वाना - संखुवासभा जिल्लाकाे पाँचखपन नगरपालिका– ६ का कृषक सलबहादुर कार्कीले एउटै खलामा ५० मुरी धान उत्पादन गरेपछि वडा कार्यालयले सम्मान गरेको छ ।
पाँचखपन नगरपालिका– ६ का वडाध्यक्ष विष्णु श्रेष्ठ सहितको टोलिले बुधबार सलबहादुर कार्कीको दाइँ गर्दै गरेको खलामा पुगेर सम्मानपत्रसहित नगद २० हजार रुपैयाँद्वारा सम्मान गरेको हो । आर्थिक वर्ष ०८१/८२ मा वडासभाले ‘एउटै खलाबाट सबैभन्दा धेरै धान थन्क्याउने कृषकलाई पुरस्कारको व्यवस्था’ गरिने शीर्षकअन्तर्गत ६ नम्बर वडाभित्र सबैभन्दा बढी सलबहादुर कार्कीले धान उत्पादन गर्न सफल भएकाले सम्मान गरिएको वडाध्यक्ष श्रेष्ठले बताए ।
वडाभित्रका उत्कृष्ट कृषकलाई सम्मान र प्रोत्साहन गर्ने नीति वडासभाबाट समेत पारित गरिएको थियो।
