इटहरी । आज सुन र चाँदी दुवैको मूल्य बढेको छ । आज सुन प्रतितोला १ हजार ९ सय रुपैयाँले बढेको छ भने चाँदी प्रतितोला १ सय ४० रुपैयाँले बढेको छ ।नेपाल सुनचाँदी व्यवसायी महासंघका अनुसार आज सुन प्रतितोला २ लाख ९२ हजार ८ सय रुपैयाँमा कारोबार भइरहेको छ ।चाँदी प्रतितोला ५ हजार १ सय ५० रुपैयाँमा किनबेच भइरहेको महासंघले जनाएको छ ।
इटहरी । आज बजार खुलेदेखि नै निरन्तर सूचक उकालो लागेको छ । बजार खुलेको दुई घण्टामा १.०२ प्रतिशत अर्थात् २८.३७ अंक बढेर नेप्से सूचकले २७८७ बिन्दु छुने प्रयास गरेको छ ।बढेको बजारमा झण्डै ३ अर्ब रुपैयाँ अर्थात् २ अर्ब ९५ करोड रुपैयाँको शेयर किनबेच भएको छ । आँखुखोला जलविद्युत कम्पनीको सर्वाधिक ३६ करोड ६७ लाख रुपैयाँको शेयर किनबेच भएको छ ।सुपर खुदी हाइड्रोपावरको सर्वाधिक ७ प्रतिशत शेयरमूल्य बढेको छ । बुङ्गल हाइड्रोपावरको सर्वाधिक अर्थात् साढे ६ प्रतिशतभन्दा बढी मूल्य घटेको छ ।
इटहरी । मौसम पूर्वानुमान महाशाखाका अनुसार हाल नेपालमा पश्चिमी वायु र स्थानीय वायु तथा नेपालको पूर्वी भू–भागनजिक रहेको न्यूनचापीय क्षेत्रको प्रभाव रहेको छ ।सो प्रभावका कारण कोशी प्रदेशलगायत बागमती र गण्डकी प्रदेशका हिमाली र पहाडी भू–भाग साथै कर्णाली र सुदूरपश्चिम प्रदेशका हिमाली भू–भागमा साधारणतया बादल लागेको छ ।मधेस प्रदेशलगायत लुम्बिनी प्रदेशको पहाडी र हिमाली भू–भागमा आंशिक बादल तथा बाँकी तराई भू–भागमा मुख्यतया सफा रहेको महाशाखाले जनाएको छ । कोशी र गण्डकी प्रदेशका थोरै स्थानहरूमा मेघगर्जन तथा चट्याङसहित मध्यमसम्मको वर्षा साथै बागमती प्रदेशका एक–दुई स्थानमा हल्का वर्षा भइरहेको महाशा
विराटचोकः यही जेठ १६ गतेदेखि चौथो सुन्दरहरैंचा मेयर गोल्डकप २०८२ हुने भएको छ ।सुन्दरहरैंचा नगर खेलकुद विकास समितिको आयोजनामा सञ्चालन हुने प्रतियोगिता सुन्दरहरैंचा–१२ स्थित शुक्रबारे खेल मैदानमा आयोजना हुने भएको छ । प्रतियोगितामा धरान उपमहानगरपालिका, इटहरी उपमहानगरपालिका, बेलका नगरपालिका, लेटाङ नगरपालिका, केराबारी गाउँपालिका, शिवसताक्षी नगरपालिका, पथरीशनिश्चरे नगरपालिका तथा आयोजक सुन्दरहरैंचा नगरपालिका सहभागी हुने भएका छन् ।प्रतियोगिताको उद्घाटन खेल जेठ १६ गते दिउँसो ३ बजे धरान उपमहानगरपालिका र पथरीशनिश्चरे नगरपालिकाबीच हुने भएको छ ।आयोजक सुन्दरहरैंचा नगरपालिका र बेलका नगरपालिकाबीच जेठ १७ गते प
काठमाडौंः राष्ट्रिय खेलकुद परिषद्का सदस्य–सचिव रामचरित्र मेहता, प्रमुख सल्लाहकार सिद्धि व्यञ्जनकार र सल्लाहकार राजु सिंहले एभीएम टिम टेबलटेनिस प्रतियोगिताका पदक विजेतालाई एक कार्यक्रमबीच पुरस्कृत गर्नुभएको छ ।एभीएम टेबलटेनिस क्लबको आयोजनामा भएको प्रतियोगितामा आयोजक क्लबका सदस्यबीच प्रतिस्पर्धा भएको थियो ।सोही अवसरमा अखिल नेपाल टेबलटेनिस संघको आयोजनामा यही जेठ १४ गतेदेखि शुरु हुने ४२ औँ राष्ट्रिय टेबलटेनिस प्रतियोगितामा सहभागी हुने एभीएम क्लबका खेलाडीलाई सफलताको शुभकामनासहित बिदाइ पनि गरिएको थियो ।
