सलकपुरः नेपाली कांग्रेसको १५ औँ महाधिवेशनअन्तर्गत मोरङको सुन्दरहरैंचा नगर कार्यसमितिको सभापतिमा होमनाथ पोखरेल विजयी हुनुभएको छ ।
४९० मत खसेको निर्वाचनमा पोखरेलले २९२ मत प्राप्त गर्दा पौडेलले १८७ मत प्राप्त गर्नुभएको हो । १०५ मत बढी ल्याएर पोखरेल विजयी हुनुभएको हो । पोखरेल वर्तमान कार्यसमितिमा सचिव पदमा कार्यरत हुनुहुन्थ्यो ।
निर्वाचनबाट खुला उपसभापतितर्फ कमल ढुङ्गाना ‘कुन्दन’ २९१ मत ल्याएर विजयी हुँदा प्रतिष्पर्धी रविन दाहालले १७६ मत प्राप्त गर्नुभयो ।
उपसभापति महिलातर्फ अमृता लिम्बूले २७८ मत ल्याएर विजयी हुँदा धारणा खनालले १९६ मत प्राप्त गर्नुभयो । खनाल सुन्दरहरैंचा नगरपालिका वडा नम्बर १ को वडा सदस्य हुनुहुन्छ ।
त्यस्तै, सहसचिवमा विमला कार्की खड्काले २६७ मत ल्याएर विजयी हुँदा कोमलप्रसाद लुइँटेलले २०२ मत ल्याउनुभयो ।
जिल्ला सदस्यमा कृष्णप्रसाद भट्टराईले २६५ मत ल्याएर विजयी हुँदा गोपाल कार्कीले १८६ मत ल्याउनुभयो ।
जिल्ला सदस्यमा महिलातर्फ बिन्दा दाहाल निर्विरोध निर्वाचित भइसक्नुभएको छ ।
त्यस्तै, नगर कार्यसमितिको सचिव पदमा भुवनसिंह आलेमगर निर्विरोध निर्वाचित भइसक्नुभएको छ ।
नगर सदस्यमा नुतनकुमारी साह, रबिन बजगाईँ, सुजन थापा, रविना रोक्का र खम्बसिंह दमाई पनि निर्विरोध निर्वाचित भइसक्नुभएको छ ।
_1790433439.jpg "सीप मेला")
