इटहरी । आज दुई घण्टाको अवधिमा १ अर्ब ६३ करोड ८ लाख रुपैयाँको शेयर किनबेच भएको छ । सबैभन्दा धेरै हिमाल दोलखा हाइड्रोपावरको रुपैयाँको शेयर किनबेच भएको छ । उच्च कारोबार गर्ने १० कम्पनीमध्ये ८ वटा जलविद्युत समूहका कम्पनी छन् । उच्च कारोबार गर्नेमा हिमाल दोलखा हाइड्रोपावर, घलेम्दी हाइड्रोपावर, हिमालयन पावर पार्टनर, पिपुल्स हाइड्रोपावर, ग्रीनलाइफ हाइड्रोपावर, बलेफी हाइड्रोपावर, लक्ष्मी सनराइज बैंक, कुमारी बैंक, नेशनल हाइड्रोपावर र लिबर्टी इनर्जी रहेका छन् । कुथेली बुखरी स्मल हाइड्रोपावरको शेयरमूल्य सर्वाधिक अर्थात् ११.३२ प्रतिशत बढेको छ । बजार साढे ३ अंक हाराहारी घटेर २५६९ को आस
काठमाडौंः नेपाली कांग्रेसको १५ औँ महाधिवेशनअन्तर्गत नयाँ केन्द्रीय नेतृत्व चयनका लागि आज बिहान १० बजे हुने भनिएको मतदान १ बजे शुरु हुने भएको छ । बिहान ७ बजेदेखि हुने मतदान १० बजे सरेकोमा पुनः १ बजेका लागि सारिएको हो । महाधिवेशनमा सहभागी ७ हजार २५५ जना महाधिवेशन प्रतिनिधिले नयाँ केन्द्रीय कार्यसमिति चयनका लागि मतदान गर्नेछन् ।
विराटनगरः आजदेखि विराटनगरमा ‘विराट ट्रेड फेयर’ शुरु हुँदैछ । विराटनगरस्थित जैन भवन परिसरमा आयोजना हुन लागेको ९ दिने व्यापार मेलाको कोशी प्रदेशका मुख्यमन्त्री हिक्मतकुमार कार्कीले आज दिउँसो साढे २ बजे औपचारिक उद्घाटन गर्ने कार्यक्रम छ ।संघले १५ वर्षपछि दोस्रोपटक आयोजना गरेको यो बृहत् मेलामा ११० भन्दा बढी स्टलहरू रहेका छन् । असोज ३० गतेसम्म चल्ने मेला अवधिभर परिसरभित्र साढे १६ करोड रुपैयाँको प्रत्यक्ष कारोबार हुने र चाडपर्वको किनमेल विराटनगरमै रोकिँदा समग्र बजारमा करिब १ अर्ब रुपैयाँ बराबरको आर्थिक गतिविधि चलायमान हुने आयोजकको अनुमान छ ।सो मेलामा स्वदेशी तथा स्थानीय उत्पादनका साथै अटोमोबाइल, प्र
विराटनगरः आज कोशी प्रदेश सभाको बैठक बस्ने भएको छ ।कोशी प्रदेश सभा सचिवालयका अनुसार कोशी प्रदेश सभाको नवौँ अधिवेशनको ३२ औँ बैठक आज दिउँसो १ बजे बस्ने छ ।गत २२ भदौमा अर्को सूचना नभएसम्मका लागि कोशी प्रदेश सभाको बैठक स्थगित भएको थियो ।
इटहरी । आज बिहान ५ बजेर २० मिनेटमा बलिउड अभिनेता नाना पाटेकरको ७५ वर्षको उमेरमा निधन भएको भारतीय सञ्चारमाध्यमहरूले जनाएका छन् ।उनलाई बचाउनका लागि ४५ मिनेटसम्म लगातार सीपीआर दिइए पनि सफल नभएको बताइएको छ । उनी हिन्दी र मराठी सिनेमाका चर्चित अभिनेतामध्ये एक थिए । उनको जन्म १ जनवरी १९५१ मा महाराष्ट्रको मुरुड–जञ्जिरामा भएको थियो ।अभिनयका साथै फिल्म निर्माण, निर्देशन तथा लेखनमा पनि उनी सक्रिय थिए ।सन् १९७८ मा आएको फिल्म ‘गमन’बाट हिन्दी सिनेमामा डेब्यु गरेका उनले शुरुवाती चरणमा मराठी र हिन्दी दुवै फिल्ममा काम गरेका थिए । सन् १९८८ मा मिरा नायरको ‘सलाम बम्बे !’ मा उनको कामले प्रशंसा पाएको थि
