काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले जनताले चाहे जस्तो समाज निर्माण हुन बाँकी रहेको बताएका छन् ।राजनीतिक दलहरूमा आएको परिवर्तन र शक्तिमा आएको परिवर्तनले मानिसहरू बदलेको उनले बताए । तर जनताका इच्छा र आकांक्षा सम्बोधन गर्ने गरी काम हुन बाँकी रहेको उनको भनाइ छ ।नेपाली कांग्रेसको १५ औँ महाधिवेशनको उद्घाटन सभालाई सम्बोधन गर्दै उनले यस्तो बताएका हुन् । अहिले पनि देशमा समस्याहरू यथावत रहेको उनले बताए । ‘देश अँध्यारो सुरुङतर्फ प्रवेश गरेको छ । राजनीतिक तरलता झन बढेर गएको छ,’ उनले भने, ‘दलहरूसँग आग्रह छ । अहिले पनि देश ठीक ठाउँमा आएको छैन । लिक भन्दा बाहिर गएको छ ।
काठमाडौं । पूर्वप्रधानमन्त्री डा. बाबुराम भट्टराईले देश विकासका लागि एउटा छुट्टै योजना बनाएर राजनीतिक दलहरूले त्यसको कार्यान्वयनका लागि प्रतिस्पर्धा गर्नुपर्ने बताएका छन् । नेपाली कांग्रेसको १५ औं महाधिवेशनलाई सम्बोधन गर्ने क्रममा उनले यस्तो बताएका हुन् ।मलेसिया, कोरिया, सिंगापुर, चीनहरूले ग्लोबल साउथबाट ग्लोबल नर्थसम्म पुगे दृष्टान्त सुनाउँदै आगामी २० वर्षभित्र हामी पनि कसरी त्यहाँ पुग्ने भनेर योजना बनाउनुपर्ने उनको भनाइ थियो ।‘अब पाठ सिकौं । अब हामीले नयाँ पुस्तालाई विश्वास गर्नुपर्छ,’ भट्टराईले भनेका छन् ।देशमा राजनीतिक स्थिरताका लागि नयाँ पुस्तालाई विश्वास गर्नुपर्ने उनको भनाइ थियो ।
काठमाडौं । नागरिक उन्मुक्ति पार्टीका संस्थापक नेता रेशम चौधरीले नेपाली कांग्रेसका सभापति गगनकुमार थापाले देशको नेतृत्व गर्न सक्ने आफूलाई विश्वास रहेको बताएका छन् ।नेपाली कांग्रेसको १५ औँ महाधिवेशनको उद्घाटन समारोहमा शुभकामना दिँदै चौधरीले गणतन्त्र स्थापनाका लागि संघर्ष गरेका थापाले अब देश निर्माणमा पनि नेतृत्वदायी भूमिका खेल्ने विश्वास व्यक्त गरेका हुन् । ‘गगनले यो देशको नेतृत्व गर्न सक्छन्, मलाई विश्वास छ,’ उनले भने, ‘जसले गणतन्त्र ल्याउन जुन भूमिका खेल्यो, अब यो देश बनाउन पनि अवश्य भूमिका खेल्नेछ ।’चौधरीले संविधान निर्माणमा नेपाली कांग्रेसले महत्वपूर्ण भूमिका खेलेको उल्लेख गर्दै कांग्रे
काठमाडौंः हिजो शुरु भएको नेपाली कांग्रेसको १५ औँ महाधिवेशनलाई सम्बोधन गर्दै जनता समाजवादी पार्टी (जसपा) नेपालका नेता शरतसिंह भण्डारीले नेपाली जनतालाई कुनै पनि बहानामा ‘नियन्त्रित लोकतन्त्र’ स्वीकार्य नहुने बताएका छन् । मुलुक गम्भीर आर्थिक, सामाजिक तथा भू–राजनीतिक सङ्क्रमणबाट गुज्रिरहेको बताउँदै उनले वर्तमान चुनौतीहरू पार लगाउन प्रमुख राजनीतिक दलहरूबीच सहकार्य र राष्ट्रिय एकता अपरिहार्य रहेको औंल्याए ।‘वर्तमान संविधानलाई आवश्यकता र समयअनुसार संशोधन तथा परिमार्जन गर्दै संघीय लोकतान्त्रिक गणतन्त्रात्मक शासन प्रणालीलाई अझ बलियो र प्रभावकारी बनाउँदै मुलुकलाई पूर्ण समावेशिताको बाटोमा अघि
काठमाडौं । नेपाली कांग्रेसको १५औँ महाधिवेशनलाई विभिन्न देशका राजनीतिक दल तथा नेताहरूले शुभकामना दिएका छन् ।कांग्रेसको महाधिवेशनलाई भारतको सत्तारूढ भारतीय जनता पार्टी (भाजपा)का अध्यक्ष नितिन नवीन र प्रमुख प्रतिपक्षी दल इन्डियन नेसनल कांग्रेसका अध्यक्ष मल्लिकार्जुन खर्गेले शुभकामना दिएका छन् ।चिनियाँ कम्युनिस्ट पार्टी, सोसलिस्ट इन्टरनेसनलका अध्यक्ष तथा स्पेनका प्रधानमन्त्री पेड्रो सान्चेजले पनि महाधिवेशन सफलताको शुभकामना दिएका छन् ।एशिया तथा युरोपका विभिन्न राजनीतिक दल र संस्थाबाट पनि कांग्रेसलाई शुभकामना प्राप्त भएको छ । इन्टरनेसनल काउन्सिल अफ एसियन पोलिटिकल पार्टीज (आईक्याप) स्ट्यान्डिङ कमिटी,
