इटहरी । सरकारले आज मन्त्रिपरिषद् विस्तार गरेको छ ।उद्योग, वाणिज्य तथा आपूर्ति मन्त्रालयको जिम्मेवारी गौरीकुमारी यादवलाई दिइएको छ । श्रम, रोजगार तथा सामाजिक सुरक्षा मन्त्रालयको जिम्मेवारी रामजी यादवलाई दिइएको छ ।उद्योगमन्त्री यादव महोत्तरी क्षेत्र नम्बर ४ बाट निर्वाचित सांसद हुन् । श्रममन्त्री यादव सप्तरी क्षेत्र नम्बर २ बाट निर्वाचित सांसद हुन् ।उनीहरुको आजै शपथ ग्रहण हुने बताइएको छ ।
इटहरी । राष्ट्रपति रामचन्द्र पौडेलले मन्त्रिपरिषद्को सिफारिसअनुसार भोलि चैत २७ गते राति १२ बजेदेखि संघीय संसद्को दुवै सदनको अधिवेशन अन्त्य गरेका छन् ।अधिवेशन अन्त्य गर्ने निर्णय मन्त्रिपरिषद्को चैत २४ गतेको सिफारिसमा आधारित रहेको राष्ट्रपति कार्यालयले जनाएको छ ।अधिवेशन अन्त्यको निर्णय नेपालको संविधानको धारा ९३ को उपधारा (२) अनुसार गरिएको हो ।राष्ट्रपति पौडेलले भोलि संघीय संसद्को संयुक्त बैठकलाई सम्बोधन गर्ने कार्यक्रम छ ।
इटहरी । रास्वपाका सभापति रवि लामिछानेको सिफारिशमा प्रधानमन्त्री बालेन शाहले श्रम, रोजगार तथा सामाजिक सुरक्षामन्त्री दीपककुमार साहलाई बिहीबार पदमुक्त गरेका छन् ।सभापति रवि लामिछानेले बिहीबार नै श्रममन्त्री साहले मन्त्री पदमा बहाल रहँदा पदीय मर्यादाको दुरुपयोग गरी लामो समयदेखि निष्क्रिय रहेको स्वास्थ्य बीमा बोर्डको सदस्यका रूपमा श्रीमतीलाई नियमित कार्यमा संलग्न गराएको भन्दै कारबाहीका लागि प्रधानमन्त्रीसमक्ष सिफारिश गरेका थिए ।हिजो बुधबार बसेको रास्वपाको केन्द्रीय अनुशासन आयोगले यस विषयमा विस्तृत अध्ययन गरी साहलाई कारबाही गर्नुपर्ने प्रतिवेदन पार्टीसमक्ष पेस गरेको थियो । मन्त्री साहको यस्तो
इटहरी । भोलि चैत २७ गते प्रतिनिधि सभाका सभामुखको निर्वाचन हुने भएको छ ।हिजो बुधबार बसेको प्रतिनिधि सभा बैठकमा सभामुख डोलप्रसाद अर्यालले उपसभामुख निर्वाचनको मिति तोकेका हुन् ।प्रतिनिधिसभा नियमावली, २०७९ को नियम ८ उपनियम २ बमाजिम उपसभामुखको निर्वाचनको मिति घोषणा गरिएको उनले बताए ।
धरानः श्रम संस्कृति पार्टीका अध्यक्ष हर्कराज राई (साम्पाङ) ले प्रधानमन्त्री बालेन्द्र शाह (बालेन) लाई रातो किताबमा योजना समावेश गर्न भन्दै मागपत्र बुझाएका छन् । मागपत्रको मुख्य बुँदा धरान, वराहक्षेत्र र रामधुनीको खानेपानी समस्या समाधान रहेको छ ।आगामी आर्थिक वर्षको बजेटमा समावेश गर्न माग गर्दै साम्पाङले ३७ बुँदे मागपत्र बुझाएका हुन् ।यस्ता छन् मागपत्रका बुँदा र मागपत्रमा उल्लेख भएका योजना माग गर्नुको कारणः१. सप्तकोशी धरान खानेपानी आयोजना प्राथमिकतामा पारिनुपर्ने ।कारणः धरान–२०, धरान–४, धरान–१४, धरान–५, धरान–६, धरान–१७ को पट्नाली र खैरेनीलगायतका धरानको मुख्य समतल आवासीय र बजार क्षेत्रल
इटहरी । मन्त्रिपरिषद गठन भएको दुई साता नबित्दै मंगलबार मन्त्रीहरूको मर्यादाक्रम हेरफेर गरिएको छ ।मर्यादाक्रममा गल्ती भयो भन्ने कुरा पहिलो दिन नै उठेको र मन्त्रिपरिषदकै केही सदस्यले अघिल्लो चोटि रास्वपा सरकारमा गएका बेला मन्त्री भइसकेका विराजभक्त, शिशिर लगायतलाई वरीयतामा तल राखेर भर्खरै पार्टी प्रवेश गरेका वा पहिलोचोटि मन्त्री भएकाहरूलाई माथि राखिएकोमा प्रश्न उठाएका थिए ।अहिले पार्टी सभापति रवि लामिछाने र प्रधानमन्त्री बालेन्द्र शाहको सहमतिमा पार्टीको वरिष्ठता, अघिल्लोचोटि मन्त्री भएको, नभएको र अन्य राजनीतिक योग्यताका आधारमा नयाँ मर्यादाक्रम तोकिएको बताइएको छ ।अर्थमन्त्री डा. स्वर्णि
