मोरङ - भन्सार छलीको कार, ठूलो मात्रामा नगद र विभिन्न सामानसहित तीन जना पक्राउ परेका छन्। पक्राउ पर्नेमा चिनियाँ नागरिक २४ वर्षीय सुइजुम्लुङ, अर्घाखाँचीका ४३ वर्षीय चिरञ्जीवी पौडेल, र धनुषाका ३० वर्षीय बिक्की रन्जन जैसवाल रहेका छन्।
जिल्ला प्रहरी परिसर काठमाडौंको टोलीले उनीहरूलाई कीर्तिपुर नगरपालिका–१० बाट पक्राउ गरेको हो। परिसरका एसपी नवराज अधिकारीका अनुसार पक्राउ परेकाहरूको साथबाट भन्सार छली गरिएको किया कम्पनीको बा २४ च ३२९३ नम्बरको कार, १४ लाख ६० हजार नगद, डेल कम्पनीका ५ थान ल्यापटप, सामसुङ कम्पनीका ७ थान ए१६ मोबाइल, २३ थान घडी, र २ वटा आइफोन बरामद गरिएको छ।
प्रहरीका अनुसार यी सामग्रीहरू नेपालमा भन्सार प्रक्रियाबिना अवैध रूपमा भित्र्याइएका थिए। पक्राउ परेकाहरूको थप अनुसन्धान भइरहेको प्रहरीले जनाएको छ।
यस प्रकरणले भन्सार छली र अवैध कारोबारविरुद्ध प्रहरीले कडा निगरानी गरिरहेको पुष्टि गरेको छ।
