काठमाडौं । दाङको तुलसीपुरमा यात्रुबाहक बस दुर्घटना हुँदा १८ यात्रु घाइते भएका छन्। घोराहीबाट तुलसीपुरतर्फ जाँदै गरेको ना ४ ख ५१३१ नम्बरको बस अपराह्न ४ बजेतिर तुलसीपुर ६ हात्तीखौवामा दुर्घटना पर्दा ११ जना मध्यम घाइते र ७ जना सामान्य घाइते भएका छन्। घाइते हुनेमा तुलसीपुर उपमहानगरपालिका–१८ की २६ वर्षीया हुमकुमारी बुढामगर, तुलसीपुर–१२ की ५२ वर्षीया दिला केसी, तुलसीपुर–१९ की २८ वर्षीया धना घर्ती, सोही स्थानकी ६९ वर्षीया ओडेना घर्ती, तुलसीपुर–१४ की प्रतिज्ञा बस्नेत, तुलसीपुर ११ की २८ वर्षीया कल्पना केसी, महोतरीका दिवेसकुमार यादव, बर्दिया बाँसगडी निवासी, २३ वर्षीय सुनील थारू, तुलसीपुर १७ का २५ व
धनगढी । कञ्चनपुरमा चट्याङ लागेर एक दम्पतीको मृत्यु भएको छ।आइतबार साँझ ५ बजे कृष्णपुर नगरपालिका–७ का दीपक राना र उनकी श्रीमती मन्तोरा रानाको मृत्यु भएको प्रहरीले जनाएको छ। उनीहरू माछा मारेर फर्किँदै थिए। सोहीक्रममा एक्कासी पानी परेपछि मोटरसाइकल रोकेर रूखको ओत लागेका थिए। रूखमा परेको चट्याङ उनीहरूलाई लाग्दा मृत्यु भएको प्रहरीले जनाएको छ।
काठमाडौं । आज आइतबार सुनचाँदीको मूल्य बढेको छ । नेपाल सुनचाँदी व्यवसायी महासंघले आजको कारोबार मूल्य तोक्दै सुन र चाँदीकै मूल्य बढेको जनाएको हो । जसअनुसार आज छापावाल सुनको मूल्य तोलामा ९३ हजार ६०० र तेजाबी सुनको मूल्य तोलामा ९३ हजार १०० रुपैयाँ रहेको छ । गत साताको शुक्रबार छापावाल सुनको मूल्य प्रतितोला ९३ हजार र तेजाबी सुनको मूल्य तोलामा ९२ हजार ५०० रुपैयाँ थियो । पछिल्लो समय निरन्तर घट्न लागेको सुनचाँदीको मूल्य आज भने बढेको हो । भदौ महिनाको पहिलो साता तोलामा ९६ हजार २०० रुपैयाँ रहेको सुनको मूल्य त्यसयता निरन्तर घटिरहेको छ । त्यसयता आजसम्ममा सुनको मूल्य प्रतितोला २ हजार ६०० रुपैयाँ घट
काठमाडौं । नेकपा एमालेका उपाध्यक्ष रामबहादुर थापा बादललाई मातृशोक परेको छ। बादलकी आमा नन्द कुमारी थापाको आइतबार चितवन क्षेत्रपुरस्थित निवासमा निधन भएको हो। माओवादी अध्यक्ष पुष्पकमल दाहाल प्रचण्डले थापाको निधनको खबरले आफूलाई दुखित बनाएको उल्लेख गर्दै श्रद्धाञ्जलि अर्पण गरेका छन्। पूर्व माओवादी नेता बादल नेकपा विभाजनसँगै माओवादी छाडेर एमालेमा बसेका थिए।
जनकपुरधाम । उम्मेदवार सिफारिसको विषयमा विवाद हुँदा धनुषा क्षेत्र नम्बर २ का कांग्रेस कार्यकर्ताबीच झडप भएको छ । शेरबहादुर देउवा र रामचन्द्र पौडेल पक्षबीच झडप भएपछि उम्मेदवार सिफारिस रोकिएको छ ।उम्मेदवार सिफारिसबारे छलफल गर्न शनिबार नेपाली कांग्रेस क्षेत्रीय समितिको बैठक बसेको थियो । पौडेल पक्षका नेता रामकृष्ण यादवले देउवा पक्षका मुक्ता यादवको नाम प्रत्यक्षतर्फ सिफारिस गर्न नचाहेको भन्ने विषयमा विवाद भएको थियो । विवाद बढ्दै गएपछि दुबै पक्षका कार्यकर्ताहरुबीच झडप भएको धनुषा कांग्रेसका एक नेताले बताए । सामाजिक सन्जालमा सेयर गरिएको झडपको एक भिडियोमा कार्यकर्ताहरुले एकअर्कामाथि लाठी, छात
