काठमाडौंः प्रचलित कानुनविपरीत विदेशमा गएर उपचार गर्ने राज्यका विशिष्ट अधिकारीहरूको उपचारखर्च राज्यकोषबाट भरिएको र त्यो गलत भएको भन्दै सर्वोच्च अदालतमा रिट निवेदन परेको छ ।जनस्वास्थ्य ऐनको प्रतिकूल हुनेगरी त्यसरी राज्यकोषबाट गरिएको खर्च फिर्ता गराउनुपर्ने माग सहित रिट निवेदन दर्ता गरिएको बताइएको छ । सरोजकुमार न्यौपानेले दायर गरेको रिट निवेदनमा प्रधानमन्त्री तथा मन्त्रिपरिषद् कार्यालयका साथै पूर्वराष्ट्रपति डा. रामवरण यादव, पूर्वप्रधानमन्त्री केपी शर्मा ओली, झलनाथ खनाल र पूर्व परराष्ट्रमन्त्री सुजाता कोइरालालाई विपक्षी बनाइएको छ ।आज दर्ता भएको रिट निवेदनमाथि शुक्रबार प्रारम्भिक सुनुवाइ हुने
विराटचोकः सुकुना बहुमुखी क्याम्पसको आयोजना तथा सान्वी सिटी हस्पिटल इटहरीको प्राविधिक सहयोगमा बुधबार भएको निःशुल्क स्वास्थ्य शिविरमा एक सय जना लाभाग्राहीले सेवा लिएका छन् ।सामाजिक उत्तरदायित्वअन्तर्गत सञ्चालन गरिएको शिविरमा सर्वसाधारण, स्थानीयवासी, विद्यार्थी, कर्मचारी तथा प्राध्यापकहरूले स्वास्थ्य सेवा लिएका थिए ।स्वास्थ्य शिविरमा रक्त परीक्षण, इसिजी तथा विभिन्न स्वास्थ्य जाँच सेवा प्रदान गरिएको थियो ।शिविराम स्त्रीरोग विशेषज्ञ डा. रामविश्वेश्वर शाह, फिजिसियन डा. दीपक चौधरी र जितेश यादवले स्वास्थ्य परीक्षण गर्नुभएको थियो ।
इटहरी । देशभर सरकारले आइतबार र सोमबार ६ महिनादेखि ५९ महिनासम्मका करिब २२ लाख बालबालिकालाई भिटामिन ‘ए’ क्याप्सुल र जुकाको औषधि खुवाइरहेको छ ।स्वास्थ्य तथा जनसंख्या मन्त्रालयले ५२ हजार महिला स्वास्थ्य स्वयंसेविका र १५ हजार स्वास्थ्यकर्मीलाई खोप केन्द्रहरूमा परिचालन गरेको जनाएको छ ।करिब २० लाख बालबालिकालाई भिटामिन ए र जुकाको औषधि (अलबेन्डाजोल) खुवाइने भएको हो । अभियानअन्तर्गत ५२ हजार महिला स्वास्थ्य स्वयंसेविका र १५ हजार स्वास्थ्यकर्मीहरू देशभरका विभिन्न खोप केन्द्रहरूमा परिचालन भएका छन् ।सरकारले प्रत्येक वर्ष कात्तिक र बैशाख महिनामा भिटामिन ए र जुकाको औषधी निःशुल्क खुवाउने गर्दछ ।
विराटचोकः मोरङको सुन्दरहरैंचाकी क्यान्सरपीडित उमा खड्कालाई एनआरएनए बहराइनको पहलमा आर्थिक सहयोग गरिएको छ । क्यान्सर पीडित खड्का विगतमा बहराइनमा बसोबास गर्दै आउनुभएको थियो ।आज सुन्दरहरैँचा नगरपालिका–१२ स्थित उहाँकै निवासमा आयोजित एक कार्यक्रमबीच १ लाख १ हजार ४६० रुपैयाँ सहयोग हस्तान्तरण गरिएको हो ।एनआरएनए बहराइनकी महिला संयोजक सरु लामा गुरुङले सुन्दरहरैंचा नगरपालिकाका प्रवक्ता तथा वडा नं. १२ का वडाअध्यक्ष रोशनप्रसाद ढकाल, सञ्चारकर्मी, स्थानीय तथा आफन्तको उपस्थितिमा सहयोग प्रदान गरिएको थियो ।
इटहरी । नेपालको मौलिक अभ्यासलाई कूटनीतिको सौम्यशक्तिका रूपमा अगाडि बढाउँदै नेपालले अघि सारेको ‘अन्तर्राष्ट्रिय आरोग्यता दिवस’ अर्थात् ‘इन्टरनेसनल वेलनेस डे’ को सङ्कल्प प्रस्तावलाई संयुक्त राष्ट्र सङ्घको महासभाले पारित गरेसँगै आज विश्वभर विश्व आरोग्य दिवस मनाइँदैछ । अब हरेक वर्ष अप्रिल १५ मा उक्त दिवस विश्वभर मनाइने भएको छ ।नेपालको वैश्विक प्रयास निर्णय भएर विश्वव्यापी रूपमा आरोग्यता दिवस मनाउने घोषणा संयुक्त राष्ट्र सङ्घले गर्नु नेपाल र यस क्षेत्रकै लागि गौरवको विषय मानिएको छ ।हालै संयुक्त राष्ट्र संघको महासभाले नेपालको प्रस्तावलाई भारी मतका साथ पारित गरेको थियो । निवर्तमान परराष्ट्
