विराटचोकः गत असार १५ गते पहिलो पटक आयोजित सुन्दरहरैंचा रन हरेक महिनाको १५ गते गर्ने कार्यतालिका थियो । तर साउन र भदौ १५ गते हुन नसकेको सो दौड आज असोज १५ गते भएको छ ।
सुनसरी र सिरहामा साउन १० गते भएको हिंसात्मक घटनापछि प्रशासनले भेला हुन निषेध गरेपछि साउन १५ गते हुने कार्यक्रम स्थगित भएको थियो ।
भदौ १० गते भोटेकोशी नदीमा आएको बाढीका कारण रसुवा, नुवाकोट, धादिङ जिल्लामा धेरै धनजनको क्षति भएसँगै भदौ १५ गतेको कार्यक्रम स्थगित गरिएको थियो ।
आज असोज १५ गते विराटचोकमा भेला भएका उद्योगी, व्यवसायी तथा नगरवासीले खोर्साने, बाघझोडा, त्रिवेणीचोक हुँदै औद्योगिक प्रदर्शनीस्थलसम्म हिँडेर सुन्दरहरैंचा रनको दौड पूरा गरेका थिए ।
औद्योगिक प्रदर्शनी स्थलको सरसफाइमा पनि दौडमा सहभागीहरु भएका थिए ।
औद्योगिक स्थलमा असोज २५ गतेदेखि कार्तिक १० गतेसम्म सुन्दरहरैँचा फुड फेस्टिभल आयोजना हुने भएको छ ।
_1790433439.jpg "सीप मेला")