काठमाडौँ । पोखराबाट मुस्ताङका लागि उडेको समिट एयरको जहाजमा प्राविधिक समस्या देखिएपछि आपतकालीन अवतरण गरिएको छ ।आज बिहान ७ बजेर ५९ मिनेटमा मुस्ताङका लागि उडेको जहाजको इन्जिनमा प्राविधिक समस्या देखिएपछि केही मिनेटमै पुनः पोखरा विमानस्थलमै अवतरण गरिएको हो। जहाजमा १८ यात्रु थिए भने चालक दलका चार जना थिए। सबैको सकुशल अवतरण भएको जनाइएको छ ।
काठमाडौं । परीक्षाको उत्तरपुस्तिकामा नाम, रोलनम्बर र सम्पर्क नम्बर राखेर परीक्षकलाई प्रभावित पार्न खोज्ने २१ जना परीक्षार्थीलाई कर्णाली प्रदेश लोक सेवा आयोगले कारबाही गरेको छ । शनीबार एक विज्ञप्ति निकाल्दै आयोगले गत जेठ २१ गते लिएको परीक्षाको उत्तर पुस्तिकामा परीक्षार्थीले आफ्नो मोबाइल नम्बर, भित्रि पृष्टमा नाम रोल नम्बर लेखेको आयोगले जनाएको छ । आयोगको लिखित परीक्षा नतिजा शाखाले विज्ञापन नम्वर ५०३९५०६/०७८९७९ इन्जिनियरिङ सेवा, सिभिल समूह, एकीकृत उपसमूह सहायकस्तर पाँचौं तह र सवइन्जिनियर पदको लागि ०७९ जेठ २१ गते परीक्षा सञ्चालन गरेको थियो । सो परीक्षामा रोल नम्बर ३३९० सोरु ग
विराटनगर । मोरङको उर्लाबारीमा रहेको सुधार केन्द्रबाट एकैपटक १३ जना दुर्व्यसनी फरार भएका छन्। उर्लाबारी नगरपालिका–७ स्थित जीवन बचाउ उपचार सेवा गृहबाट शनिबार साँझ लागूऔषधका दुर्व्यसनी भागेका हुन्। सुधार केन्द्रमा रहेका ३२ मध्ये १३ जना साँझ ६ः४५ बजेतिर भागेको केन्द्रका इन्चार्ज रवीन्द्रप्रसाद दाहालले जानकारी दिए। तीन जना सुरक्षागार्डलाई धम्क्याउँदै एकैपटक ठूलो सङ्ख्यामा दुर्व्यसनी फरार भएका दाहालले बताए। उनका अनुसार केन्द्रको ताला फोडेर उनीहरू फरार बनेको हुन्। भागेकाहरू सबै जना परिवारको सम्पर्कमा पुगेको र मोटरसाइकल, स्कुटर लगायतका सवारीसाधन लिएर घरबाट पनि फरार भएको पाइएको दाहालको भ
काठमाडौं । मौसम पूर्वानुमान महाशाखाले आज प्रदेश १ का एक-दुई स्थानमा भीषण वर्षा हुनसक्ने जनाएको छ। हाल मनसुनको न्यून चापीय रेखा सरदर स्थानभन्दा केही उत्तरतर्फ अवस्थित छ। यतिबेला प्रदेश १, मधेश, बागमती र लुम्बिनी प्रदेशमा सामान्य बदली रहेको छ। बाँकी प्रदेशहरूमा आंशिकदेखि सामान्य बदली रहेको छ। बागमती प्रदेशका थोरै स्थानहरूमा र अन्य प्रदेशका एक-दुई स्थानमा हल्कादेखि मध्यम वर्षा भइरहेको छ।आज दिउँसो प्रदेश नं १, मधेश, बागमती र सुदूरपश्चिम प्रदेशका केही स्थानहरूमा तथा बाँकी प्रदेशहरूका थोरै स्थानहरूमा चट्याङसहित हल्कादेखि मध्यम वर्षाको सम्भावना रहेको छ। आजै दिउँसो प्रदेश नं १ का एक(दुई स्थानहरूम
काठमाडौं । नेपालले केन्या विरुद्धको ३ खेलको एकदिवसीय श्रृखंलाको उपाधि एक खेल अगावै जितेको छ । घरेलु टोली केन्यालाई दोस्रो एकदिवसिय खेलमा १६ रनले पराजित गरेसँगै नेपालले श्रीखंलाको उपाधि २(० ले जितेको हो ।नैरोवीस्थित जिमखाना क्रिकेट मैदानमा केन्याको अन्तिम विकेट बाँकि छँदा पाहुना टोली नेपालले रोमाञ्चक जित निकाल्यो । टस जितेर पहिले ब्याटिङ गरेको नेपालले ४९ दशमलव २ ओभरमा अलआउट हुँदै २ सय ३० रनको योगफल तयार गरेको थियो ।नेपालका लागि कप्तान रोहित पौडेलले ७८ रनको अर्धशतकीय पारी खेले । यसैगरी देव खनालले ३७ रन जोड्दा सोमपाल कामीले २६ रन बनाए । २ सय ३१ रनको लक्ष्य पछ्याएको केन्या ४६ दशमलव ३ ओभरमा २ सय १३