इटहरी । आज विश्व अटिजम सचेतना दिवस हो । अटिजम मस्तिष्क विकाससँग सम्बन्धित अवस्था हो ।विशेषज्ञहरूका अनुसार अटिजम भनेको व्यक्तिको यस्तो अवस्था हो जसमा उसले सामान्य मानिसभन्दा पृथक रूपमा व्यवहार गर्दछ । बोल्ने र सोच्ने शैली फरक हुन्छ ।अटिजम भएकाहरूको गरिमा, अधिकार र समाजमा समान सहभागिता सुनिश्चित गर्नुपर्नेमा जोड दिँदै संयुक्त राष्ट्रसंघको आह्वानमा सन् २००७ देखि यो दिवस मनाउन प्रारम्भ भएको हो ।राष्ट्रसंघले अटिजम भएका हरेक व्यक्तिको योगदान र अधिकारलाई सम्मान गर्ने सन्देश प्रवाहका निम्ति यस वर्ष यो दिवस मनाउन सदस्य राष्ट्रहरूसँग अनुरोध गरेको छ ।
विराटनगरः नवनियुक्त प्रधानमन्त्री बालेन्द्र शाहको नेतृत्वमा शुक्रबार गठन भएको १५ सदस्यीय मन्त्रिपरिषदमा राष्ट्रिय स्वतन्त्र पार्टी (रास्वपा)की समानुपातिक सांसद निशा मेहताले स्वास्थ्य तथा जनसङ्ख्या एवं खानेपानी मन्त्रालयको जिम्मेवारी पाएकी छिन् ।पेशाले नर्स रहेकी ३८ वर्षीया मेहता सुनसरीको इनरुवाकी हुन् । उनले भारतको ग्वालियरबाट नर्सिङमा स्नातकोत्तर गरेकी छिन् । राजनीतिमा प्रवेश गर्नुअघि उनी विराटनगरस्थित विराट मेडिकल कलेज टिचिङ हस्पिटलमा उपप्राध्यापकका रूपमा कार्यरत थिइन् । निर्वाचन आयोगबाट सांसदको प्रमाणपत्र प्राप्त गरेपछि मात्र उनले आफ्नो नर्सिङ पेशाबाट राजीनामा दिएकी हुन् ।आफ्नै संस्थाक
विराटनगरः न्युरो हस्पिटलले विश्व छारे रोग दिवसको अवसरमा सचेतनामूलक र्याली निकालेको छ । आज बिहान निकालिएको र्यालीले नगरका विभिन्न भागको परिक्रमा गरेको थियो । न्युरो हस्पिटलबाट शुरु भएको र्यालीले विराटनगर महानगरपालिकाका विभिन्न टोल तथा सडकको परिक्रमा गरेको थियो ।चिकित्सक, स्वास्थ्यकर्मी, अस्पतालका कर्मचारी तथा विद्यार्थीहरूको उल्लेखनीय सहभागिता रहेको र्यालीका सहभागीहरूले ‘छारे रोगबारे घर–घर र टोल–टोलमा कुरा गरौं’, ‘छारे रोग सरुवा रोग होइन’, र ‘समयमै उपचार गरे छारे रोग निको हुन्छ’ जस्ता नारा लेखिएका प्लेकार्डहरू बोकेका थिए ।न्युरो हस्पिटलले विगत २२ वर्षदेखि गुणस्तरीय स्वास्थ्य सेवा प्रवाह गर
आशिका आचार्यगोठगाउँः विश्व क्षयरोग दिवसको अवसर पारेर मोरङको सुन्दरहरैँचा–७, गोठगाउँमा नेपाल हेल्थ कोप्र्सले ‘वाक द टल्क’ नामक जनचेतनामूलक कार्यक्रम आयोजना गरेको छ ।मङ्गलबार पूर्वाञ्चल विश्वविद्यालय परिसरमा सम्पन्न भएको कार्यक्रममा नेपाल हेल्थ कोप्र्स, विद्यार्थी कल्याण परिषद् र सार्वजनिक स्वास्थ्य विद्यार्थी समाजको संयुक्त आयोजना रहेको थियो । कार्यक्रममा क्षयरोगसम्बन्धी सर्वसाधारणलाई जानकारी गराउनुका साथै यसको रोकथामका उपाय, समयमै परीक्षण र उपचारको महत्वबारे सहजीकरण गरिएको थियो ।कार्यक्रममा क्षयरोगको इतिहासबारे जानकारी दिँदै यसलाई अत्यन्त पुरानो रोगका रूपमा चिनाइएको थियो ।सुन्दरहरैंचा नगर
इटहरी । आज विश्वभर विश्व मुख स्वास्थ्य दिवस मनाइँदैछ । हरेक वर्ष मार्च २० का दिन विभिन्न कार्यक्रमहरू आयोजना गरी यो दिवस मनाइन्छ ।स्वास्थ्यकर्मीका अनुसार मुखसम्बन्धी रोगको उपचारमा सुधार भएता पनि दाँत किराले खाने रोग, गिजासम्बन्धी रोग, मुख र ओठको अर्बुद्ध रोग (क्यान्सर) विकसित र अल्पविकसित देशहरूमा जनस्वास्थ्य समस्याको रूपमा रहेको छ ।विश्व स्वास्थ्य सङ्गठनको अध्ययन (सन् २०१९) अनुसार नेपालमा १ देखि ९ वर्ष उमेर समूहका करिब ५१ दशमलव २ प्रतिशत बालबालिकाहरू दाँत कीराले खाने रोग र १५ वर्षभन्दा माथिको उमेर समूहका करिब १४ दशमलव ८ प्रतिशत जटिल प्रकृतिका गिजा रोगबाट प्रभावित रहेको पाइएको छ ।अध
