इटहरी । सातौं संस्करणको दक्षिण एसियाली फुटबल महासङ्घ (साफ) महिला च्याम्पियनसिप आजदेखि दशरथ रङ्गशालामा सुरु हुँदैछ । प्रतियोगितामा नेपालसहित माल्दिभ्स, पाकिस्तान, श्रीलङ्का, भारत, भुटान र बङ्गलादेश सहभागी हुने अखिल नेपाल फुटबल सङ्घ (एन्फा) ले जनाएको छ । प्रतियोगिताको फाइनल खेल कात्तिक १४ गते हुनेछ । एन्फाका अनुसार प्रतियोगितामा सहभागी टोलीलाई दुई समूहमा विभाजन गरिएको छ ।साविक विजेता बङ्गलादेशसहित भारत र पाकिस्तान समूह ‘ए’ मा छन् भने समूह ‘बी’ मा नेपालसँगै भुटान, श्रीलङ्का र माल्दिभ्स परेका छन् । प्रतियोगिताको उद्घाटन खेल आजै भारत र पाकिस्तानबीच हुनेछ । भोलि शुक्रबार नेपाल भुटानस
मोरङ, लेटाङ -मोरङको लेटाङ नगरपालिका–१ मा दमन्त निरौलाको घरमा ग्यास लिकका कारण आगलागी हुँदा करिब ७ लाख रुपैयाँ बराबरको क्षति भएको छ।प्रहरीका अनुसार, आज दिउँसो खाना पकाउने क्रममा सिलिन्डरको बर्नरबाट ग्यास लिक भएपछि एक तले काठको टाँडे घरमा आगलागी भएको हो। आगलागीका कारण घर पूर्ण रूपमा जल्नुका साथै घरभित्र रहेका अन्नपात, लत्ताकपडा, र भाँडावर्तन पूर्णरूपमा नष्ट भएका छन्।घटनास्थलमा लेटाङको दमकल, बुधबार प्रहरी चौकीका प्रहरी, नगर प्रहरी, र स्थानीयवासीको सहयोगमा आगो नियन्त्रणमा लिइएको थियो। आगलागीको ठ्याक्कै कारण र थप अनुसन्धान भइरहेको प्रहरीले जानकारी दिएको छ।
महोत्तरी, ३० बुधबार – महोत्तरी जिल्लाको मनरा सिस्वा नगरपालिका-२ भोल्ही चौकमा प्रहरीले स्रोत नखुलेको ८ लाख ५ हजार ५ सय नेपाली रुपैयाँसहित एक व्यक्तिलाई पक्राउ गरेको छ।जिल्ला प्रहरी कार्यालयबाट खटिएको टोलीले बुधबार विहान चेकजाँचको क्रममा सम्सी गाउँपालिका-७ का २८ वर्षीय रामस्नेही साहलाई नियन्त्रणमा लिएको हो। प्रहरीका अनुसार साह भारतबाट नेपालतर्फ वीआर३०एएफ ३८७६ नम्बरको मोटरसाइकलमा आइरहेका थिए। चेकजाँचको क्रममा साहसँग १ हजार दरका ८ सय १ थान र ५ सय दरका ९ वटा नोटहरू फेला परेको बताइएको छ।प्रहरीले स्रोत खुल्न नसकेको रकमसहित साहलाई थप अनुसन्धानका लागि नियन्त्रणमा लिएको छ।
विराटनगर – विराटनगरस्थित मुन होटलका सञ्चालक दिलिपकुमार भगतमाथि खुकुरी प्रहार गरेको आरोपमा दुई जना पक्राउ परेका छन्। प्रहरीका अनुसार मंगलबार साँझ भएको घटनामा संलग्न रहेको आरोपमा विराटनगर-१० का ४५ वर्षीय सावन दास र विराटनगर-१२ का ४२ वर्षीय विनोदकुमार राय कामतलाई धरानबाट पक्राउ गरिएको हो।मोरङ प्रहरीका निमित्त प्रवक्ता इन्स्पेक्टर हेमराज ओलीका अनुसार भगतमाथि खुकुरी आक्रमणपछि अभियुक्तहरू भारततर्फ भाग्ने योजना बनाए पनि प्रारम्भिक अनुसन्धानले उनीहरू धरानतर्फ भागेको खुलासा गरेको छ। पक्राउ परेका दुवै जनालाई विराटनगर ल्याएर सोधपुछ भइरहेको छ भने घटनामा अन्य व्यक्तिको संलग्नता रहेको हुन सक्ने भन्दै अनुसन्
इटहरी । धरान उपमहानगरपालिका प्रमुख हर्क साम्पाङले उपप्रमुख हुँदाहुँदै वडाध्यक्षलाई कार्यवाहकको जिम्मेवारी दिएका छन् । नेकपा माओवादी केन्द्रबाट निर्वाचित उपप्रमुख अइन्द्रविक्रम बेघालाई कार्यवाहकको जिम्मेवारी नदिइ नियम विपरीत वडाध्यक्षलाई दिएका हुन् । आफूसँग राम्रो सम्बन्ध नभएका कारण साङपाङले उपप्रमुखलाई दिनुपर्ने जिम्मेवारी वडाअध्यक्षलाई दिएका हुन् ।उनले वडा नम्बर ११ का अध्यक्ष लोकेन्द्रकुमार फागुलाई आफ्नो अनुपस्थितिमा कार्यबाहक तोकेका हुन् । साम्पाङ बिहीबार बेलायत भ्रमणमा जान लागेका छन् । साम्पाङले वडाअध्यक्ष फागुलाई असोज २८ गतेदेखि बेलायतबाट नफर्किएसम्मका लागि कामकाज गर्ने गरी कार्यवाहक जिम्म
