मोरङ - विराटनगर महानगरपालिका वडा नम्बर १२ का वडाअध्यक्ष हिरालाल कामत बैंकिङ कसुरको आरोपमा पक्राउ परेका छन्। मोरङ प्रहरीले सोमबार साँझ उनलाई पक्राउ गरेको हो।
मोरङ जिल्ला अदालतले मंसिर २५ गते पक्राउ पूर्जी जारी गरेपछि कामतलाई सोमबार साँझ ४ बजे पक्राउ गरिएको जिल्ला प्रहरी कार्यालय मोरङका प्रवक्ता डिएसपी बेदप्रसाद जोशीले जानकारी दिए।
कामतले जहदा गाउँपालिका वडा नम्बर ३ का वडाअध्यक्ष गुरुदयानन्द ठाकुरलाई दिएको पाँच लाख रुपैयाँको चेक बाउन्स भएपछि उनीविरुद्ध कार्तिक महिनामा मुद्दा दर्ता भएको थियो। यसै मुद्दाको आधारमा ठाकुरले जाहेरी दिएका थिए।
हिरालाल कामत जसपाबाट निर्वाचित वडाअध्यक्ष हुन् भने उजुरी दिने गुरुदयानन्द ठाकुर पनि सोही पार्टीका वडा अध्यक्ष हुन्। प्रहरीका अनुसार मंगलबार कामतलाई अदालतमा पेस गरी थप अनुसन्धान अघि बढाइने छ।
मुद्दाका पृष्ठभूमि
कामतले दिएको चेक बाउन्स भएपछि आर्थिक विवादले कानुनी रूप लिएको हो। बैंकिङ कसुर अन्तर्गत यो मुद्दामा दोषी प्रमाणित भएमा कानुनअनुसार कारबाही हुनेछ।
मोरङ प्रहरीले यस घटनालाई गम्भीर रूपमा लिँदै अनुसन्धान प्रक्रिया अघि बढाइरहेको छ।
