बिर्तामोडः धानका बाला झुल्ने खेतमा अहिले सयपत्रीका फूल ढकमक्क फुलेका छन् । वर्षभरि धानखेती गर्दा मुस्किलले ५० हजार रुपैयाँ आम्दानी हुने जमिनमा व्यावसायिक फूलखेती गरेर १० देखि १२ लाख रुपैयाँसम्मको कारोबार गर्ने लक्ष्यसहित झापाको बुद्धशान्तिका तीन किसान जुटेका छन् ।बुद्धशान्ति गाउँपालिका–३ दुइरिङ्गेका विनोद रिजाल, गुणराज न्यौपाने र वीरबल बानियाँले सामूहिक रूपमा १० कट्ठा जमिनमा सयपत्रीखेती गरेका हुन् । ‘कृषि कम्पास’ समूह गठन गरेर शुरु गरिएको उनीहरूको यो प्रयास परम्परागत खेतीको विकल्प खोजिरहेका किसानका लागि नयाँ सम्भावनाका रूपमा देखिएको छ ।समूहले १० कट्ठा जमिनमा सात हजारभन्दा बढी सयपत्रीका बिरुवा
विराटचोकः लक्ष्मीपूजाको दिन आज सुनचाँदीको मूल्य स्थिर रहेको छ ।नेपाल सुनचाँदी व्यवसायी महासङ्घका अनुसार आज छापावाल सुन प्रतितोला २ लाख ८३ हजार रुपैयाँमा कारोबार भइरहेको छ । चाँदीको मूल्य प्रतितोला ३ हजार ८१० रुपैयाँ निर्धारण भएको छ ।
काठमाडौं । दरबारमार्गस्थित होटल उडन्यान्डको हाताभित्र सञ्चालित लिक्विड लाउन्ज बारमा भएको आगलागीले बारका सम्पूर्ण सामान नष्ट भएका छन् ।लाउन्ज बारका सञ्चालक सञ्जीव लामाले बताएअनुसार आगलागी नियन्त्रणमा आए पनि भित्र छिर्न सक्ने अवस्था छैन । त्यहाँ रहेका सम्पूर्ण सामान नष्ट हुँदा कम्तिमा पाँच करोडभन्दा बढी मूल्यको क्षति भएको उनले बताए । बारमा मदिरा, खानपिनका अन्य सामान, नगदसहितका सम्पूर्ण भौतिक बस्तु आगलागीबाट नष्ट भएको छ ।विद्युत सर्ट हुँदा आगलागी भएको लामाले बताए । होटल उडल्यान्ड रहेको भवनमा विद्युत आपूर्तिमा पहिल्यैदेखि समस्या रहेको उनले बताए ।
काठमाडौं । पृथ्वी राजमार्ग अन्तर्गत चितवनको इच्छाकामना-४ स्थित घोप्टेभीरमा सुक्खा पहिरो खस्दा सडक दुईतर्फी अवरुद्ध भएको छ ।जिल्ला प्रहरी कार्यालय चितवनका अनुसार आज बिहान करिब सवा १० बजेतिर सुक्खा पहिरो खस्दा राजमार्ग पूर्ण रूपमा अवरुद्ध बनेको हो ।सडक खुलाउनका लागि उपकरण प्रयोग भइरहेको चितवन प्रहरीको भनाइ छ ।
काठमाडौं । काठमाडौंको दरबारमार्गस्थित महेन्द्र शालिक नजिकै रहेको लिक्विड लाउन्ज बारमा आगलागी भएको छ ।काठमाडौं उपत्यका कार्यालय रानीपोखरीका अनुसार आज बिहान करिब ९ बजेतिर आगलागी भएको हो ।बारमा लागेको आगो निभाउन दुई वटा दम्कल घटनास्थल पुगिसकेको प्रहरीले जनाएको छ ।बारमा कोही पनि नभएका कारण बारका मालिकलाई बोलाउने प्रयास भइरहेको प्रहरीको भनाइ छ ।
विराटनगर: सुनसरीको वराहक्षेत्र नगरपालिकामा आयोजना हुने चौथो संस्करणको स्टोन स्किपिङ च्यालेन्जको तयारी पूरा भएको छ ।वराहक्षेत्र नगरपालिका–११ स्थित मधुवन बजारको तीनटोलियामा रहेको पोखरीमा कात्तिक २४ गते मंगलबार प्रतियोगिता आयोजना हुने आयोजक चतरा हाइकिङ समूहका संयोजक भीषण राईले जानकारी दिनुभयो ।प्रतियोगिताबारे आयोजकले विराटनगरमा पत्रकार सम्मेलन गर्दै तयारी पूरा भएको जनाएको हो ।लोपोन्मुख सीम तित्रा चराको संरक्षणप्रति जनचेतना अभिवृद्धि गर्नुका साथै विकास तथा प्रचारप्रसारमा पछाडि परेको मधुवन क्षेत्रको पर्यटन प्रवद्र्धन र पहिचान स्थापित गर्ने उद्देश्यले प्रतियोगिता आयोजना गर्न लागिएको आयोजकले जनाएको छ