इटहरी । मारवाडी समुदायबाट नेपालकी प्रीति अग्रवाल रटेरियाले विश्वको सर्वोच्च शिखर सगरमाथामा पाइला टेक्दै नयाँ इतिहास बनाउनुभएको छ ।सन् २०२६ मे २१ को बिहान प्रीतिले अनुभवी आरोहण सहयोगी पासाङ शेर्पा र निमा थिन्दुक शेर्पाको साथमा सगरमाथाको सफल आरोहण गर्नुभएको हो ।सन् २०२४ मा लोबुचे हिमालबाट आरोहण यात्रा शुरु गर्नुभएकी उहाँले त्यसपछि अफ्रिकाको सर्वोच्च शिखर किलिमन्जारो, नेपालको मेरा पिक र विश्वको आठौँ अग्लो हिमाल मनास्लु सफलतापूर्वक आरोहण गर्नुभएको थियो ।
गछियाः मोरङको सुन्दरहरैँचा नगरपालिका वडा नम्बर ६ मा रहेको श्री गछिया आधारभूत विद्यालयको नयाँ विद्यालय व्यवस्थापन समिति गठन गरिएको छ ।हालै भएको अभिभावक भेलाले होमबहादुर प्रधानको अध्यक्षतामा नयाँ कार्यसमिति सर्वसम्मत रूपमा चयन गरेको हो । नवगठित समितिको सदस्यहरूमा दिपेशजङ्ग डाँगी, अन्जु भुजेल र दिलमाया तामाङ चयन हुनुभएको छ ।नवनिर्वाचित कार्यसमितिलाई विद्यालयका शिक्षक, कर्मचारी तथा उपस्थित अभिभावकहरूले बधाई ज्ञापन गर्दै सफल कार्यकालको शुभकामना व्यक्त गरेका थिए ।
विराटनगरः जिल्ला प्रहरी कार्यालय मोरङको अगुवाइमा आजदेखि जिल्लाभर लागूऔषधविरुद्धको ‘महाअभियान’ शुरु भएको छ । विराटनगरको महेन्द्र चोकबाट जनचेतनामूलक प्रभातफेरी निकालेर महाअभियान शुरु गरिएको हो ।सो प्रभातफेरी बजार क्षेत्रको परिक्रमा गरी शहीद रंगशाला पुगेर सभामा परिणत भएको थियो । लागुऔषध नियन्त्रणलाई प्रहरीको कारबाहीमा मात्र सीमित नराखी व्यापक सामाजिक आन्दोलन बनाउने उद्देश्यले मोरङमा पहिलोपटक यस्तो बृहत् अभियान थालिएको बताइएको छ ।कोशी प्रदेशका मुख्यमन्त्री हिक्मतकुमार कार्कीले अभियानको शुभारम्भ गर्नुभएको थियो । महाअभियानअन्तर्गत सरोकारवाला निकायहरूले नौ बुँदे साझा प्रतिबद्धतापत्रमा हस्ताक्षर गरेका
विराटचोकः युवालाई आत्मनिर्भर तथा उद्यमशील बनाउने उद्देश्यसहित सुन्दरहरैंचा उद्योग वाणिज्य संघले सुन्दरहरैंचाका युवाका लागि निःशुल्क “युवा उद्यमशीलता विकास तालिम कार्यक्रम” सञ्चालन गर्ने भएको छ ।हालसम्म कुनै पनि व्यवसाय नगरेका तर व्यावसायिक सोच भएका युवालाई लक्षित गरेर तालिम दिन लागेको संघका अध्यक्ष नारायण कार्कीले बताउनुभयो । सीप सिकेर स्वरोजगार बन्न चाहने युवाका लागि ३० दिनसम्म तालिम दिइने आयोजकले जनाएको छ । आयोजकका अनुसार तालिम सुन्दरहरैंचा उद्योग वाणिज्य संघको सचिवालयमा दैनिक २ घण्टा सञ्चालन हुनेछ ।सो तालिममा १८ देखि ४० वर्ष उमेर समूहका व्यवसाय गर्न इच्छुक ५० जना युवालाई सहभागी गराइने संघले
