विराटनगर - नेपाली कांग्रेसका नेता डा. शेखर कोईरालाले पार्टीभित्र गम्भीर विचलन रहेको स्वीकार गरेका छन्। सोमबार काठमाडौंमा आयोजित नेपाली कांग्रेसका संस्थापक नेता कृष्णप्रसाद भट्टराईको १०१ औं जन्मजयन्तीको अवसरमा सम्बोधन गर्दै डा. कोईरालाले वर्तमान नेतृत्वप्रति असन्तुष्टि व्यक्त गर्दै पार्टीभित्र सुधारको आवश्यकता औँल्याए।
कार्यक्रममा बोल्दै उनले पार्टीभित्र ४०/६० को भागबण्डामा आफू लागेको आरोपको खण्डन गरे। उनले भने, “सभापतिजीले सबै नेताहरूको कुरा नसुन्ने अवस्था आएपछि चुप लागेर बस्न सकिँदैन। अहिले पार्टीभित्र वास्तवमै विचलन छ। यो स्वीकार गर्नुपर्छ।”
डा. कोईरालाले पार्टी सभापति शेरबहादुर देउवाले नेताहरूका सुझाव र आवाजलाई वेवास्ता गरेको आरोप लगाए। उनका अनुसार देउवाको यस्तो व्यवहारले पार्टीभित्र गुटबन्दीलाई झन् फस्टाउन दिएको छ। उनले थप भने, “सभापतिले कुनै कुरा नसुन्दा राजनीतिमा लाग्नेहरूलाई अफ्ठ्यारो पर्ने अवस्था सिर्जना भएको छ। यसले पार्टीलाई थप कमजोर बनाउने खतरा छ।”
सभापति देउवालाई स्वर्गीय कृष्णप्रसाद भट्टराईका अनुयायीका रूपमा स्मरण गर्दै उनले देउवाकै नेतृत्वमा पार्टीभित्र गुटबन्दीलाई मलजल गरिएको आरोप लगाए।
“पार्टीभित्र देखिएको यो विचलनको अन्त्य गर्न हामी सबैले सुधारका लागि पहल गर्नुपर्छ,” उनले जोड दिए।
कार्यक्रममा पार्टीका अन्य नेताहरूले पनि नेपाली कांग्रेसलाई सुदृढ बनाउन साझा प्रयासको आवश्यकता रहेको धारणा राखेका थिए।
