विराटचोकः नेपालीरिका होटलले असोजभर विशेष उत्सव आयोजना गर्ने भएको छ ।
आतिथ्यता, स्वाद र आत्मीय सेवाका लागि परिचित सो होटलले आफ्नो स्थापनाको छैटौँ वार्षिकोत्सवको अवसरमा झापाको दमक–६ भृकुटी चोक तथा मोरङको सुन्दरहरैँचा–९ विराटचोकबाट विशेष आवास तथा खानपानका आकर्षक प्याकेज सार्वजनिक गरेको हो ।
वार्षिकोत्सव अवसरमा असोजभर विशेष आवास प्याकेज, खानाका विशेष परिकार, कम्बो प्लेटर्स तथा पेय पदार्थका आकर्षक प्याकेज उपलब्ध हुने होटलका प्रबन्ध निर्देशक आकाश दुलालले जानकारी दिनुभयो ।
विशेष बार्बेक्यु तथा विविध परिकारका लाइभ फुड स्टेसन सञ्चालन गरिने होटलले जनाएको छ । परिवार, साथीभाइ, सहकर्मी तथा प्रियजनसँग भेटघाट र रमाइलो गर्न चाहनेहरूका लागि यी विशेष कार्यक्रम लक्षित रहेको जनाइएको छ ।