तरहराः इटहरीको किसान कल्याण बचत तथा ऋण सहकारी संस्था लिमिटेडको २५ औँ वार्षिक साधारण सभा अन्तर्गत एकाइ–२ सुन्दर सेवाकेन्द्रको सभा तरहरास्थित दुर्गा (रुद्राक्ष) पार्टी प्यालेसको सभाहलमा सम्पन्न भएको छ ।सभामा सेवाकेन्द्रअन्तर्गतका शेयर सदस्य तथा सम्बन्धित पदाधिकारीहरूको सहभागिता रहेको थियो । सभामा संस्थाको वार्षिक गतिविधि, आर्थिक अवस्था, सेवा तथा आगामी योजनाका विषयमा छलफल गरिएको थियो ।सो सहकारीको पूर्वीगैसार तथा खनार सेवाकेन्द्रको सभा आज इटहरीको आइतबारेस्थित दुर्गा पार्टी प्यालेसमा हुने भएको छ ।
गछियाः भारतको पश्चिम बंगालस्थित सिलिगुडीमा आयोजित अन्तर्राष्ट्रिय रोबोटिक्स प्रतियोगितामा मोरङको सुन्दरहरैंचा –३ गछियामा रहेकोे माउन्ट मकालु रेसिडेन्सियल स्कुलका विद्यार्थीहरूले नेपालको प्रतिनिधित्व गर्दै उत्साहजनक सहभागिता जनाएका छन् ।भारतको सिलिगुडीस्थित बिरला दिव्यज्योति स्कुलमा आयोजित प्रतियोगितामा माउन्ट मकालुका विद्यार्थीहरूले रोबोटिक्स, प्रविधि, सिर्जनशीलता तथा नवप्रवर्तनमा आधारित आफ्ना क्षमता प्रस्तुत गरेका हुन् ।अन्तर्राष्ट्रिय स्तरको प्रतियोगितामा सहभागी हुँदै नेपाली विद्यार्थीहरूले प्रविधि र नवप्रवर्तनको क्षेत्रमा आफ्नो प्रतिभा प्रदर्शन गरेका छन् । प्रतियोगितामा नेपालको प्रतिनिधित्व
इटहरी । इटहरी उपमहानगरपालिका वडा नं. ७ का भूमिहीन दलित, भूमिहीन सुकुम्बासी तथा अव्यवस्थित बसोबासीलाई निस्सा वितरण शुरु गरिएको छ ।वडा कार्यालयमार्फत सम्बन्धित लाभग्राहीलाई निस्सा वितरणको प्रक्रिया अघि बढाइएको हो ।वडा कार्यालयले आवश्यक प्रक्रिया पूरा गरी योग्य लाभग्राहीलाई निस्सा उपलब्ध गराउने जनाएको छ ।निस्सा प्राप्त भएपछि सम्बन्धित भूमिहीन तथा अव्यवस्थित बसोबासीको जग्गासम्बन्धी प्रक्रिया अघि बढाउन सहज हुने अपेक्षा गरिएको छ ।
काठमाडौंः नेपाली कांग्रेसको १५ औँ महाधिवेशन अन्तर्गत नयाँ केन्द्रीय कार्यसमिति चयनका लागि आज बिहान १० बजेदेखि मतदान हुने भएको छ । महाधिवेशनमा सहभागी ७ हजार २५५ प्रतिनिधिले कांग्रेसको आगामी नेतृत्व चयनका लागि मतदान गर्ने भएका छन् ।र बिहान ७ बजेदेखि मतदान गर्ने कार्यक्रम यसअघि सार्वजनिक गरिएको भए पनि वर्षा र केही प्राविधिक कारणले तीन घण्टा ढिलो मतदान शुरु हुने भएको हो । मतदानका लागि काठमाडौँका तीन स्थानमा सात मतदान केन्द्र तोकिएको छ । प्रतिनिधिहरूको सहजताका लागि प्रदेश र प्रतिनिधित्वको आधारमा छुट्टाछुट्टै मतदान केन्द्रको व्यवस्था गरिएको हो ।राष्ट्रिय सभागृह, खुलामञ्च र प्रज्ञा भवनमा मतदान केन्द्
बेलबारी । स्रष्टा ईरान राईको बालएकाङ्कीसङ्ग्रह ‘जिउँदा सपनाहरू’ सार्वजनिक गरिएको छ । स्रष्टा राईको सो कृति संयुक्त लेखनको १५ औँ तथा एकल लेखनको ११ औँ कृति हो ।कार्यक्रमका प्रमुख अतिथि बेलबारी नगरपालिकाका नगरप्रमुख दिलप्रसाद राई, वरिष्ठ साहित्यकार तथा पूर्व सांसद हर्कमान तामाङ, एकाङ्कीकार ईरान राई, नाट्य विषयमा विद्यावारिधि गरेका डा. गोपीकृष्ण खतिवडा, शिल्पी थिएटर काठमाडौँका निर्देशक घिमिरे युवराज, प्याब्सन मोरङका अध्यक्ष जगत बस्नेत, नाट्यकर्मी प्रयाग न्यौपाने, पथरी बहुमुखी क्याम्पसका निवर्तमान क्याम्पसप्रमुख चेतन जङ्गली, वडाध्यक्ष कृष्णबहादुर गुरुङ र बेलबारी साहित्य विकास समितिका अध्यक्ष रमेश न