इटहरी । सुनसरीको इटहरी उपमहानगरपालिका–१३ गणेश पेट्रोल पम्प नजिक हिजो राति पौने १२ बजे भएको ट्रकको टक्करबाट मोटरसाइकलमा सवार २ जनाको मृत्यु भएको छ ।जिल्ला प्रहरी कार्यालय सुनसरीका अनुसार कोशी लोकमार्गमा उत्तरबाट दक्षिणतर्फ जाँदै गरेको प्रदेश १–०४ ००१ ख ०००८ नम्बरको ट्रकले विपरीत दिशाबाट आउँदै गरेको बागमती प्रदेश ०२–०२५ प ३१३६ नम्बरको मोटरसाइकललाई ठक्कर दिएको थियो ।सो दुर्घटनामा गम्भीर घाइते भएका दुवै जनालाई उद्धार गरी उपचारका लागि कोशी अस्पताल विराटनगर लगिएको थियो । अस्पतालका चिकित्सकले दुवै जनालाई मृत घोषणा गरेका थिए । मृतक दुवै जनाको पहिचान खुल्न सकेको छैन । दुर्घटनापछि ट्रक चालक फर
इटहरी । नेपालको मौलिक संस्कृति र पर्यटनलाई डिजिटल माध्यमबाट अन्तर्राष्ट्रियस्तरमा प्रवर्द्धन गर्ने उद्देश्यले नेपाल पर्यटन बोर्डले पहिलोपटक ‘कुकुर तिहार रिल प्रतियोगिता–२०२६’ आयोजना गर्ने भएको छ ।संस्कृति, पर्यटन तथा नागरिक उड्डयनमन्त्री खड्गराज पौडेलको निर्देशनमा आयोजना हुन लागेको प्रतियोगितामा कुकुर तिहारको सांस्कृतिक महत्त्व, मानिस र कुकुरबीचको आत्मीय सम्बन्ध तथा नेपाली परम्परा झल्किने सिर्जनात्मक भिडियो बनाउनुपर्नेछ । प्रतियोगितामा उत्कृष्ट रिल तयार पार्नेले एक लाख रुपैयाँ पुरस्कार पाउनेछन् ।प्रतियोगितामा सहभागी हुन इच्छुकले कुकुर तिहारसम्बन्धी भिडियो अङ्ग्रेजी भाषामा तयार गरी इन्स्टा
इटहरी । नेपालीहरुको दोस्रो ठूलो चाड तिहारको दोस्रो दिन आज बिहान कुकुर तिहार र बेलुका लक्ष्मीपूजा मनाइँदै छ ।आज साँझमा लक्ष्मीपूजा गरिन्छ । बिहानै घर सफा सुग्घर राखी गाईको गोबर एवं रातोमाटोले लिपपोत गरी दीपावली गरेर लक्ष्मीलाई आमन्त्रण गरिन्छ । विशेषगरी घरका झ्याल, ढोका, चोटा, कोठा, संघार, कौसी, अटाली र भर्याङलगायतका स्थानमा सरसफाइ गरी दीपावली गरिन्छ ।लक्ष्मीपूजाका लागि आज साँझ आँगनदेखि मूलढोका हुँदै लक्ष्मी स्थापना गरी पूजा गर्ने कोठासम्म गाईको गोबर र रातोमाटोले लिपपोत गरेर चामलको पीठो र अबीरले लक्ष्मीको पाइला बनाई लक्ष्मी आउने बाटो देखाइन्छ ।पाइलैपिच्छे केराको सुत्लो अथवा माटाको पालामा द
इटहरी । बुधबार साँझ लोकप्रिय नेपाली ब्यान्ड नेपथ्यको साङ्गीतिक प्रस्तुतिमा इटहरी झुमेको छ । इटहरीस्थित रङ्गशालामा आयोजित नेपथ्यको कन्सर्टमा हजारौं दर्शकको उत्साहजनक उपस्थिति रहेको थियो ।सो ब्यान्डका मुख्य गायक अमृत गुरुङको जोसिलो स्वर, लोकप्रिय गीत र देशप्रेमले भरिएका अभिव्यक्तिले दर्शकलाई साङ्गीतिक आनन्दसँगै गम्भीर सन्देश पनि दिएका थिए । कन्सर्टमा नेपथ्यले करिब एक दर्जन गीत प्रस्तुत गरेको थियो । अमृत गुरुङको सशक्त गायनमा दर्शकहरू मग्न देखिन्थे ।कन्सर्टको आयोजना पूर्वाञ्चल इभेन्ट्सले गरेको थियो ।
