विराटनगर – विराटनगर महानगरपालिका–९ स्थित पुरानो संचयकोष कार्यालयको पेटीमा एक पुरुष मृत अवस्थामा फेला परेका छन्। शनिबार दिउँसो करिब ५५ वर्षीय ती पुरुषको शव भेटिएको वडा प्रहरी कार्यालय विराटनगरले जानकारी दिएको छ।प्रहरीका अनुसार मृतकको पहिचान हालसम्म खुलेको छैन। शवलाई पोस्टमार्टमका लागि कोशी अस्पताल पठाइएको र पहिचानको लागि अनुसन्धान भइरहेको वडा प्रहरी कार्यालय विराटनगरका प्रमुख प्रहरी नायव उपरीक्षक बुद्ध श्रेष्ठले जानकारी दिए।प्रारम्भिक अनुसन्धानबाट ती पुरुष मागेर गुजारा गर्दै आएको देखिएको छ। थप विवरणहरू प्राप्त भएपछि मात्र घटनाको सत्यतथ्य खुल्न सक्ने प्रहरीको भनाइ छ।