दमकः काँकरभिट्टा–लौकही सडक आयोजना पूर्वी खण्डका अनुसार रतुवा नदीमा निर्माण भइरहेको शैलीको आर्क पुल झापाका निन्दा, बिरिङ र कनकाई नदीमा पनि निर्माण हुने भएको छ ।एशियन हाइवेको काँकरभिट्टा–लौकही सडक आयोजनाअन्तर्गत चौथो प्याकेजमा पर्ने ३०० मिटरभन्दा लामा तीनवटा पुल निर्माणको ठेक्का कोभेक–क्रेजसी–टुन्डी जेभीले पाएको छ । तीनवटै नदीमा पुल निर्माणका लागि स्टिल संरचनाको काम शुरु भएको छ ।तीनवटै पुल निर्माणका लागि ५ अर्ब ९७ करोड रुपैयाँमा ठेक्का सम्झौता भएको आयोजना कार्यालयले जनाएको छ । आयोजनाका अनुसार तीन पुलको समग्र भौतिक प्रगति ३१ प्रतिशत पुगेको छ ।काँकरभिट्टा–लौकही सडकको पूर्वी खण्डमा सडकसँगै ठूला नदी
रामपुरः गाउँको विकास, रोजगारी, अनुदानदेखि विभिन्न कामको प्रलोभन देखाएर सङ्कलन गरिएका नागरिकताको प्रतिलिपि दुरुपयोग गरी उनीहरूकै नाममा ई–सेवा तथा बैंक खाता खोली करोडौँ रुपैयाँको कारोबार भएको घटना सार्वजनिक भएको छ ।बेलका नगरपालिका वडा नम्बर ३ र ४ का स्थानीयको नागरिकता दुरुपयोग गरी ठूलो रकमको कारोबार गरेको आरोपमा प्रहरीले बेलका–४ का रितेश खत्री र उनका बुवा प्रकाश खत्रीलाई पक्राउ गरी अनुसन्धान अघि बढाएको छ ।नेपाल प्रहरीको साइबर ब्युरो तथा वैदेशिक रोजगार विभागबाट अवैध कारोबारसम्बन्धी विषयमा स्थानीय केही व्यक्तिलाई बोलाइएपछि मात्रै कतिपय स्थानीयले आफ्नो नागरिकता दुरुपयोग भएको थाहा पाएका थिए ।रितेश ख
काठमाडौंः आज बसेको रास्वपाको केन्द्रीय समिति बैठकले पार्टीको प्रवक्ता, सहप्रवक्ता, कोषाध्यक्ष, सहकोषाध्यक्ष र केन्द्रीय सदस्य पदमा केही नेतालाई मनोनित गरेको छ ।पार्टीको प्रवक्तामा जगदीश खरेल, कोषाध्यक्षमा डा. मनोहर प्रधान, सहकोषाध्यक्षमा बसुमाया तामाङ, तथा सहप्रवक्तामा ननिता यादव र सुरेन्द्र चौधरी मनोनित हुनुभएको छ ।बैठकले संगठन विभाग प्रमुखमा प्रमोद न्यौपानेलाई मनोनित गरेको छ ।शिशिर खनाल, गणेश पराजुली, विराजभक्त श्रेष्ठ, कबिन्द्र बुर्लाकोटी, लिमा अधिकारी, दीपकराज बोहरा, समीक्षा बास्कोटा, शिव नेपाली, इन्दिरा राना मगर, मनिष झा र पुरूषोत्तम यादव सचिवालय सदस्यमा मनोनित हुनुभएको छ ।भूपदेप शाह, सुन
काठमाडौं । काठमाडौंको शंखमुलस्थित भ्याली ब्वाईज होस्टलमा कुटपिट तथा धारिलो हतियार प्रहारबाट एक युवकको मृत्यु भएको छ।दाङको घोराही उपमहानगरपालिका १७ घर भई हाल उक्त होस्टलमा बस्दै आएका २२ वर्षीय बसन्त कालाथोकीमाथि सोही होस्टलमा बस्ने बाराको कलैया उपमहानगरपालिका ३ घर भएका १८ वर्षीय शेखर यादव र अन्दाजी २० वर्षीय प्रमित पटेलले कुटपिट तथा धारिलो हतियार प्रहार गरेका थिए।घटनामा गम्भीर घाइते भएका कालाथोकीलाई उपचारका लागि मिनभवनस्थित निजामती कर्मचारी अस्पताल लगिएको थियो । टाउको र घाँटीमा चोट लागेका उनको अवस्था गम्भीर रहेको र बोल्न नसक्ने अवस्थामा उपचार भइरहेकोमा उपचारकै क्रममा अस्पतालका चिकित्सकले मृत घो
