इटहरी । कुखुरा तस्करीमा संलग्न तीन जनालाई सुनसरीको रामधुनीस्थित डुम्राहाबाट नियन्त्रणमा लिइएको छ ।
स्थानीय किसानहरुले ५८ थान कुखुरा र दुई वटा मोटरसाइकलसहित तीन जना व्यक्तिलाई जिल्ला प्रहरी कार्यालय सुनसरीको जिम्मा लगाएका हुन् ।
भारतबाट अवैधरुपमा भित्राउँदै गरेको अवस्थामा बुधबार साँझ ती कुखुराहरु नियन्त्रणमा लिइएको स्थानीयहरुले जानकारी दिए ।
तस्करीमा संलग्नहरु रामधुनी तथा इनरुवाका स्थानीहरु भएको बताइएको छ ।
