पथरी - पथरी शनिश्चरेमा सम्पन्न भेट्रान्स फुटबल प्रतियोगिताको उपाधि वडा नं. १ ले जितेको छ। फाइनलमा वडा नं. १ ले वडा नं. ४ लाई ५-४ गोलले पराजित गर्दै उपाधि आफ्नो बनाएको हो। प्रतियोगिता देवीगञ्ज फुटबल क्लबको आयोजनामा पञ्चायत माविको खेलमैदानमा सम्पन्न भएको थियो। खेलमा दीपक राईले २ गोल गर्दै टिमलाई जित दिलाए। म्यान अफ द म्याच वडा नं. ४ का रोजिन शिवाकोटी घोषित भए। विजेता तथा उपविजेता टिमलाई नगर प्रमुख मोहन प्रसाद तुम्बापोले नगदसहित ट्रफी प्रदान गरे।