काठमाडौंः सरकारले संघीय मन्त्रिपरिषद्को मर्यादाक्रम हेरफेर गरेको छ । योसँगै यसअघि तेस्रो नम्बरमा रहेका सुधन गुरुङ पाँचौँ नम्बरमा पुगेका छन् ।प्रधानमन्त्री बालेन्द्र शाहपछिको वरियतामा अर्थमन्त्री स्वर्णिम वाग्ले यथावत छन् । तेस्रो वरियतामा परराष्ट्रमन्त्री शिशिर खनाल रहेका छन् । चौथौमा उर्जा, जलस्रोत तथा सिंचाईमन्त्री विराजभक्त श्रेष्ठ रहेका छन् । पाँचौँ वरियतामा गृहमन्त्री सुधन गुरुङ रहेका छन् ।छैटौँ वरियतामा भौतिक पूर्वाधार तथा यातायात; सहरी विकासमन्त्री सुनिल लम्साल रहेका छन् । साताँै वरियतामा कानुन, न्याय तथा संसदीय मामिलामन्त्री सोविता गौतम रहेकी छिन् ।आठौँ वरियतामा महिला, बालबालिका त
विराटनगरः कोशी प्रदेशका प्रदेश प्रमुख परशुराम खापुङले प्रदेशसभाको आठौं अधिवेशन अन्त्य गर्नुभएको छ । कोशी प्रदेश सरकार, मन्त्रिपरिषद्को २०८२ चैत २३ गतेको सिफारिशअनुसार अधिवेशन अन्त्य भएको विज्ञप्ति जारी गरिएको हो ।प्रदेश प्रमुखको कार्यालयका प्रवक्ता नारायणप्रसाद भट्टराईद्वारा जारी विज्ञप्तिमा चैत २३ गते सोमबार राति १२ बजेदेखि प्रदेशसभाको चाल आठौं अधिवेशन अन्त्य गरिएको जानकारी दिइएको छ ।प्रदेश प्रमुखको कार्यालयले जारी गरेको विज्ञप्ति अनुसार नेपालको संविधानको धारा १८३ को उपधारा (२) बमोजिम प्रदेश प्रमुख खापुङले सोमबार राति १२ बजेदेखि लागू हुने गरी अधिवेशन अन्त्य गर्नुभएको हो ।
इटहरी । सरकारले २८ खर्ब विदेशी ऋण स्वीकार गर्ने निर्णय गरेपछि श्रम संस्कृति पार्टीका अध्यक्ष हर्कराज राई (हर्क साम्पाङ) ले त्यसको विरोध गरेका छन् । मन्त्रिपरिषद् बैठकलाई कोठे बैठकको संज्ञा दिँदै सरकारले पुरानै सरकारको जस्तै गरी निर्णय गरेको बताएका हुन्आइतबार बसेको मन्त्रिषरिषद्को बैठकले डिजिटल नेपाल ट्रान्फर्मेसन प्रोजेक्टका लागि ९० मिलियन अमेरिकी डलर (२८ खर्ब) बराबरको सहुलियतपूर्ण ऋण स्वीकार गर्ने निर्णय गरेपछि अध्यक्ष राईले सो निर्णयको विरोध गरेका हुन् ।सरकारले विदेशी ऋण लिएर डिजिटल कुरामा लगानी गर्नुभन्दा नागरिकका आधारभूत कुरामा ध्यान दिनुपर्ने उनको भनाइ छ । देशको विकासका लागि सबैभन्दा
काठमाडौंः गृहमन्त्री सुधन गुरुङले ३६ वर्षसम्म प्रहरीलाई काम गर्न नै नदिएर हतकडी लगाइएको रहेछ भन्ने भाव भएको स्टाटस सामाजिक सञ्जाल फेसबुकमा राखेका छन् ।आज बिहान पोस्ट गरिएको सो पोस्टमा लेखिएको छ, ‘३६ वर्षसम्म हतकडी सुरक्षाकर्मीलाई लगाइदिएको रहेछ ।’गृहमन्त्रीको निर्देशनमा प्रहरीले ठूला भ्रष्टाचारका फाइल खोलिरहेको छ । गृहमन्त्री बनेकै रात गुरुङले पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई पक्राउ गराएका थिए । भ्रष्टाचार प्रकरणमा राजनीतिक तथा व्यापारिक साम्राज्य चलाएकाहरू पनि धमाधम पक्राउ पर्न थालेका छन् ।सोही सन्दर्भमा गृहमन्त्रीको पछिल्लो भनाइ आएको अनुमान गरिएको छ ।
