विराटचोकः मोरङको सुन्दरहरैंचा–१२ स्थित इन्द्रपुर नमूना माध्यमिक विद्यालयमा १९ औँ पुस्तकालय दिवस मनाइएको छ ।दिवसका अवसरमा विद्यार्थीहरूले विद्यालयको पुस्तकालयमा विभिन्न पुस्तक अध्ययन गर्दै पुस्तक पढ्ने संस्कृतिको विकास र ज्ञानको महत्त्वबारे जानकारी लिएका थिए ।विद्यालयका प्रधानाध्यापक उत्सव थापाले पुस्तकालय विद्यार्थीको ज्ञान, सिर्जनशीलता र सकारात्मक सोच विकास गर्ने महत्वपूर्ण माध्यम भएको बताउँदै प्रविधिको बढ्दो प्रयोगसँगै पुस्तक पढ्ने बानीलाई पनि निरन्तरता दिनुपर्नेमा जोड दिनुभएको थियो ।
काठमाडौंः भोटेकोशी बाढी प्रभावित क्षेत्रबाट पोस्टमार्टमका लागि काठमाडौं ल्याइएका ११४ शवमध्ये हालसम्म १३ जनाको मात्रै सनाखत भएको छ ।रसुवा, नुवाकोट र धादिङलगायत बाढी प्रभावित क्षेत्रबाट संकलन गरिएका शव त्रिवि शिक्षण अस्पताल महाराजगञ्जमा ल्याइएको थियो । काठमाडौँ प्रहरीका अनुसार पहिचान खुलेका १३ मध्ये १२ शव परिवारले बुझेर अन्त्येष्टि गरिसकेका छन् ।पहिचान हुन नसकेका शवमध्ये ४६ वटालाई काठमाडौंको गोकर्णेश्वर नगरपालिका–७ स्थित दक्षिणढोका जङ्गल क्षेत्रमा सुरक्षित रूपमा व्यवस्थापन गरिएको छ । स्थानीय प्रशासनको निर्णयपछि ती शवलाई आवश्यक कानुनी तथा फरेन्सिक प्रक्रिया पूरा गरेर व्यवस्थापन गरिएको जनाइएको छ ।
काठमाडौंः त्रिभुवन विश्वविद्यालयको शिक्षाध्यक्षमा प्रा. अञ्जना सिंह र रजिस्ट्रारमा प्रा. रवीन्द्र शिवाकोटी नियुक्त हुनुभएको छ । उपकुलपतिले गरेको सिफारिशका आधारमा विश्वविद्यालयका कुलपति तथा प्रधानमन्त्री बालेन्द्र शाहले शिक्षाध्यक्ष र रजिस्ट्रार नियुक्त गर्नुभएको हो ।शिवाकोटी त्रिभुवन विश्वविद्यालयको शिक्षा शास्त्र संकायका प्राध्यापक र सिंह विज्ञान संकायकी प्राध्यापक हुनुहुन्छ ।
काठमाडौंः आज बसेको राष्ट्रिय सभा बैठकले रसुवा बाढीबारे विशेष प्रस्ताव पारित गरेको छ ।राष्ट्रिय सभामा सभाका अध्यक्ष नारायणप्रसाद दाहालले विशेष प्रस्ताव प्रस्तुत गर्दा सभाले सर्वसम्मत पारित गरेको हो । यही भदौ १० गते रसुवाको भोटेकोशीमा विनाशकारी बाढीका कारण ठूलो धनजनको क्षति भएको छ ।विशेष प्रस्तावमार्फत राष्ट्रिय सभाले बाढी प्रभावितको उद्धार र राहतको विषयलाई प्राथमिकतामा राख्न सरकारको ध्यानाकर्षण गरेको छ । घाइतेहरूको निशुःल्क उपचार गराउन आग्रह गरिएको छ । वैज्ञानिक रुपमा शव व्यवस्थापन गर्न भनिएको छ ।भौतिक संरचनाको पुर्ननिर्माणका लागि तहगत सरकारहरूबीच समन्वय गर्न आग्रह गरिएको छ । स्थानीय समुदाय, ना
इटहरी । भोटेकोशी बाढीपछि लगातार घटिरहेको शेयर बजारमा आज दुई घण्टाको अवधिमा झण्डै डेढ अर्ब रुपैयाँको शेयर किनबेच भएको छ । बजार पनि साढे १३ अंक बढेको छ ।२५२६ को आसपासमा रहेर कारोबार भइरहेको बजारमा सबैभन्दा धेरै आँखुखोला जलविद्युत आयोजनाको ७ करोड ९ लाख ७० हजार रुपैयाँको शेयर किनबेच भएको छ । सोलु हाइड्रो, शिवम् सिमेण्ट्स, चिलिमे हाइड्रोपावर र रिडी हाइड्रोपावर उच्च कारोबार गर्ने कम्पनीमा परेका छन् ।लक्ष्मी लघुवित्तको शेयरमूल्य सर्वाधिक अर्थात् ८ प्रतिशत बढेको छ भने सयपत्री हाइड्रोपावरको शेयरमूल्य सर्वाधिक पौने ७ प्रतिशतले झरेको छ ।