काठमाडौंः पार्टीको १५ औँ महाधिवेशनलाई सम्बोधन गर्दै नेपाली कांग्रेसका महामन्त्री गुरूराज घिमिरेले राजनीति र लोकतन्त्रको सार्थकता जनताको जीवनस्तर सुधार र राष्ट्रको प्रतिष्ठासँग जोडिएको बताएका छन् ।घिमिरेले लोकतन्त्रका नाममा प्राप्त अवसरभन्दा जनताका समस्या समाधान मुख्य भएको जिकिर गरे । लामो समयसम्म विभिन्न राजनीतिक दलहरूले देशको नेतृत्व गरे पनि जनतामा रहेको निराशा चिर्न नसकेको उनको भनाइ थियो । पार्टी संस्थापक बिपी कोइरालाको सपनालाई स्मरण गर्दै देशलाई समुन्नत र नेपाली जनतालाई सुखी बनाउनु नै पार्टीको मुख्य अभीष्ट हुनुपर्ने घिमिरेको भनाइ थियो । महामन्त्री घिमिरेले देशका प्रमुख राजनीतिक द
काठमाडौंः नेपाली कांग्रेसको १५ औँ महाधिवेशनलाई सम्बोधन गर्दै श्रम संस्कृति पार्टीका महासचिव आरेन राईले नेपाली कांग्रेस हल्लाका भरमा नभई लामो संघर्ष र त्यागबाट स्थापित भएको पार्टी भएको बताएका छन् ।राईले नेपालमा लोकतन्त्र र प्रजातन्त्र स्थापनाका लागि कांग्रेसले महत्वपूर्ण भूमिका खेलेको बताउँदै कांग्रेस वास्तवमा हल्लाद्वारा स्थापित भएको पार्टी नभएको बताए । कांग्रेसको इतिहासमा धेरै नेता तथा कार्यकर्ताले व्यक्तिगत सपना त्यागेर राष्ट्र निर्माणका लागि योगदान गरेको उनले जनाए ।
काठमाडौंः आजदेखि काठमाडौंमा शुरु १५ औँ महाधिवेशनलाई सम्बोधन गर्दै नेपाली कांग्रेसकी उपसभापति पुष्पा भुसालले कांग्रेसको १५ औं महाधिवेशन पार्टीको वर्तमान र भविष्यबारे गम्भीर छलफल र संवाद गर्ने थलो भएको बताएकी छन् ।‘२००४ सालदेखि लोकतन्त्रका लागि संघर्ष गरेर इतिहास बनाएको नेपाली कांग्रेसको वर्तमान र भविष्यको चिन्ता गर्ने, संवाद गर्ने थलोको रूपमा यो महाधिवेशन हुन गइरहेको छ,’ उनले भनिन् ।भुसालले महाधिवेशन केवल पद व्यवस्थापन र नेतृत्व चयनका लागि मात्रै नभएको बताइन् । कांग्रेसका नेता–कार्यकर्ता मात्रै नभई लोकतन्त्र र कांग्रेसमा विश्वास गर्ने सबैले पार्टीको अवस्थाबारे आत्मसमीक्षा गर्ने अवसरका रूपमा महा
काठमाडौंः नेपाली कांग्रेसको १५औं महाधिवेशन उद्घाटन समारोहमा सम्बोधन गर्दै लामिछानेले कांग्रेसले पार्टीप्रतिको निष्ठालाई महत्त्व दिएको भए, समानुपातिक प्रतिनिधित्वलाई व्यवहारमा उतारेको भए र युवा नेतृत्वलाई समयमै अवसर दिएको भए आफू पनि कांग्रेस हुन सक्ने बताएका छन्।‘मै पनि कांग्रेस हुन्थेँ होला’, उनले भने, ‘यदि कांग्रेसले बेलैमा पार्टीको निष्ठालाई पुँजी मान्नेहरूलाई महत्त्व दिएको भए, न कि भौतिक पुँजी भएकाहरूलाई महत्त्व नदिएको भए, मै पनि कांग्रेस हुन्थेँ होला।’कांग्रेसले दुर्गम र पिछडिएको क्षेत्रका मानिसलाई समानुपातिक प्रतिनिधित्वका नाममा अवसर दिने कुरा गरे पनि टिकट वितरणमा सबभन्दा अगाडि र धेरै अवस
गछियाः पछिल्लो समय शारीरिक तन्दुरुस्ती र स्वस्थ जीवनशैलीप्रति बढ्दै गएको चासोलाई लक्षित गर्दै मोरङको सुन्दरहरैँचा–३ गछियामा ‘एसएस फिटनेस’ सञ्चालनमा आउने भएको छ ।आधुनिक व्यायाम उपकरण र प्रशिक्षित जनशक्तिसहित सञ्चालनमा आउन लागेको फिटनेस सेन्टरको आज बिहान ११ बजे उद्घाटन गरिने सञ्चालक सुमन याक्खाले जानकारी दिनुभयो ।याक्खाका अनुसार फिटनेस सेन्टरमा विभिन्न उमेर समूह तथा शारीरिक क्षमताका व्यक्तिलाई लक्षित गरी व्यायाम तथा प्रशिक्षणको व्यवस्था गरिनेछ । नियमित व्यायामलाई केवल शरीरलाई तन्दुरुस्त राख्ने माध्यमका रूपमा नभई स्वस्थ र अनुशासित जीवनशैलीको आधारका रूपमा विकास गर्ने उद्देश्य रहेको उहाँको भनाइ छ ।
