काठमाडौं । आज (मंगलबार) सुनको भाउ तोलामा ३०० रुपैयाँले बढेको छ।
नपाल सुनचाँदी व्यवसायी महासंघका अनुसार हिजो (सोमबार) तोलामा १ लाख १२ हजार २०० रुपैयाँमा कारोबार भएको छापावाल सुनको मूल्य आज (मंगलबार) तोलामा ३०० रुपैयाँ बढेर १ लाख १२ हजार ५०० रुपैयाँमा कारोबार भइरहेको छ ।
यस्तै, आज तेजावी सुन पनि तोलामा ३ सयले बढेर प्रतितोला १ लाख ११ हजार ९ सय ५० रुपैयाँमा कारोबार भइरहेको छ ।
त्यस्तै,आज चाँदीको भाउ भने स्थिर रहेको छ । आज चाँदी प्रतितोला १ हजार ४ सय ८० रुपैयाँमै कारोबार भईरहेको छ ।
