखाले आयोजक विराटनगर जेसीजलाई पराजित गर्दै उपाधि जितेको छ ।विराटनगर जेसीजको सप्ताहअन्तर्गत मंगलबार आयोजित प्रतियोगितामा महासंघले विराटनगर जेसीजलाई ७–६ गोलले पराजित गरेको हो । जीतसँगै महासंघको टोलीले ट्रफी र मेडल प्राप्त गरेको छ ।निकै प्रतिस्पर्धात्मक खेलमा दुवै टोलीले उत्कृष्ट प्रदर्शन गरेका थिए । दोस्रो हाफको अन्त्यतिर निर्णायक गोल गर्दै पत्रकार महासंघले जीत सुनिश्चित गरेको हो ।विजेता खेलाडीलाई नेपाल पत्रकार महासंघ मोरङ शाखाका अध्यक्ष सुशीला पाठक, विराटनगर जेसीजका अध्यक्ष कविराज दाहाललगायतले पु