काठमाडौं । नेपाल सरकारको स्वामित्व रहेको दुग्ध विकास संस्थान (डीडीसी)बाट उत्पादित घ्यू दुबई निर्यात सुरू भएको छ । त्यहाँ बसोबास गर्ने नेपालीलाई लक्षित गरेर शुक्रबारदेखि दुबईमा निर्यात थालिएको हो ।पहिलोपटक शुक्रबार ६ सय किलो घिउ जहाजबाट दुबई पठाइँदै छ । दुबइमा घ्यू निर्यात गर्न डीडीसीले रातो र चन्द्र–सूर्य इन्टरनेसनलसँग सम्झौता गरेको छ ।दुबईमा रहेका बिक्रेताले परीक्षणको रुपमा बिक्री गर्ने र मागको अवस्था हेरेर थप निर्यात गरिने प्रबन्ध निर्देशक प्रकाशचन्द्र घिमिरेले बताए ।
इटहरी । आज नेपाली शेयर बजारमा १ अर्ब ६० करोड ७२ लाख रुपैयाँको शेयर किनबेच भएको छ ।उतारचढावका बीच १ दिउँसो १ बज्दा ०.७९ अङ्कमात्रै नेप्से सूचक बढेको छ । सर्वाेत्तम पेन्ट्सको शेयरमूल्य १५ प्रतिशत बढेको छ ।सानिमा माइ हाइड्रोपावरको सर्वाधिक १२ करोड २० लाख रुपैयाँको शेयर किनबेच भएको छ ।
विराटचोकः आज सुन र चाँदी दुवैको भाउ बढेको छ । आज सुनको भाउ तोलाको ३ हजार ३०० रुपैयाँ र चाँदी प्रतितोला १३० रुपैयाँ बढेको छ ।नेपाल सुनचाँदी व्यवसायी महासंघका अनुसार आज सुन प्रतितोला ३ लाख १६ हजार ७०० रुपैयाँमा कारोबार भइरहेको छ ।चाँदी प्रतितोला ४ हजार ९८५ रुपैयाँमा कारोबार भइरहेको छ ।
बेलबारीः दमकमा केन्द्रीय कार्यालय रहेको मेची बहुउद्देश्यीय सहकारी संस्था लिमिटेडको बेलबारी सेवा कार्यालयको साधारणसभा हिजो बेलबारी बहुमुखी क्याम्पसको सभाहलमा सम्पन्न भएको छ ।१२ वटा सेवा कार्यालय रहेको सहकारीले हिजो बेलबारी र लेटाङमा साधारणसभा गरेर सेवा कार्यालयतर्फको साधारणसभा सम्पन्न गरेको हो ।बेलबारीमा भएको साधारणसभामा सो सेवा केन्द्र अन्तर्गतका विभिन्न विधामा उत्कृष्ट शेयर सदस्य तथा शेयर सदस्यका परिवारका सदस्यलाई सम्मान गरिएको थियो ।कार्यक्रममा सो संस्थाका प्रमुख कार्यकारी अधिकृत खोमप्रसाद बगालेले संस्थाले गरिरहेका काम र आगामी योजनाका बारेमा जानकारी गराउनुभएको थियो ।साधारणसभामा प्रस्तुत भएको
इटहरी । आज देशभर साधारणतया बदली रहने मौसम पूर्वानुमान महाशाखाले जनाएको छ । देशका हिमाली तथा पहाडी भू–भागका केही स्थानमा मेघगर्जन र चट्याङसहित मध्यमसम्म वर्षा तथा हिमपात हुने सम्भावना रहेको पनि महाशाखाले जनाएको छ ।जल तथा मौसम विज्ञान विभागका अनुसार गत २४ घण्टामा सिन्धुपाल्चोकको मेलम्ची घ्याङमा सर्वाधिक अर्थात् १०७.२ मिलिमिटर वर्षा भएको छ । त्यस्तै, ताप्लेजुङको तापेथोकमा १०३.४ मिलिमिटर वर्षा भएको छ ।विभागका अनुसार आज बागमती, गण्डकी र लुम्बिनी प्रदेशका तराई भू–भागका केही स्थानमा पनि मेघगर्जन र चट्याङसहित मध्यमसम्म वर्षा हुने अनुमान गरिएको छ ।मधेस प्रदेश तथा कोशी र सुदूरपश्चिम प्रदेशका तराई भ
इटहरी । आर्थिक वर्ष २०८२\८३ मा जीवन बीमा कम्पनीहरूको व्यवसाय सन्तोषजनक रूपमा अगाडि बढेको पाइएको छ । नेपाल बीमा प्राधिकरणले हालै सार्वजनिक गरेको वित्तीय विवरणमा यस्तो देखिएको हो ।सो विवरणअनुसार यस वर्ष जीवन बीमकहरूको समग्र व्यवसाय दोहोरो अङ्कले उकालो लाग्दा कुल बीमाशुल्क आर्जनमा १२ प्रतिशतभन्दा बढीले उकालो लागेको छ । १४ वटा जीवन बीमा कम्पनीहरूले समग्रमा २ खर्ब १ अर्ब ९१ लाख रुपैयाँ कुल बीमाशुल्क आर्जन गरेका छन् । अघिल्लो आर्थिक वर्ष २०८१\८२ मा यस्तो बीमाशुल्क १ खर्ब ७७ अर्ब ९० करोड ६३ लाख रुपैयाँ मात्रै थियो ।सबैभन्दा बढी नेपाल लाइफ इन्स्योरेन्स कम्पनीले ५ खर्ब ३६ अर्ब ८८ करोड रुपैयाँको कु
