इटहरीः इटहरीको पहिलो डायमण्ड सर्टिफाइड शोरुमका रूपमा परिचित ओम साई डायमण्डको नयाँ शोरुम आज भदौ १९ गतेदेखि औपचारिक रूपमा सञ्चालनमा आउने भएको छ ।
नयाँ शोरुमको उद्घाटनको अवसरमा ग्राहकलाई लक्षित गर्दै उद्घाटन अवधिभर डायमण्डका गहनामा ५० प्रतिशतसम्म छुटको व्यवस्था गरिएको सञ्चालक ओम लामिछानेले जानकारी दिनुभएको छ ।
तीज तथा आगामी चाडपर्वलाई मध्यनजर गर्दै सुनका गहनामा पनि विशेष छुटको व्यवस्था गरिएको जनाइएको छ । ग्राहकले विभिन्न डिजाइनका आकर्षक गहनाहरू विशेष छुटमा खरिद गर्न सक्ने जनाइएको छ ।
इटहरीमा लामो समयदेखि सुनचाँदी तथा गहनाको व्यवसाय गर्दै आएको न्यु ओम साई गहना गृहले ग्राहकको विश्वास र साथलाई निरन्तरता दिँदै नयाँ पुस्ताको रोजाइअनुसार डायमण्ड गहनाको सेवा विस्तार गरेको हो ।
उद्घाटनसँगै तीज तथा चाडपर्वलाई लक्षित गरी छुटमा गहना बिक्री गरिने बताइएको छ ।