नेपालगञ्ज । बडादशैंको राति टाउको काटिएको अवस्थामा भेटिएका चन्द्रबहादुर कामीको हत्या आरोपमा ३० वर्षीय अनिल परियारलाई कोहलपुर प्रहरीले पक्राउ गरेको छ । साविक घर्तीगाउँ रोल्पा निवासी परियारलाई अघैया–कुसुमखण्डमा लुकेर बसेको अवस्थामा इलाका प्रहरी कार्यालय, कोहलपुरको टोलीले मंगलबार बिहान पक्राउ गरेको बाँकेका डीएसपी आयुष्मान जोशीले जानकारी दिए ।परियारलाई पक्राउ गरिए पनि हत्याको कारण भने अझै खुलिनसकेको प्रहरीले जनाएको छ । असोज २६ गते कोहलपुर नगरपालिका–८ पिपिरी चोकदेखि करिब दुई किलोमिटर पूर्व शीतलनगरमा हत्या गरिएको अवस्थामा शनिबार राति कामीको टाउको नभएको शव फेला परेको थियो ।घटनापछि प्रह
काठमाडौं । काठमाडौं महानगरपालिकाले गौशालास्थित धर्मशाला सञ्चालन गर्नका लागि काठमाडौं जिल्ला प्रशासनसँग सुरक्षा मागेको छ । महानगरका प्रमुख प्रशासकीय अधिकृत सरोज गुरागाईंले पत्र लेख्दै प्रशासनसँग सुरक्षा दिन माग गरेका हुन् ।पशुपति क्षेत्र विकास कोष र काठमाडौं महानगरबिच पशुपति गौशाला धर्मशाला सञ्चालन, व्यवस्थापन गर्ने लिखित सहमति भएको र उक्त सहमतिपत्र बमोजिम सञ्चालन र व्यवस्थापन गर्न शान्ति सुरक्षा सहित आवश्यक सहयोग गरिदिन पत्रमा प्रशासनलाई अनुरोध गरिएको छ । यसैबीच मारवाडी समुदायले कब्जा जमाएको गौशालास्थित पशुपतिनाथको धर्मशाला खाली गराउने तयारी अगाडि बढाइएको छ । काठमाडौँ महानगरले आज धर्मशाला
काठमाडौं । देशमा अहिले मनसुन बाहिरिएर ‘पोस्ट’ मनसुन चलिरहेको छ । सँगसँगै पछिल्ला दिनमा पश्चिमी वायुका साथै स्थानीय वायुको प्रभावले मुलुकका कतिपय स्थानमा बदली र वर्षा भइरहेको छ । मनसुन सकिएर पोष्ट मनसुन चलिरहेकाले क्रमशः चिसो बढ्दै गएको मौसमविदले बताएका छन् । यही असोज ११ र १२ गतेको अविरल वर्षापछि मौसम सुधार आएको छ ।गत असोज २७ गते नेपालबाट मनसुन पूर्ण रुपमा बाहिरिएको थियो । खुला आकाश भएकाले दिउँसो घाम लागेपनि साँझ र बिहान निकै चिसो महसुस गरिएको छ । सङ्घीय राजधानी काठमाडौँ उपत्यकामा पछिल्लो एकसातामा चिसो क्रमिक रुपमा बढिरहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।&nb
काठमाडौं । गत असोज १० गतेबाट आएको भीषण वर्षाको कारण आएको बाढी पहिरोले बगाएको बीपी राजमार्गमा डाइभर्सन गरी यातायात खुलाइएको छ । संघीय राजधानीलाई पूर्वी जिल्लासँग जोड्ने छोरी राजमार्ग भएका कारण पहिरो पन्छाएसँगै वीपी राजमार्गमा गाडीहरुको चाप बढेको छ । दशैँमा टीका लगाउन गाउँ गएकाहरु ध्माधम काठमाडौं फर्किन थालेसँगै अहिले बीपी राजमार्गमा सवारी साधनको भीड बढेको छ । सोमबार सडकमा साना सवारी साधनको निकै लामो लाइन देखिएको छ । रोशी खोलाको बाढी र पहिरोले बगाएको सडक फूलपातीको दिन राति खोलिएको भए पनि राति नै सुख्खा पहिरो गएपछि बन्द भएको थियो । पुनः सुक्खा पहिरो हटाएर सवारी साधन सञ्चालनको लागि खुल्ल
इटहरी ।यही असोज ११ र १२ गते आएको बाढीले सुनसरीमा दुई करोड ५० लाख बराबरको तरकारी बाली क्षति भएको छ । सुनसरी सदरमुकाम इनरुवासहित जिल्लाका हरिनगर, देवानगन्ज, भोक्राहा, बराहक्षेत्रलगायतका स्थानमा तरकारी बालीमा क्षति पुगेको कृषि ज्ञान केन्द्र इनरुवाका प्रमुख निलकमल सिंहले जानकारी दिए ।बाढीले बन्दा, भण्टा, लौका, फर्सीलगायत तरकारी बालीमा क्षति पुगेको हो । ‘बाढीका कारण सुनसरीमा एक सय पाँच हेक्टर क्षेत्रफलको तरकारी बाली क्षति गरेको छ, केरा खेतीमा पनि बाढीबाट क्षति भएको छ’, प्रमुख सिंहले भने । स्थानीय किसान रामबृक्ष मेहता बाढीले तरकारी बालीमा क्षति पुगेपछि आम्दानीको स्रोत गुमाउनुपरेको बताए ।बाढीले