इटहरी । आज पनि नेपाली बजारमा सुनको मूल्य घटेको छ । आज सुनको मूल्य तोलामा ५०० रुपैयाँ घटेको हो । चाँदीको मूल्य पनि आज तोलामा १५ रुपैयाँ घटेको छ ।नेपाल सुनचाँदी व्यवसायी महासंघका अनुसार आज सुनको भाउ प्रतितोला ३ लाख ६ हजार १०० रुपैयाँ निर्धारण भएको छ ।चाँदीको मूल्य प्रतितोला ४ हजार ७६५ रुपैयाँ तोकिएको छ ।
भोजपुरः नेपाल प्रेस युनियन जिल्ला शाखा भोजपुरको आइतबार सम्पन्न छैटौं जिल्ला अधिवेशनले अर्जुन बस्नेतको अध्यक्षतामा ११ सदस्यीय नयाँ जिल्ला कार्यसमिति चयन गरेको छ ।अधिवेशनबाट उपाध्यक्ष (खुला) मा दीपेन्द्र लुइँटेल, महिला उपाध्यक्षमा सरिता सुनुवार, सचिवमा दिवस श्रेष्ठ, सहसचिवमा सुष्मा राई र कोषाध्यक्षमा तारा मोक्तान चयन हुनुभएको छ ।सदस्यहरूमा कविता खड्का, एलिना श्रेष्ठ, सागर बस्नेत, सुजन अधिकारी र मनिता कार्की चयन हुनुभएको छ ।
खोर्सानेः साहित्य, सिर्जनशीलता र युवा प्रतिभालाई प्रोत्साहन गर्ने उद्देश्यले सुन्दरहरैंचा नगर बाल सञ्जालको आयोजना तथा सिद्धार्थ सेकेन्डरी स्कुल, सुन्दरवाटिका एकेडेमी, क्वेस्ट इङ्ग्लिस स्कुल र हिमालयन इङ्ग्लिस स्कुलको प्रायोजनमा ‘रोजितसँग मनका भावः कविता साँझ’ सम्पन्न भएको छ ।सुन्दरहरैंचा नगरपालिकाकी उपप्रमुख अकली चौधरीको प्रमुख आतिथ्यता तथा इलाका प्रहरी कार्यालय बेलबारीका प्रमुख राजीव गिरीको विशिष्ट आतिथ्यतामा भएको कार्यक्रममा कवि रोजित बस्नेतले आफ्ना विभिन्न कविता तथा सिर्जना प्रस्तुत गर्नुभएको थियो ।कार्यक्रममा विद्यार्थी तथा अन्य सहभागीहरूले समेत आफ्ना कविता, भावना, विचार र साहित्यिक सिर्जन
काठमाडौंः भदौ १० गते आएको बाढीले नुवाकोटको विदुर नगरपालिका वडा नम्बर १० मा २० वटाभन्दा बढी शव एउटै घरभित्र एउटै कोठामा फेला परेका छन् । सो घरमा २२ वटा शव देखिएको र हिजो पानी परेको र राति पनि भइसकेका कारणले सबै शव निकाल्न नसकिएको बताइएको छ ।घण्टीघरभन्दा अलिमास्तिको घरमा ड्रोनमार्फत् खोजी गर्दा ती शव फेला परेको बताइएको छ । हिजो ५ वटा शव निकालिएको र बाँकी आज निकालिने प्रहरीले जनाएको छ ।ती शव पहिचान गर्न नसकिने अवस्थामा भएको बताइएको छ ।
भोजपुरः हतुवागढी गाउँपालिका–२ लुङ्गिनका किसान पछिल्लो समय व्यावसायिक सुन्तला खेतीतर्फ आकर्षित हुन थालेका छन् ।परम्परागत अन्नबालीमा सीमित रहेका किसानहरू आम्दानी बढाउने लक्ष्यसहित फलफूल खेतीतर्फ उन्मुख भएका हुन् ।लुङ्गिन क्षेत्रको हावापानी र माटो सुन्तला खेतीका लागि उपयुक्त मानिएकाले यहाँ सुन्तला खेतीको विस्तार तीव्र गतिमा भइरहेको छ ।त्यसो त किसानलाई प्रोत्साहन गर्न गाउँपालिकाले अनुदान तथा प्राविधिक सहयोगका विभिन्न कार्यक्रम सञ्चालन गरिरहेको छ । सुन्तलाका बिरुवा वितरण, बगैँचा व्यवस्थापन तालिम, मलखाद तथा रोग नियन्त्रणसम्बन्धी सहयोगले किसानलाई थप उत्साहित बनाएको गाउँपालिकाको भनाइ छ ।फलफूल खेतीमार्
