विराटचोकः युवामा उद्यमशील सोच, व्यवसायिक सीप, नेतृत्व क्षमता तथा आत्मनिर्भरता विकास गर्न महत्वपूर्ण योगदान पुर्याउने उद्देश्यका साथ आजदेखि युवा उद्यमशीलता विकास तालिम शुरु भएको छ ।
“युवा शक्ति, उद्यमी सोच, समृद्ध नेपालको खोज” भन्ने नारासहित शुरु भएको तालिमको सुन्दरहरैंचा नगरपालिकाका प्रमुख केदारप्रसाद गुरागाईँले आज एक समारोहका बीच उद्घाटन गर्नुभयो ।
तालिमले स्थानीय युवालाई रोजगारी खोज्ने मात्र नभई रोजगारी सिर्जना गर्ने दिशामा प्रेरित गर्ने विश्वास लिइएको आयोजक सुन्दरहरैंचा उद्योग वाणिज्य संघले जनाएको छ ।
१५ दिनसम्म सञ्चालन हुने तालिममा सुन्दरहरैंचाका ५० जना युवा सहभागी छन् ।
