लेटाङः मोरङ १ का प्रतिनिधिसभा सदस्य यज्ञमणि न्यौपानेले प्रतिनिधि सभामा लेटाङ– ८ जाँतेस्थित स्वास्थ्य चौकीको सेवा बन्द गरिएको भनी अभिव्यक्ति दिएको भन्दै लेटाङ नगरपालिकाले गम्भीर ध्यानाकर्षण भएको जनाउँदै कडा आपत्ति प्रकट गरेको छ ।नगर प्रमुख भुपेन्द्रकुमार लावतीद्वारा जारी विज्ञप्तिमा मोरङ क्षेत्र नं. १ का सांसद न्यौपानेको उक्त दाबीलाई तथ्यहीन, भ्रामक र गैरजिम्मेवार भन्दै पूर्ण रूपमा खण्डन गरिएको छ ।नगरपालिकाका अनुसार जाँते स्वास्थ्य चौकीमा पछिल्लो समय ल्याब सेवा लिने सेवाग्राहीको सङ्ख्यामा कमी आएकाले ल्याब सेवा प्रवाहको विषयमा कार्यपालिका बैठकबाट एक अध्ययन समिति गठन गरेको विषयलाई सेवा नै बन्द गर
काठमाडौंः नयाँ बानेश्वर चोकमा ड्युटीमा खटिएको प्रहरीमाथि नै हातपात भएको छ।ड्युटीमा खटिएका महिला तथा पुरुष प्रहरीमाथि नै आक्रमण भएको हो । आक्रमण गर्ने जुम्ला घर भएका २७ वर्षीय राज कठायत नाम गरेको युवकलाई पक्राउ गरिएको छ। पक्राउ पर्नेमा जुम्ला तातोपानी गाउँपालिका वडा २ घर भई हाल बानेश्वर-१० मा बस्ने २७ वर्षका राज कठायत छन्।महिला प्रहरी जवानले जथाभावी बाटो काट्न खोजेका ती पुरूषलाई आकाशे पुलको प्रयोग गर्न अनुरोध गरेकी थिइन्।
इटहरी । आज शेयर बजारमा सामान्य उतारचढाव आएको छ । बजार खुलेको १० मिनेटपछि उकालो लागेको बजारले ५० मिनेटसम्म हरियो झण्डा देखाए पनि त्यसपछि बजार राताम्य भएको छ ।अहिले दिउँसो १ बजेसम्ममा बजार पौने ५ अंक आसपास घटेर २५९५ आसपासको बिन्दुमा नेप्से रहेर शेयर किनबेच भइरहेको छ । दुई घण्टाको अवधिमा २ अर्ब १६ करोड ९१ लाख रुपैयाँको शेयर किनबेच भएको छ ।बजार घटे पनि सर्वाेत्तम पेन्ट्सको शेयरमूल्य सर्वाधिक १५ प्रतिशत बढेको छ ।सयपत्री हाइड्रोपावरको शेयरमूल्य सर्वाधिक अर्थात् ६ दशमलव ७६ प्रतिशत घटेको छ ।घटेको बजारमा मकर जितुमाया सुरी हाइड्रोपावरको सर्वाधिक ८७ करोड ४६ लाख ८९ हजार रुपैयाँको शेयर किनबेच भए
काठमाडौं । प्रतिनिधिसभाको बैठक स्थगित भएको छ ।दिउँसो १ बजे सिंहदबारमा बस्ने गरी तय भएको प्रतिनिधिसभाको बैठक विशेष कारणले बैठक स्थगित गरिएको संघीय संसद् सचिवालयले जनाएको छ ।आजको बैठकमा कानुन, न्याय तथा संसदीय मामिलामन्त्री सोविता गौतमले ‘नेपाल कानुन आयोग (पहिलो संशोधन) विधेयक, २०८३’ प्रस्तुत गर्ने कार्यसूची थियो ।कानुनमन्त्री गौतमले नै ‘मेलमिलापसम्बन्धी (दोस्रो संशोधन) विधेयक, २०८३ माथि विचार गरियोस्’ भन्ने प्रस्ताव प्रस्तुत गर्ने कार्यसूची थियो ।
इटहरीः सन नेपाल लाइफ इन्स्योरेन्स कम्पनी लिमिटेडको आयोजनामा ‘सन नेपाल क्लब मोटिभेटिङ प्रोग्राम’ इटहरीस्थित र्याडिसन होटलमा सम्पन्न भएको छ ।कार्यक्रममा नेपाल बीमा प्राधिकरण, कोशी प्रदेश कार्यालयका प्रमुख राजेन्द्र महर्जनले बीमा व्यवसायको विस्तारसँगै बीमितको हित, जोखिम व्यवस्थापन र व्यावसायिक आचरणलाई प्राथमिकता दिन बीमा अभिकर्ताहरूलाई आग्रह गर्नुभयो । महर्जनले अभिकर्ताले ग्राहकको आर्थिक अवस्था, आवश्यकता र जोखिमको मूल्याङ्कन गरेर उपयुक्त बीमा योजना छनोट गर्नुपर्ने बताउनुभयो । बीमा योजना बिक्री गर्दा त्यसका सुविधा, शर्त, जोखिम र दायित्वबारे बीमितलाई स्पष्ट जानकारी गराउनुपर्ने उहाँको भनाइ थियो ।उहा
