खाँदबारीः हिजो मनाङ जिल्लाको हिमलुङ हिमालमा गएको हिमपहिरोमा परेर सङ्खुवासभाका दुई जनाको मृत्यु भएको छ ।हिमपहिरोमा परेर भोटखोला गाउँपालिका–३ का छेबी भोटे र भोटखोला गाउँपालिका–२ का पासाङ भोटेको मृत्यु भएको भोटखोला गाउँपालिकाका अध्यक्ष वाङछेदर भोटेले जानकारी दिनुभयो । मृतकको शव पोस्टमार्टमका लागि हेलिकप्टरमार्फत काठमाडौँको त्रिवि शिक्षण अस्पताल ल्याइएको छ । उनीहरू दुवै जना टुरिष्ट गाइड भएको बताइएको छ ।
विराटचोकः सुन्दरहरैंचा उद्योग वाणिज्य संघको आयोजनामा नगरका उद्योगी, व्यवसायी तथा मजदुरलाई लक्षित गरी निःशुल्क स्वास्थ्य परीक्षण गर्नुका साथै टिटनास (टीटी) खोप लगाइएको छ ।संघको आयोजना तथा सुकुना सामुदायिक अस्पताल र लोक मेडिकल क्लिनिक एन्ड ल्याब, सुन्दरहरैंचा–१० विराटचोकको सहकार्यमा भएको कार्यक्रममा निःशुल्क सुगर तथा रक्तचाप परीक्षण, टीटी खोप र जनरल फिजिसियनबाट स्वास्थ्य परामर्श सेवा प्रदान गरिएको थियो ।नगर क्षेत्रमा रहेका ग्रील उद्योग, फर्निचर तथा हार्डवेयर पसलमा कार्यरत मजदुर, व्यवसायी तथा सञ्चालकलाई लक्षित गरी खोप कार्यक्रम आयोजना गरिएको सुन्दरहरैंचा उद्योग वाणिज्य संघका अध्यक्ष नारायण कार्की
इटहरीः आज नेपाल स्टक एक्सचेञ्ज (नेप्से) मा युनाइटेड अजोड इन्स्योरेन्सको ४.२८ प्रतिशत बोनस शेयर सूचीकृत भएको छ । नेप्सेमा ९ लाख ९० हजार कित्ता बोनस सेयर थपिएको हो । अब सो कम्पनीको नेप्सेमा सूचीकृत शेयर संख्या २ करोड ६४ लाख कित्ता पुगेको छ ।
इटहरीः आज सुन र चाँदी दुवैको मूल्य घटेको छ। सुन प्रतितोला ५ हजार रुपैयाँ र चाँदी प्रतितोला १ सय ४५ रुपैयाँले मूल्य घटेको हो।नेपाल सुनचाँदी व्यवसायी महासंघका अनुसार सोमबार सुन प्रतितोला २ लाख ९४ हजार ३०० रुपैयाँमा कारोबार भइरहेको छ। चाँदी प्रतितोला ४ हजार ५१० रुपैयाँमा कारोबार भइरहेको छ।
इटहरी । आज प्रि ओपन सेसनमा नेप्से परिसूचक ३ अंक बढेर बन्द भएको छ। बिहीबार ११.७७ अंक बढेर २६२९.८१ विन्दुमा बन्द भएको नेप्से, यस दिन सो सेसनमा ३.१९ अंक बढेर २६३३ विन्दुमा पुगेको छ। सो सेसनमा सेन्सेटिभ इण्डेक्स भने १.१० अंक बढेको छ।सोमबार प्रि ओपन सेसनमा ७२ स्टकको १४५ पटकको कारोबारमा ५३ लाख १९ हजार ६३१ रुपैयाँ १० पैसाबराबरको २२ हजार ७७१ कित्ता शेयर खरिदबिक्री भएको छ। जसमध्ये २३ स्टकको मूल्य बढेको छ भने ३६ स्टकको मूल्य घटेको छ। बाँकी १३ स्टकको मूल्य भने सो सेसनमा स्थिर रहेको छ।