वराहक्षेत्रः उर्जा, जलस्रोत तथा सिँचाइमन्त्री विराजभक्त श्रेष्ठले ठूला सिँचाइ आयोजनालाई कृषि उत्पादन, रोजगारी सिर्जना र ग्रामीण अर्थतन्त्रसँग एकीकृत गर्दै जनसङ्ख्या पलायन न्यूनीकरणको माध्यम बनाउनुपर्ने बताएका छन् ।सुनसरी–मोरङ सिँचाइ परियोजनाको स्थलगत अध्ययन तथा परियोजनाबाट प्रभावित स्थानीयवासी र जल उपभोक्ताका समस्या तथा गुनासा सुन्ने क्रममा मन्त्री श्रेष्ठले सिँचाइलाई केवल नहर निर्माणको विषयका रूपमा हेर्न नहुने बताउनुभयो ।सिँचाइमा गरिएको लगानीको वास्तविक प्रतिफल कृषि उत्पादन र उत्पादकत्व वृद्धिमार्फत् प्राप्त हुने भएकाले सिँचाइसँगै कृषि उत्पादन, किसानका कार्यक्रम र बजार व्यवस्थापनलाई समेत एकीक
विराटनगरः हिजो बसेको प्रदेशसभा बैठकमा कोशी प्रदेशका मुख्यमन्त्री हिक्मतकुमार कार्कीले तेस्रो पटक विश्वासको मत पाउनुभएको छ । कार्कीको पक्षमा ५७ मत परेको छ । नेकपा एमालेका ४० र नेपाली कम्युनिस्ट पार्टीका १७ प्रदेशसभा सदस्यले कार्कीको पक्षमा मतदान गरेका हुन् ।विश्वासको मतको विपक्षमा नेपाली कांग्रेसका २२ प्रदेशसभा सदस्यले मतदान गरेका छन् । कांग्रेसका २९ सदस्य रहे पनि सबै सदस्य मतदानमा सहभागी भएनन् ।राप्रपाका सभामुखसहित पाँच प्रदेशसभा सदस्यले मतदान गरेनन् । जनता समाजवादी पार्टीकी एक मात्र प्रदेशसभा सदस्य निर्मला लिम्बू पनि बैठकमा अनुपस्थित हुनुहुन्थ्यो ।९३ सदस्यीय कोशी प्रदेशसभामा एक सदस्यले राजीना
इटहरी । लायन्स क्लब अफ गोठगाउँ रोयल सिटी, सुन्दरहरैँचा–७, मोरङले आफ्ना सदस्य, सदस्यका परिवार तथा क्लबको सिफारिशमा उपचारका लागि जाने सर्वसाधारणलाई सहुलियतमा स्वास्थ्य सेवा उपलब्ध गराउने उद्देश्यले दुई प्रमुख मेडिकल कलेजसँग सम्झौता गरेको छ ।क्लबले विराटनगरको कञ्चनबारीस्थित नोबेल मेडिकल कलेज टिचिङ्ग हस्पिटल र काठमाडौंको सिनामंगलस्थित काठमाडौं मेडिकल कलेज (केएमसी) सँग स्वास्थ्य उपचारमा छुट उपलब्ध गराउनेसम्बन्धी छुट्टाछुट्टै सम्झौता गरेको हो ।सम्झौताअनुसार नोबेल मेडिकल कलेजमा क्लबको सिफारिशमा उपचारका लागि जाने बिरामीले सरकारी स्वास्थ्य उपचारसम्बन्धी सुविधा, स्वास्थ्य बीमा, आमा सुरक्षा, व
विराटचोकः यमबुद्ध फाउण्डेसनले स्वर्गीय गायक अनिल अधिकारी (यमबुद्ध) को स्मृतिमा सुकुना बहुमुखी क्याम्पस सुन्दरहरैंचा मोरङमा छात्रवृत्ति अक्षयकोष स्थापना गरेको छ ।फाउण्डेसनले ‘यमबुद्ध छात्रवृत्ति अक्षयकोष, सुकुना बहुमुखी क्याम्पस’ का लागि १० लाख प्रदान गरेको हो । फाउण्डेसनका अध्यक्ष अम्बिकाप्रसाद अधिकारी र कोषाध्यक्ष उर्मिला अधिकारीले बिहीबार आयोजित एक समारोहबीच क्याम्पस सञ्चालक समितिका अध्यक्ष सुरेन्द्रबहादुर थापा र क्याम्पस प्रमुख अर्जुनराज अधिकारीलाई बैंक चेक हस्तान्तरण गर्नुभएको हो ।२०८२ साल माघ १ गते सुकुना बहुमुखी क्याम्पसमा यमबुद्ध ट्रिब्युट कार्यक्रम आयोजना गरिएको थियो । सो कार्यक्रमका स
मधुमल्लाः मोरङको मिक्लाजुङ गाउँपालिका–८ स्थित ग्याङ्री खोलामा पुल निर्माण कार्य शुरु भएको छ । पुल नबन्दा मिक्लाजुङ–माल्वारी– तोरीबारी जोड्ने मार्गमा रहेको कजवे बर्खायाममा जोखिमपूर्ण हुने गरेको थियो ।वर्षौंदेखि स्थानीयले भोग्दै आएको आवतजावतको समस्याका कारण स्थानीयवासीमात्रै होइन खुडी (कुईनेटार) र चुलीपोखरी हाइकिङ जाने पदयात्री र पर्यटक पनि समस्यामा पर्ने गरेका थिए । प्रमुख मार्गमा पुल निर्माण भएपछि पर्यटकको आवागमन समेत सहज हुने भएको गाउँपालिका अध्यक्ष बबिकुमार राईले बताउनुभयो ।गाउँपालिका अध्यक्ष राईको नेतृत्वमा स्थानीयको दीर्घकालीन आवश्यकतालाई प्राथमिकतामा राख्दै पुल निर्माण शुरु गरिएको गाउँपाल