इटहरी । आज सूचनामा विश्वव्यापी पहुँचका लागि अन्तर्राष्ट्रिय दिवस नेपालमा पनि विभिन्न कार्यक्रम आयोजना गरी मनाइँदै छ ।प्रत्येक वर्ष सेप्टेम्बर २८ का दिन यो दिवस मनाइन्छ । सन् २०१९ अक्टोबर १५ मा संयुक्त राष्ट्रसंघको महासभाको ७४ औँ सत्रले यो दिवस मनाउने निर्णय गरेको थियो ।संयुक्त राष्ट्रसंघीय शैक्षिक, वैज्ञानिक तथा सांस्कृतिक संगठन (युनेस्को)को सिफारिस र विश्वमा लोकतन्त्रका लागि सूचनामा पहुँचको आवश्यकतालाई ध्यानमा राखी संयुक्त राष्ट्रसंघको महासभाले यो ऐतिहासिक निर्णय गरेको थियो । विश्वभर सूचनाको हकलाई सर्वसाधारण नागरिकका बीचमा पुर्याउने उद्देश्यसहित विभिन्न कार्यक्रमको आयोजना गरी उक्त
ललितपुरः ललितपुरको धापाखेलमा पहिरोले सिंगै घर ढलेको छ।सोमबार बिहान ६:३५ बजे ललितपुर महानगरपालिका-२४ धापाखेल स्थित सोबित कुमार थापाको साढे २ तले घर पहिरोले ढलेको हो।जिल्ला प्रहरी परिसर ललितपुरका प्रवक्ता एसपी गौतम मिश्रका अनुसार अविरल वर्षाका कारण आएको पहिरोले उक्त घर ढलेर खोलामा पुगेको छ।पहिरोका कारण खोला समेत थुनिएको छ।
विराटचोकः मोरङको सुन्दरहरैँचा १० मा रहेको पुष्पज्योति बचत तथा ऋण सहकारी संस्थाको २१ औँ वार्षिक साधारणसभा सम्पन्न भएको छ ।साधारणसभामा आर्थिक वर्ष २०८२\०८३ को प्रगति विवरण, लेखा समितिको प्रतिवेदन तथा आर्थिक वर्ष २०८३\०८४ को कार्ययोजना प्रस्तुत गरिएको थियो ।२०६१ सालमा ३१ जना सदस्यबाट शुरु भएको संस्थामा हाल ७ सय शेयर सदस्यको शेयर पूँजी १ करोड ५ लाख ४९ हजार ५०० रुपैयाँ रहेको छ ।निक्षेप ७ करोड ४० लाख ९९ हजार ५२७ रुपैयाँ रहेको छ । संस्थाका अध्यक्षको प्रतिवेदन सहसचिव त्रिलोचन सुवेदीले प्रस्तुत गर्नुभएको थियो भने लेखा समितिको प्रतिवेदन लेखा समिति सदस्य विश्वराज भण्डारीले प्रस्तुत गर्नुभएको थियो ।कार्यक
इटहरी । विश्व रेबिजविरुद्धको दिवस आज विभिन्न जनचेतनामूलक कार्यक्रम गरी मनाइँदैछ । रेबिज रोकथाम र यस रोगविरुद्धमा भइरहेको प्रगतिको जागरुकता जगाउनका लागि हरेक वर्ष सेप्टेम्बर २८ लाई विश्व रेबिज दिवसको रुपमा मनाइन्छ ।यो दिवस लुइस पाश्चरको मृत्युको वार्षिकोत्सवका रूपमा समेत मनाइन्छ । फ्रान्सेली वैज्ञानिक लुइसले रेबिजविरुद्धको पहिलो खोप विकास गर्नुभएको थियो ।ग्लोबल एलायन्स फर रेबिज कन्ट्रोलले सन् २००७ देखि विश्व रेबिजविरुद्धको दिवस मनाउन थालेको थियो । जसलाई विश्व स्वास्थ्य सङ्गठनले समर्थन गरेको थियो ।नेपालले सन् २०३० सम्म रेबिजलाई शून्यमा झार्ने लक्ष्य लिएको छ । नेपालमा ९९ प्रतिशत रेबिज
इटहरी । तीन कम्पनीको लाभांश सुरक्षित गर्ने अन्तिम दिन रहेको छ। यस दिन शाइन रेसुङ्गा डेभलपमेन्ट बैंक, सर्वोत्तम पेन्ट्स र अरुण भ्याली हाइड्रोपावर कम्पनीको लाभांश सुरक्षित गर्ने अन्तिम दिन हो।साधारण सभा तथा लाभांश वितरण प्रयोजनार्थ यी कम्पनीहरुले भोली अर्थात असोज १३ गते बुकक्लोज गर्दैछन्। यस अनुसार आजसम्म नेप्सेमा कारोबार भइ कायम शेयरधनीहरुले यी कम्पनीहरुको साधारण सभामा सहभागिता जनाउन तथा यी कम्पनीहरुले वितरण गर्ने लाभांश प्राप्त गर्न सक्नेछन्।
